ഒന്നും ഉരിയാടാതെ 42 [നൗഫു] 5992

““എന്റെ പൊന്നു മനാഫ്.. ഇവിടെ സെറ്റ് ആകുന്നതിനു മുമ്പ് അവിടെ കുറച്ചു ജോലിയില്ലേ.. ഒന്നാമത് അവരെ രണ്ടു പേരെയും ലൈനിൽ അയച്ചിരിക്കുകയാണ്.. നമ്മുടെ പ്രോഡക്റ്റിനു  മാർക്കറ്റ് ഉണ്ടാക്കുവാൻ.. 

പിന്നെ ഞാനും ആഷിക്കും.. നിനക്ക് അറിയാമല്ലോ.. അവിടെ വെറുതെ ഇരിക്കുക അല്ല എന്ന്.. നമ്മുടെ പ്രൊഡക്ട് സംഭരിച്ചു വെക്കാൻ ഫ്രീസർ വേണം.  അതും കേരളത്തിൽ മുഴുവൻ എത്തിക്കാൻ ആണേൽ മൂന്നു സ്ഥലത്തു, സ്ഥലം ലീസിന് എടുത്തു നല്ല പൈസ ഇറക്കി തന്നെ ചെയ്യണം.. പിന്നെ ചെയ്യുന്ന പ്രവൃത്തി ഉഷാർ ആയിരിക്കണം എന്നത് എനിക്ക് നിർബന്ധം ആണ്…””

““എന്നിട്ട് എന്തായി..”” 

മനാഫ് വീണ്ടും ചോദിച്ചു..

““അത് നിനക്കറിഞ്ഞൂടെ.  ആഷിക് ദിവസവും നിന്നെ ഫോണിൽ അറിയിക്കുന്നുണ്ടല്ലോ..””

““അതൊക്കെ ഉണ്ട്.. എന്നാലും നേരിട്ട് കേൾക്കുവാൻ ഒരു കൊതി… നമ്മുടെ പുതിയ സ്വപ്നം അല്ലേടാ…””

““അത് ന്യായം.. ഇങ്ങനെ ഒരു മയത്തിൽ ഒക്കെ പറ മോനെ..”” 

ഞാൻ ചിരിച്ചു കൊണ്ട് പറഞ്ഞു..

““എല്ലാം സെറ്റ് ആയി… ഇനി നമ്മുടെ കമ്പനി പ്രൊഡക്ഷൻ തുടങ്ങിയാൽ മതി.. അത്യാവശ്യം ഉള്ള സെയിൽസ് അഭിയും സുജിത്തും കൂടേ ഉണ്ടാക്കി എടുത്തു.. ഇനി ഉള്ളത് കുറച്ചു ഭീമൻ  ഹൈപ്പർ മാർക്കറ്റുകളും സൂപ്പർ മാർക്കറ്റുകളുമാണ്.. അതിന് നമ്മുടെ സാധനം എങ്ങനെ ഉണ്ടെന്നു അവർക്ക് കാണണം എന്നാലെ പൈസ മുടക്കാൻ അവർ തയ്യാറാക്കൂ… പിന്നെ കോഴിക്കോടും എറണാകുളത്തും തിരുവനന്തപുരത്തും മൂന്നു ഫ്രീസറുകൾ നമ്മൾ ഉണ്ടാക്കിയിട്ടുണ്ട്..””