ഒന്നും ഉരിയാടാതെ 42 [നൗഫു] 5931

 

“”ഇത് അതെല്ലടാ..  ഇവിടെ അവർ ഉപയോഗിച്ചത്.. ഫസ്ഖ് എന്നുള്ള രീതിയാണ്..””

 

“”ഫസ്ഖ്… അത് എന്താടാ…”” 

 

മുന്നേ മദ്രസയിലും മറ്റും കേട്ടിട്ടുണ്ടെങ്കിലും.. ഞാൻ ആദ്യമായി കേൾക്കുന്ന ഒരു വാക് പോലെ അവന്റെ മുന്നിൽ നിന്നു…

 

“”അത് സ്ത്രീകൾക്കു ഏക പക്ഷീയമായി തീരുമാനം എടുക്കാവുന്ന രീതിയാണ് … ആണുങ്ങൾക് വിവാഹ ബന്ധം വേർപെടുത്തുവാൻ കഴിയുന്നത് പോലെ തന്നെ അവർക്കും ഇഷ്ട്ടപെടാത്ത അല്ലേൽ മുന്നോട്ട് കൊണ്ട് പോകുവാൻ കഴിയാത്ത വിവാഹ ഉടമ്പടിയിൽ നിന്നും പിൻമാറുവാനുള്ള നിയമം…””

 

“”പക്ഷെ അതിന് നമ്മുടെ നാട്ടിൽ നിയമ സാധുത ഇല്ലല്ലോ…””

 

“”ഇല്ല.. എന്നാലും അത് ഇവിടെ എല്ലാം നടക്കുന്നുണ്ട്…””

 

“”അതിന് നാജി തന്നെ മുൻകൈ എടുക്കേണ്ടെ…””

 

“”വേണം എന്ന് തന്നെയാണ്.. പക്ഷെ അവളുടെ ഉപ്പാക് പള്ളി കമ്മിറ്റിയിലും മറ്റുമുള്ള സ്വധീനം നമുക്ക് അറിയാമല്ലോ… ആ വഴി യിലൂടെ ആണെങ്കിലോ.. “” 

 

കുറച്ചു സമാധാനത്തിന്റെ വിത്തുകൾ എന്റെ ഉള്ളിലേക്കു എറിഞ്ഞു കൊണ്ട് ആഷിക് ചോദിച്ചു…

 

❤❤❤

 

ആറുമാസത്തെ ചികിത്സ കഴിഞ്ഞു ഇന്ന് ഇവിടെ നിന്നും പടിയിറങ്ങണം…

 

എന്നെ കൊണ്ട് പോകുവാൻ വരുന്നവരിൽ ബാവു ഉണ്ടാവില്ല എന്നുള്ളത് മനസിൽ വീണ്ടും വിങ്ങൽ ഉണ്ടാക്കുന്നുണ്ട്….

 

ആരാണ് എന്നെ കൊണ്ട് പോകുവാൻ വന്നിരിക്കുന്നത്…