ഒന്നും ഉരിയാടാതെ 42 [നൗഫു] 5992

വിരഹ വേദനയോടെ ജീവിക്കുന്ന ഭാര്യമാർ പറയുന്നത് പോലെ ബാവുവിന്റെ മണം ആ വീടിന്റെ ഓരോ മൂലയിലും നിറഞ്ഞിരുന്നു.. അത് സത്യമാണ്.. 

മാസം കൂടുന്നതിന് അനുസരിച്ചു എന്റെ വയർ വീർക്കുവാൻ തുടങ്ങിയപ്പോൾ ബാവുവിന്റെ ഷേർട്ട് ആയിരുന്നു ഞാൻ ധരിച്ചിരുന്നത്.. ഞാൻ മാത്രമല്ല എല്ലാ ഭാര്യമാരും അങ്ങനെ തന്നെ ആയിരിക്കും… പിന്നെ നമ്മൾ സാധരണ ഇടുന്നതൊന്നും കൊള്ളില്ലലോ.. 

എല്ലാം എല്ലാം എന്റെ തെറ്റ് തന്നെ ആയിരുന്നു…

അവനു മറ്റെല്ലാത്തിലും വലുത് ഞാൻ ആണ്ണെന്നുള്ള കാര്യം ഞാൻ തന്നെ മറന്നു പോയി.. അല്ലേൽ എനിക്ക് ഇങ്ങനെ ഒരു നഷ്ടം സംഭവിക്കില്ലായിരുന്നു…

❤❤❤

“”നിനക്ക് ഒന്നും പറയാൻ ഇല്ലേ..”” 

ആഷിക് എന്റെ കൈകളിൽ കൈ വെച്ചു കൊണ്ട് ചോദിച്ചു…

“”എടാ ഞാൻ…””

മനസിലലയടിക്കുന്ന ശക്തമായ പ്രേക്ഷോഭത്തിൽ എന്ത്‌ പറയണമെന്ന് അറിയാതെ ഞാൻ ഉഴറി…

“”ഇനി തീരുമാനങ്ങൾ നിന്റേതാണ്… നിനക്കവളെ സ്വീകരിക്കാം.. അല്ലേൽ…””

കുറച്ചു സമയത്തേക് ആഷിക് ഒന്നും മിണ്ടാതെ നിന്നു കൊണ്ട് തുടർന്നു….

“”നാജിയുടെ….  അല്ല.. അവളുടെ ഉപ്പയുടെയും ബന്ധുക്കളുടെയും ആവശ്യം പോലെ മൊഴി ചൊല്ലി ബന്ധം വേർപെടുത്തി കൊടുക്കാം…””