അപരാജിതൻ 30 [Harshan] 10243

ചന്ദ്രവല്ലിയില്‍

കാളവണ്ടി ക്ഷീരസംഘത്തിന് മുന്നിലെത്തി.

ബാലവർ കാളവണ്ടിയിൽ നിന്നും ഇറങ്ങി , കൈയിലെ തുണി സഞ്ചിയിൽ കരുതിയിരുന്ന അംഗത്വ കാർഡ് ഒരു മൂലയിൽ വെച്ചു.

ഉമാദത്തൻ മുന്നിൽ നിന്നും ഇറങ്ങി പിന്നിലേക്ക് വന്നു

ഉമാദത്തനും ബാലവരും കൂടെ നാല് വലിയ അലുമിനിയം പാൽ ക്യാനുകൾ പുറത്തേക്ക് വെച്ചു.

ഇരുവരും  ക്യാൻ എടുത്തുയർത്തി സംഘത്തിലേക്ക് നടക്കും വഴി

പെട്ടെന്നായിരുന്നു

ഒരു കാൽ ശക്തിയിൽ ആ കാനിൽ വന്നു പതിച്ചത്.

അതോടെ അവരുടെ കൈയിൽ നിന്നും ആ വലിയ അലുമിനിയം ക്യാൻ പിറകെക്ക് മറഞ്ഞു

വീഴലിന്‍റെ ശക്തിയിൽ അടപ്പു തുറന്നു അമ്പതു ലിറ്ററോളം വരുന്ന  ക്യാനിലെ പാൽ അപ്പാടെ മണ്ണിൽ തൂവി.

അവർ ഭയത്തോടെ നേരെ നോക്കി.

തിമ്മയ്യയുടെ കൈക്കാരൻമാർ  ഇദയക്കനിയും വാസവനും വിജയനും.

അവരെ കണ്ടതോടെ ഭയം കൊണ്ട് ഉമാദത്തനും ബാലവരും ഭയന്ന് വിറച്ചു.

ഇദയകനി കോപം കൊണ്ടലറികൊണ്ട് ഉമാദത്തന്‍റെ കുപ്പായകോളറിൽ മുറുകെപിടിച്ചു

“ഉനക്ക് ഇവളോ ധൈര്യമാ ,,,തേവിടിയാ മവനെ”

“അയ്യാ ,,മന്നിചിടുങ്കോ ,,അയ്യാ ,,,,,,,,,” എന്നുപറഞ്ഞു കൊണ്ട് ഉമാദത്തൻ വേഗം ഇദയക്കനിയുടെ കാൽ പിടിച്ചു.

അയാൾ അതിശക്‌തിയിൽ ഉമാദത്തന്‍റെ നെഞ്ചിൽ ചവിട്ടി പിന്നിലേക്ക് തെറിപ്പിച്ചു.

ഉമാദത്തൻ ആ മറിഞ്ഞു തൂവിയ പാലിൽ വീണു കിടന്നു

അയാൾ ഭയത്തോടെ കൈകൂപ്പി