💗തേടി വന്ന പ്രണയം 💗 [ചെകുത്താനെ സ്നേഹിച്ച മാലാഖ ] 298

കുറച്ചുനേരം ഞാനങ്ങനെ ഇരുന്നു. കുറച്ചു കഴിഞ്ഞപ്പോൾ ഒരു കാൽപാദം എന്നെ ലക്ഷ്യമാക്കി മുകളിൽ നിന്ന് ഇറങ്ങി വരുന്നത് ഞാൻ കേട്ടു , അത് അവൾ തന്നെയെന്ന് എനിക്ക് മനസ്സിലായി.

അവൾ ഞാനിരുന്ന പടിയിൽ അൽപം നീങ്ങി ഇരുന്നു , കണ്ണുകൾ ദൂരത്തേക്ക് നോക്കികൊണ്ട് അവൾ എന്നോട് ചോദിച്ചു.

“എന്താ അരുണേ എന്നോട് പറയാനുള്ളത് ”

എന്റെ മറുപടി ഒരു ചിരിയായിരുന്നു.
” എനിക്ക് അല്ല തനിക്കല്ലേ എന്നോട് എന്തോ പറയാനുള്ളത്.” ഞാൻ മറുപടി പറഞ്ഞു.

“എനിക്കോ ? എനികൊന്നും പറയാനില്ല ” . അവളുടെ നാണിച്ച ആ ഉത്തരം എന്നിൽ വീണ്ടും ചിരി ഉണർത്തി.

” ഒന്നും പറയാനില്ലാഞ്ഞിട്ടാണോ താൻ ഇന്നെന്റെ
ഷർട്ടിൽ പിടിച്ചതും കഴിഞ്ഞ മൂന്നു ദിവസം ഞാനിരുന്ന സീറ്റിലേക്ക് നോക്കി ഇരുന്നതും എന്നെ കുറിച്ച് തിരക്കിയതും ?”.
എന്റെ ചോദ്യങ്ങൾ കേട്ട് നാണിച്ച് തലതാഴ്ത്തി ഇരിക്കുന്ന രേവതിയെ ആണ് ഞാൻ കണ്ടത്. ഞാൻ അവളെ ഒരു നിമിഷം നോക്കി നിന്നു .

“അത് ” അവർ പറഞ്ഞു നിർത്തി.
“ബാക്കി പറ ” ഞാൻ തമാശ രൂപേണ ആവശ്യപ്പെട്ടു.

“എനിക്ക് നിന്നെ ഇഷ്ടമാണ് ” . അവൾ തല ഉയർത്തി ഉറച്ച ശബ്ദത്തിൽ എന്റെ കണ്ണുകളിൽ നോക്കി അത് പറഞ്ഞു.
എന്നിൽ ഒരു അത്ദുതമാണ് നിറഞ്ഞത് , അവളിൽ നിന്നും ഇത്തരമൊരു നീക്കം ഞാൻ പ്രതീക്ഷിച്ചില്ല. അവളുടെ കണ്ണുകൾ ഒരൽപം നിറഞ്ഞു ഒപ്പം എന്റെയും. വർഷങ്ങളായി തുറന്നു പറയാനാകാത്ത ഒരു കാര്യം തുറന്നു പറഞ്ഞ സംതൃപ്തിയിൽ എന്റെ കണ്ണുകളിൽ നോക്കി ഇരിക്കുന്ന അവളുടെ കണ്ണുകളിൽ അളക്കാനാകാത്ത എന്നോടുള്ള പ്രണയം ഞാൻ കണ്ടു.

അവളുടെ സ്പർശനം എന്റെ കൈകൾ മനസ്സിലാക്കിയപ്പോഴാണ് ഞാൻ സ്വബോധത്തിലേക്ക് വന്നു. അവർ എന്റെ കൈകൾ കോർത്തിണക്കി പിടിച്ചിരിക്കുകയാണ്.
അവളുടെ ചിരി എന്നെ വേറെ ഏതോ ഒരു ലോകത്തിലെത്തിച്ചു.

അവൾ എന്നോട് ഒരുപാട് സംസാരിച്ചു. അതിൽ നിന്നും നല്ല സാമ്പത്തികമുള്ള ഒരു കുടുംബത്തിലെ അംഗമാണ് അവർ എന്നു മനസ്സിലായി. അവളുടെ അച്ഛൻ ഒരു ബിസിനസ്സുകാരനാണ് .സ്വദേശത്തും വിദേശത്തും ബിസിനസ്സുകൾ ചെയ്യുന്ന അയാൾ ഒരു ഗൗരവക്കാരനാണ് എന്നും അവളുടെ വാക്കുകളിൽ നിന്നും മനസ്സിലായി. അവളുടെ അമ്മ മാത്രമാണ് വീട്ടിൽ അവൾക്ക് സ്നേഹം നൽകുന്നത്. അവൾക്ക് ഒരു സഹോദരനുണ്ട്. അവളുടെ അച്ഛന് മകനോടാണ് സ്നേഹമുള്ളത്.

ഇത്രയും എന്നോടവൾ പറഞ്ഞപ്പോൾ അവളുടെ കണ്ണുകൾ നിറഞ്ഞിരുന്നു. പണമുണ്ടായിരുന്നിട്ടൊന്നും ഒരു കാര്യവുമില്ല എന്ന് എനിക്ക് മനസ്സിലായി. അവളുടെ നനഞ്ഞ കണ്ണുകളുള്ള ആ മുഖം വാരിയെടുത്ത് ഞാൻ പറഞ്ഞു

” ഇനി ഈ കണ്ണുകൾ നനയാൻ ഞാൻ സമ്മതിക്കില്ല”.

അവൾ എന്റെ കയ്യിൽ ഒരു ചുടു ചുംബനമാണ് അതിനു മറുപടിയായി നൽകിയത്

” ഏയ് യ് …………………….

മുകളിൽ നിന്നുള്ള കൂക്കുവിളി കേട്ട് തിരിഞ്ഞ് നോക്കിയപ്പോൾ ഞാനും അവളും ഒരുപോലെ ചമ്മി.