ഇത് മുൻപ് KK യിൽ പബ്ലിഷ് ചെയ്ത കഥയാണ് ഇവിടെ വായിക്കാത്തവർക്ക് വേണ്ടി സബ്മിറ്റ് ചെയ്യുന്നു 🙏🙏🙏🙏

💗തേടി വന്ന പ്രണയം💗

💗Thedi Vanna Pranayam | Author : Chekuthane Snehicha Malakha💗
[ചെകുത്താനെ സ്നേഹിച്ച മാലാഖ ]

കോളേജ് ലൈഫ് ആസ്വദിക്കുന്നത് കോളേജിൽ പഠിക്കുന്നവൾ മാത്രമല്ല അവിടെ പഠിപ്പിക്കുന്നവരും അത് ആസ്വദിക്കുന്നുണ്ട്. വിദ്യാർത്ഥികൾ കമന്റടിക്കുമ്പോൾ ചിരിച്ചു കൊണ്ട് വഴക്കുപറയുന്ന എന്റെ കോളേജ് അദ്യാപകനെ മനസ്സിൽ കണ്ട് കൊണ്ട് ഞാൻ ബൈക്ക് പാർക്കിംഗ് ഏരിയയിൽ ഒതുക്കി. ഈ ജില്ലയിലെ ഏറ്റുവും വലിയ കോളേജാണ് പുറമേ നിന്ന് കണ്ട എനിക്ക് ഒരു അദ്യാപകനായി ഇവിടെ വരാൻ കഴിയുമെന്ന് വിജാരിച്ചില്ല.

“അദ്യാപകനായി ജോലി കിട്ടി ആദ്യ കോളേജാണ് ഇത് മിന്നിച്ചേക്കണേ” . മനസ്സിൽ വിജാരിച്ചു.

എന്റെ പേര് അരുൺ (28) . എന്നിലെ അദ്യാപകനെ മുന്നിൽ കണ്ടിട്ടാകണം അന്ന് എന്റെ പള്ളിയിലെ ഫാദർ എന്റെ പപ്പയോട് പറഞ്ഞത്

” ഇവനെ ഒരു ലക്ചറർ ആക്കണം എന്ന്” .

കൂലിപ്പണിക്കാരനായ എന്റെ പപ്പ എത്ര കഷ്ടപ്പെട്ട ണെങ്കിലും അവനെ ഒരു അദ്യാപകനാക്കും എന്ന് അന്നു തന്നെ ഫാദറിന് ഉറപ്പ് നൽകി. അന്ന് ഫാദർ എന്നെ മാറ്റി നിർത്തി പറഞ്ഞു

“കൂലിപ്പണിക്കാരനായ മണിയൻ എന്നാണ് നാട്ടുകാർ നിന്റെ പപ്പയെ കുറിച്ച് പറയുന്നത് അത് മാറ്റി സർക്കാർ കോളേജിലെ അദ്യാപകനായ അരുണിന്റെ പപ്പ എന്ന് നീ നാട്ടുകാരെ കൊണ്ട് പറയിക്കണം. ”

ആ വാക്കുകൾ എന്നെ സ്വാദീനിച്ചത് കുറച്ചൊന്നുമല്ല. ആ വാക്കുകൾ ഭംഗിയായി പൂർത്തീകരിച്ച സന്തോഷത്തിൽ ഞാൻ പാർക്കിംഗ് ഏരിയയിൽ നിന്ന് സന്തോഷത്തോടെ ഓഫീസ് റും കണ്ടുപിടിക്കാനായി നടന്നു.
നാല് സൈഡും രണ്ടും മൂന്നും നിലകളുള്ള കെട്ടിടങ്ങൾ തല ഉയർത്തി നിൽക്കുന്നു. ഒത്ത നടക്ക് വലിയ ഒരു മൈതാനവും . നേരം അധികമായിട്ടില്ല. വിദ്യാർത്ഥികൾ വരുന്നതേ ഉള്ളൂ.

“ഇത്രയും കെട്ടിടങ്ങൾക്കിടയിൽ ഓഫീസ് റൂം ഞാനെങ്ങനെ കണ്ടുപിടിക്കും കർത്താവേ .”
ഞാനൊന്ന് ആലോചിച്ചു.

ചില പയ്യന്മാർ ബൈക്ക് റൈസ് ചെയ്ത് വരുന്നത് കണ്ടപ്പോൾ എന്റെ ചിന്ത മാറി.

” എടാ ഈ ഓഫീസ് റൂം എവിടാ ”

മുൻപേ പോയ ഒരു ആൺകുട്ടിയോട് ഞാൻ ചോദിച്ചു. ചിരിച്ചു കൊണ്ട് തിരിഞ്ഞു നോക്കും എന്ന് പ്രതീക്ഷിച്ച എനിക്ക് തെറ്റി. പുള്ളിക്കാരൻ
ചൂടിലാണ്. അവന്റെ കട്ടി താടിയും മീശയും കണ്ടപ്പോൾ എനിക്കു മനസ്സിലായി പുള്ളി നല്ല ചൂടനാണെന്ന്.

“സീനിയേർസിനെ എടാ എന്നു വിളിക്കുന്നോ ടാ മൈ ……….”.
അവന്റെ ആ ഡയലോഗ് എന്നെ ഞെട്ടിച്ചു.

” എട ഞാൻ സ്റ്റുടന്റല്ല സാറാ ” . ഞാൻ ചിരിച്ചു കൊണ്ട് പറഞ്ഞു.

” അയ്യോ സോറി സർ സാറിനെ കണ്ടാൽ സാറാണെന്ന് പറയില്ല സാർ ”

അവന്റെ വിനയം കണ്ടാൽ എന്നോട് കയർത്ത് സംസാരിച്ചവനെന്ന് പറയേ ഇല്ല. എനിക്ക് ചിരിയാണ് വന്നത്.