കഴിഞ്ഞ ഭാഗവും എന്റെ കൂട്ടുകാർ സ്വീകരിച്ചു എന്നറിഞ്ഞതിൽ വളരെയേറെ സന്തോഷം

മുൻഭാഗങ്ങൾ വായിച്ചതിനു ശേഷം മാത്രം ഈ ഭാഗം വായിക്കുക, മുൻഭാഗങ്ങളിൽ ചെറുതായി പരാമർശിച്ചു പോയ പല ആൾക്കാരും സ്ഥലങ്ങളും ഇനിയുള്ള ഭാഗങ്ങളിൽ വളരെ നിർണായകമായ കഥാതന്തുക്കൾ ആയി വന്നേക്കാം, സംഭവിച്ചുകൊണ്ടിരിക്കുന്ന അല്ലങ്കിൽ ഇനിയും സംഭവിക്കാവുന്ന കാര്യങ്ങൾ ആണ് ഇതിൽ പരാമർശിക്കുന്നത് –

……………………സപ്പോർട്ട് വളരെയധികം വേണ്ട ഒന്നാണ് –

സപ്പോർട്ട് തരുന്ന എല്ലാ ചങ്കുകൾക്കും ഹൃദയത്തിന്റെ ഭാഷയിൽ നന്ദി രേഖപെടുത്തുന്നു-

അപ്പൊ തുടങ്ങിയാലോ…………………………..

പാലക്കാട് കൽപാത്തിയിലെ ഒരു വീടിന്റെ മുറ്റത്തു കുറച്ചാളുകൾ കൂടി നിന്ന് ബലീ തർപ്പണ ചടങ്ങുക നടത്തുന്നു.ഒരു യുവാവ് മുട്ടുകുത്തി നിന്ന് ചിതാഭസ്മം അടക്കം ചെയ്ത ഒരു ചെറിയ കുടം പട്ടു വിരിച്ച ഒരു തുണിയുടെ പുറത്തു വച്ച് അരി, പൂവ്, ജലം, എള്ള് തുടങ്ങിയവയാണ് തർപ്പണം ചെയ്യുന്നു

ഒരു വയസായ ഒരാൾ നിന്ന് ചെയ്യേണ്ട ചടങ്ങുകൾ ഓരോന്നായി പറഞ്ഞു കൊടുക്കുന്നു  സ്വന്തം പിതാവിനു വേണ്ടി നടക്കുന്ന ബലീ കർമ്മങ്ങൾ വളരെ ശ്രദ്ധയോടുകൂടി യാണ് ആ ചെറുപ്പക്കാരൻ ചെയ്യുന്നത് ,കാരണം തന്നെയും അമ്മയെയും അച്ഛൻ അങ്ങനെയാണ് ഇതുവരെ പരിപാലിച്ചതു

,അതിനാൽ ഏതു ലോകത്തായാലും അച്ഛന് യാതൊരു കുറവും വരരുതെന്ന് ആ ചെറുപ്പക്കാരാണ് നിർബന്ധമായിരുന്നു

നിലവിളക്ക്, കിണ്ടി, എള്ള്, അരളിപ്പൂവ്, വെള്ള പച്ചരി ചോറ്(കോവക്ക, വാഴക്ക, പാവയ്ക്കാ, വഴുതനങ്ങ, നീളൻപയർ, കദളിപ്പഴം, നെയ്യ്, തേൻ  എന്നിവ അല്പം ചേർത്തത് ) ഒരു ഉരുള, പഴം, ദർഭ, വാഴയില  3, ചന്ദനം, ഒരു  പാത്രം  ജലം, പലക, ചമ്പ്രാണിത്തിരി,  എന്നിവ മുൻകൂട്ടി തയ്യാറാക്കി വച്ചിരിക്കുന്നു ചടങ്ങുകൾക്കായി

തളിച്ച്  വൃത്തിയാക്കിയ  സ്ഥലത്ത്  കിഴക്ക്  ദർശനത്തിൽ ഇലയിട്ട്   നിലവിളക്ക്  തെളിയിച്ചിരിക്കുന്നു.

ആ വയസായ ആൾ ആ ചെറുപ്പക്കാരന് നിർദേശങ്ങൾ കൊടുക്കുവാൻ തുടങ്ങി

നിലവിളക്കിനു  സമീപം   തെക്കു ദർശനത്തിൽ ഇരിക്കു മോനെ,

മുൻ വശത്തു  ഇടതു  വശത്തെ  ഇലയിൽ അല്പം  എള്ള്, ചോറ്, പഴം  എന്നിവ  വയ്ക്കു മോനെ