താമര മോതിരം 6 [Dragon] 380

ആ ദ്വാരത്തിൽ  നിന്നും രക്ത നിറത്തിലുള്ള ദ്രാവകം പുറത്തേക്കു ഒഴുകാൻ തുടങ്ങി ,അത് കണ്ടു കണ്ണൻ ഒരടി പിന്നിലെക്ക് പേടിച്ചു മാറി,ജാനകിവല്ലഭൻ കണ്ണടച്ച് എന്തോ മന്ത്രം ചൊല്ലി ,ശേഷം ഒരു തുണിസഞ്ചിയിൽ ഉണ്ടായിരുന്ന കുറച്ചു ഭസ്മം എടുത്തു ആ ദ്വാരത്തിൽ ഇട്ടു ആ മരക്കഷ്ണം കൊണ്ട് തിരികെ അടച്ചു.- കുറച്ചു ഭസ്മം കൂടി എടുത്തു കുത്തിയ ഭാഗത്തു പൊതി പിടിച്ചു പിന്നെ കണ്ണടച്ച് എന്തോ മന്ത്രം ചൊല്ലി – കയ്യെടുത്തു – അവിടെ ഇപ്പോൾ കത്തി കൊണ്ട് കുത്തിയ പാട് പോലും അവശേഷിക്കുന്നുണ്ടായിരുന്നില്ല. അത്ഭുതത്തോടെയും ഒപ്പം ഭയത്തോടെയും മരത്തിനെയും ജാനകിവല്ലഭനെയും മാറി മാറി നോക്കി കണ്ണൻ.

മേൽ പറഞ്ഞ അതെ പ്രവർത്തി തന്നെ ചയ്തു ഉണ്ണിയുടെ വീടിന്റെ അടുത്ത് നിൽക്കുന്ന മരത്തിലും ജാനകിവല്ലഭൻ, ശേഷം അവർ കുളത്തിന്റെ കരയിലേക്ക് പുറപ്പെട്ടു,

അപ്പോൾ കണ്ണൻ ജാനകിവല്ലഭനോട് ചോദിച്ചു – അമ്മാമ്മ എന്താ ആ മരത്തിൽ തേച്ച വെളുത്ത പൊടി .

ജാനകിവല്ലഭൻ:- അത് ഭസ്മം ആണ് മോനെ -സാക്ഷാൽ ശങ്കരന്റെ ഭസ്മം

ശേഷം ഭസ്മത്തിനെ കുറിച്ചു കണ്ണന് പറഞ്ഞു കൊടുത്തി ജാനകിവല്ലഭൻ

പശുവിന്റെ ചാണകം ഗോളാകൃതിയിലാക്കി ശിവാഗ്നിയിൽ ദഹിപ്പിക്കുന്നതാണ് ഭസ്മം.ആദ്ധ്യാത്മിക നിഷ്ഠയുള്ളവരും മറ്റ് ഭക്തജനങ്ങളും സാധാരണയായി ഉപയോഗിച്ചു വരുന്ന ഒന്നാണ് ഭസ്മം.

ശൈവാരാധനയുമായി ബന്ധപ്പെട്ട ഭസ്മം ശിവക്ഷേത്രങ്ങൾ, സുബ്രഹ്മണ്യക്ഷേത്രങ്ങൾ അയ്യപ്പക്ഷേത്രങ്ങൾ എന്നിവിടങ്ങളിൽ ഉപയോഗിച്ചു വരുന്നു.  വെറ്റില ചേർത്തുള്ള ഭസ്മമാണ് താമ്പൂലഭസ്മം.

ഭസിതം,വിഭൂതി,രക്ഷ എന്നും പേരുകളുണ്ട് . ഭസിക്കുന്നത്കൊണ്ട് (പ്രകാശിപ്പിക്കുന്നത്കൊണ്ട്) ഭസിതം,പാപങ്ങളെ ഭസ്മീകരിക്കുന്ന(നശിപ്പിക്കുന്ന)തുകൊണ്ട് ഭസ്മം,വിഭൂതിയെ(ഐശ്വര്യത്തെ)പ്രധാനം ചെയ്യുന്നത്കൊണ്ട് വിഭൂതി, രക്ഷ നൽകുന്നത്കൊണ്ട് രക്ഷ ഇങ്ങനെയാൺ ഈ പേരുകൾ ലഭിച്ചത്.

വിഭൂതി എന്ന പദത്തിന് ഭസ്മം എന്ന അർത്ഥത്തിനു പുറമേ ഐശ്വര്യം, ശക്തി, ധനം എന്നിങ്ങനെ നിരവധി അർത്ഥങ്ങളുണ്ട്. വിഭൂതി എന്നാൽ ഈശ്വരന്റെ ഐശ്വര്യാംശമാണ്.

അഗ്നിയിൽ എന്തു നിക്ഷേപിച്ചാലും അവ കത്തിയോ അല്ലാതെയോ മറ്റൊരു വസ്തുവായി മാറും. എന്നാൽ തീയിൽ കുറെ ചാമ്പൽ(ഭസ്മം/ ചാരം) നിക്ഷേപിച്ചു നോക്കിയാൽ അത് ചാമ്പൽ ആയി തന്നെ അവശേഷിക്കുന്നു.അതാണ് ഭസ്മമഹത്ത്വം അഥവാ ഭസ്മമഹാത്മ്യം. ശിവപുരാണത്തിൽ “ഭസ്മമാഹാത്മ്യം” എന്നൊരു അധ്യായം തന്നെയുണ്ട്. അത്രയ്ക്ക് മഹത്തരമാണത്തിന്റെ സ്ഥാനം.