? ഋതുഭേദങ്ങൾ ?️ 11 [ഖല്‍ബിന്‍റെ പോരാളി ?] 900

അന്ന് പകല്‍ മുഴുവന്‍ മാളുട്ടിയുടെ സന്തോഷത്തില്‍ എല്ലാവരും പങ്കെടുത്തു. ഒരു ദിനം കൊണ്ടു തന്നെ അവിടെത്തെ അകത്തളത്തില്‍ മാളുട്ടിയുടെ ശബ്ദകോലാഹലങ്ങള്‍കൊണ്ട് നിറഞ്ഞു. ഭദ്രമ്മയും മായയും ഭക്ഷണത്തിന് ശേഷം പണിയെല്ലാം കഴിച്ച ശേഷമാണ് മാളുട്ടിയുടെ അടുത്തെത്തിയത്. പതിയെ പതിയെ മാളുട്ടി അവരോടും അടുക്കാന്‍ തുടങ്ങി. ആദ്യമൊരു അകല്‍ച്ച കാണിക്കുമെങ്കിലും അവളോട് അടുത്തിടപ്പെടുമ്പോള്‍ അറിയാതെ അവളും പെട്ടെന്ന് കൂട്ടാവുമായിരുന്നു.

ശരിക്കും പറഞ്ഞാല്‍ ആര്‍ക്കും കൂടുതല്‍ സമയം മാളുട്ടിയുമായി  ചിലവഴിക്കാന്‍ കിട്ടുന്നില്ലെന്ന പരാതിയാണുണ്ടായിരുന്നത്. ഒരാളുമായി അവള്‍ അടുത്ത് സംസാരിച്ചു വരുമ്പോഴേക്കും അടുത്തയാള്‍ വന്ന് അവളെ കൊണ്ടുപോകും അവിടെ നിന്ന് കുറച്ചുനേരത്തിനുള്ളില്‍ അടുത്തയാളുടെ അടുത്തേക്ക്…. അതിനിടയില്‍ ബാംഗ്ലൂരില്‍ നിന്ന് അത്തു വിഡിയോ കോളും ചെയ്തു. മാളുട്ടി വന്നതിന്‍റെ ത്രീല്ലിലാണ് കക്ഷി. പക്ഷേ എക്സാമായത് കൊണ്ട് ഓടി പിടിച്ചു പോരാൻ അവള്‍ക്ക് കഴിഞ്ഞില്ല. മാളുട്ടിയ്ക്ക് അത്തുവിനെ ചിറ്റശ്ശി എന്ന ലേബലില്‍ പരിച്ചയപ്പെടുത്തി കൊടുത്തത് അനഘയായിരുന്നു. ആദ്യമൊന്നും മാളുട്ടി മിണ്ടിയില്ലെങ്കിലും പതിയെ അവള്‍ അത്തുവിനും മറുപടി നല്‍കി തുടങ്ങി.

ഉച്ച കഴിഞ്ഞപ്പോള്‍ അനഘയുടെ അച്ഛനും അമ്മയും തിരിച്ചുപോകനൊരുങ്ങി. പോകും മുമ്പ് മാളുട്ടിയുമായി കുറച്ചുദിവസം അവിടെ വന്ന് നില്‍ക്കാന്‍ ദേവിനോട് പറഞ്ഞു സമ്മതം വാങ്ങിയിരുന്നു. അനഘ പേരശ്ശിയുടെ കാര്യം ചോദിച്ചെങ്കിലും അനുകൂലമായ മറുപടിയൊന്നും അനഘയ്ക്ക് കിട്ടിയില്ല. അതിന്‍റെ വിഷമം അവളുടെ മുഖത്ത് പ്രകടമാവുകയും ചെയ്തിരുന്നു. ദേവും മാളുട്ടിയും കുടെ മുത്തശ്ശനെയും മുത്തശ്ശിയെയും യാത്രയാക്കാന്‍ ബസ് സ്റ്റാന്‍റ് വരെ പോയിരുന്നു. അവരെ ബസ് കയറ്റി വിട്ടിട്ടാണ് ദേവും മാളുട്ടിയും മടങ്ങിയത്. ബസില്‍ കയറും മുമ്പ് മാളുട്ടിയ്ക്ക് മുത്തം നല്‍കി എഴില്ലംകാവിലേക്ക് വരുന്ന കാര്യം അവര്‍ വീണ്ടും ഓര്‍മ്മിപ്പിച്ചു.

മാളുട്ടിയുടെ വരവില്‍ ഏറ്റവും കുടുതല്‍ സന്തോഷം പ്രകടമാക്കിയത് മായയായിരുന്നു. ദേവും അനഘയും മാളുട്ടിയെ കൊഞ്ചിക്കുമ്പോഴും ഭക്ഷണം വാരിക്കൊടുക്കുമ്പോഴും എല്ലാം മായ ഇമവെട്ടാതെ നോക്കി നിന്നിരുന്നു. മാളുട്ടിയെ കുടെ കിട്ടുമ്പോ എല്ലാം മറന്ന് അവള്‍ മാളുട്ടിയുമായി കുട്ടുകൂടി.

വൈകുന്നേരും മാളുട്ടിയ്ക്ക് മുത്തശ്ശിയുടെ വക പ്രത്യേക പ്രാര്‍ത്ഥന ക്ലാസും നാമജപ ക്ലാസുമൊക്കെയുണ്ടായിരുന്നു. വൈദരത്തെ പൂജമുറിയില്‍ വിളിക്കുകൊളുത്തിയപ്പോഴും പൂമുഖത്ത് ദീപം കൊണ്ടുപോയി വെച്ചപ്പോഴും അതുകഴിഞ്ഞ് നാമം ചൊല്ലുമ്പോഴേല്ലാം ഭദ്രമ്മ മാളുട്ടിയെ കുടെ കൂട്ടി. മാളുട്ടിയെല്ലാം സസൂക്ഷ്മം നിരിക്ഷിച്ചുകൊണ്ട് കുടെ നടന്നു.