🌞 ഋതുഭേദങ്ങൾ 🌧️ 11 [ഖല്‍ബിന്‍റെ പോരാളി 💞] 900

 

എല്ലാം കഴിഞ്ഞു ചുറ്റമ്പലത്തിന് പുറത്തേക്കിറങ്ങിയപ്പോഴാണ് സ്ഥലത്തെ പ്രധാനിയായ മനോജ് കുമാര്‍ അമ്പലത്തിന്റെ ചുറ്റമ്പലത്തിനടുത്തേക്ക് കടന്നു വരുന്നത്. അനഘയുടെ കുടെയുള്ള പരിചയമില്ലാത്ത കൊച്ചുകുട്ടിയെ കണ്ടതും അയാള് അനഘയെയും മായയേയും മാറി മാറി നോക്കി.

““സുഭാഷേ….. അതെതാടാ ആ കൊച്ചു കുട്ടി…..?””  മനോജ് തന്‍റെ സംശയം അമ്പലത്തിലെ വഴിപാട് കൗണ്ടറില്‍ ചീട്ടെഴുതാന്‍ നില്‍ക്കുന്ന കമ്മിറ്റി അംഗം ക്ലര്‍ക്ക് സുഭാഷിനോട് ചോദിച്ചു.

““അത് മനോജേട്ടാ… നമ്മുടെ തിരുമേനിയും ഭാര്യയും ഒരു കുഞ്ഞിനെ ദത്തെടുത്തെന്നൊരു വാര്‍ത്ത കേട്ടിരുന്നു. കണ്ടിട്ട് ആ കുട്ടിയാണേന്ന് തോന്നുന്നു….””  സുഭാഷ് അനഘയുടെ കുടെ നടക്കുന്ന മാളുട്ടിയെ നോക്കി പറഞ്ഞു.

““അതേയ്…. ഒന്ന് നിന്നേ…..””  തങ്ങളെ മറികടന്നുപോകുന്ന അനഘയോടും മായയോടുമായി മനോജ് വിളിച്ചുപറഞ്ഞു. അനഘയും മായയും നടത്തം അവസാനിപ്പിച്ച് ശബ്ദം കേട്ട ഭാഗത്തേക്ക് നോക്കി.

““ഇതെതാ കുട്ടി….?””  മനോജ് മാളുട്ടിയെ നോക്കി ചോദിച്ചു.

““എന്‍റെ മോളാ….””  അനഘ അഭിമാനത്തോടെ മാളുട്ടിയുടെ കൈ പിടിച്ചുകൊണ്ട് പറഞ്ഞു.

““മോള് എന്ന് പറയുമ്പോ…. ദത്തെടുത്തെന്ന് പറയപ്പെടുന്ന….””  മനോജ് ഒരു സംശയം പോലെ പറഞ്ഞു.

““അതെ….””  അനഘ ആ സംസാരത്തിന് വലിയ താല്‍പര്യമില്ലാത്ത രീതിയില്‍ പറഞ്ഞു.

““ആരോട് ചോദിച്ചിട്ടാ ഈ കുട്ടിയെ അമ്പലത്തില്‍ കയറ്റിയത്….?””  മനോജ് ചോദിച്ചു.

““ആരോടാണ് ചോദിക്കേണ്ടത്…. ഇവിടെ തൊഴാന്‍ വരാന്‍ മുന്‍കുട്ടി അപോയിമെന്‍റ് വാങ്ങണമെന്നോന്നും എഴുതി വെച്ചിട്ടില്ലല്ലോ…..””  അനഘ വിട്ടുകൊടുക്കാന്‍ തയ്യാറായില്ല.

““അങ്ങനെ എഴുതി വെച്ചിട്ടില്ല. പക്ഷേ വേറെയൊന്ന് എഴുതി വെച്ചിട്ടുണ്ട്…. ദേ അവിടെ….””  മനോജ് മതില്‍കെട്ടിലെ ഒരു ബോര്‍ഡ് ചൂണ്ടി അല്‍പം ഉറക്കെ പറഞ്ഞു. അയാളുടെ ശബ്ദം കേട്ട് മാളുട്ടി അമ്മയുടെ കാലിലേക്ക് ചേര്‍ന്ന് പിടിച്ചു. അനഘ ഒരു കൈ കൊണ്ട് മോളെ തലോടി ആശ്വസിക്കുന്നതിനൊപ്പം അവിടെ നിന്നിരുന്ന മറ്റുള്ളവര്‍ നോക്കിയ ഭാഗത്തേക്ക് നോക്കി ആ ബോര്‍ഡ് വായിച്ചു….

അഹിന്ദുകള്‍ക്ക് ക്ഷേത്രത്തിലേക്ക് പ്രവേശനമില്ല.

““വായിച്ചല്ലോ…. ഇനി തമ്പുരാട്ടിയ്ക്ക് എന്താ പറയാനുള്ളേ….””  മനോജ് അനഘയോട് ഗനഗാംഭീരത്തോടെ ചോദിച്ചു.

““അതിനിപ്പോ എന്താ കുഴപ്പം…?””  അനഘ കാര്യം മനസിലാവാതെ ചോദിച്ചു.

““ഇവിടെ ഇങ്ങനെയൊരു നിയമമുള്ളപ്പോ ഈ അന്യജാതിക്കാരിയായ കുഞ്ഞിനെ എന്തിനാ ക്ഷേത്രത്തിനകത്ത് കയറ്റി….””  മനോജ് ചോദിച്ചു.

““അതിന് അവള്‍ അന്യജാതിക്കാരിയാണേന്ന് ആരു പറഞ്ഞു. അവള്‍ ഈ ക്ഷേത്രത്തിലെ പൂജാരിയുടെയും എന്‍റെയും മകളാണ്….””  അനഘ മനോജിന്‍റെ ഉദ്ദേശ്യം മനസിലായപ്പോ ഉണ്ടായാ എല്ലാ ദേഷ്യവും കടിച്ചമര്‍ത്തികൊണ്ട് പറഞ്ഞു.