🌞 ഋതുഭേദങ്ങൾ 🌧️ 11 [ഖല്‍ബിന്‍റെ പോരാളി 💞] 900

പക്ഷേ അത് പൂര്‍ത്തിയാക്കും മുമ്പ് തന്‍റെ കൈ പിടിച്ചു മാളുട്ടി സോഫയ്ക്കരികിലേക്ക് വലിച്ചു. തന്‍റെ എല്ലാ ശക്തിയുമെടുത്ത് മാളുട്ടി വലിച്ചിരുന്നത്. അവളെ വിഷമിക്കാന്‍ തോന്നാത്തത് കൊണ്ട് മായ അതിന് നിന്നു കൊടുത്തു. അവളുടെ വലിയ്ക്കലിന് അനുസൃതമായി മായ ചെന്നുകൊടുത്തു.

സോഫയ്ക്കരികില്‍ എത്തിയ മാളുട്ടിയുടെ മുഴുവന്‍ ശ്രദ്ധയും കൈയിലുള്ള പാക്കിലായിരുന്നു. അവള്‍ അത് തിരിച്ചും മറിച്ചും നോക്കി, പിന്നെ അതിനുള്ളിലെ സാധനവും തപ്പി നോക്കി. ഈ സമയം മനുവിനെ പോയിട്ട് മായയേ പോലും അവള് ശ്രദ്ധിച്ചില്ല എന്നതാണ് സത്യം. കുറച്ചു നേരം മനുവും മായയും അവളെ നോക്കി നിന്നു. അവളുടെ നോട്ടവും ജിജ്ഞാസയും കുറച്ചു നേരം നോക്കി നിന്ന മനു പിന്നെ തന്‍റെ റൂമിലേക്ക് നടന്നു. അല്‍പസമയം കുടെ കൈയില്‍ കിട്ടിയ സാധനം തൊട്ടും തലോടിയും നിന്ന മാളുട്ടി പെട്ടെന്ന് അത് മായയ്ക്ക് നേരെ നീട്ടി.

““എന്തേ…. മാളുട്ടിയ്ക്ക് വേണ്ടേ….?”” മായ അതിശയത്തോടെ ചോദിച്ചു.

““ഇത് പൊട്ടിച്ച് താ….”” മാളുട്ടിയ്ക്ക് അത് തുറന്നു കാണാന്‍ കൊതി കൂടിയിരുന്നു. അവള്‍ അജ്ഞാപിക്കും പോലെ മായമ്മയോട് പറഞ്ഞു. ഒരു ചിരിയോടെ മായ ആ പാക്കറ്റ് വാങ്ങി പൊളിക്കാന്‍ തുടങ്ങി.

കുളി കഴിഞ്ഞു പുറത്തിറങ്ങിയ മനുവിന് അന്നും സാധാരണ കിട്ടുന്ന ചായ കിട്ടാതെയായപ്പോ ചെറിയ ആതി കയറി തുടങ്ങി. മനസിലേക്ക് ആദ്യം കയറി വന്നത് അമലിന്‍റെ വാക്കുകളായിരുന്നു. അവന്‍ അല്പം വെപ്രാളത്തോടെ ഡൈനിംഗ് ഏരിയയിലേക്ക് നടന്നു. അപ്പോഴാണ് ഹാളില്‍ നിന്ന് ഒരു കുട്ടചിരി കേട്ടത്. അതോടെ മനുവിന്‍റെ നടത്തം തിരിഞ്ഞു ഹാളിലേക്കായി. അവിടെ പോയപ്പോ കണ്ട കാഴ്ച കണ്ടു മനുവിന് പോലും ചിരിയ്ക്കാതിരിക്കാന്‍ കഴിഞ്ഞില്ല.

പൊളിച്ച പാക്കറ്റിന്‍റെ മുക്കാല്‍ ഭാഗവും തീര്‍ന്നിരുന്നു. അതും കൈയില്‍ പിടിച്ചു കൗതുകത്തോടെ അത് ആസ്വാദിക്കുകയായിരുന്നു മാളുട്ടി. അവളുടെ മുഖത്തും രണ്ടു കൈയിലും ചോക്ലേറ്റ് പറ്റി പിടിച്ചിരുന്നു. മായയും അനുവും അമ്മയും അത് കണ്ട് എന്തോ പറഞ്ഞു ചിരിയ്ക്കുന്നുണ്ട്. എല്ലാം കേട്ടിട്ടും പകുതിയും മനസിലാവാതെ എല്ലാവരേയും നോക്കി ചിരിച്ചുകൊണ്ട് മാളുട്ടി ബാക്കിയും കഴിക്കുകയായിരുന്നു.

മനു അറിഞ്ഞു തുടങ്ങിയിരുന്നു മാളുട്ടിയെന്ന കുട്ടിയുടെ വരവ് വൈദരത്തും തന്‍റെ ഭാര്യയിലും ഉണ്ടാക്കിയ മാറ്റങ്ങള്‍….

(…തുടരും…)

✿•••┈┈┈┈┈┈┈┈┈┈┈┈┈┈┈┈┈┈┈•••✿

ഇഷ്ടമായാലും ഇല്ലെങ്കിലും രണ്ടുവാക്കുകളിലെങ്കിലും അഭിപ്രായം അറിയിക്കും എന്ന് വിശ്വസിക്കുന്നു. നിങ്ങളുടെ പ്രതികരണങ്ങളാണ് എന്‍റെ ബാക്കി എഴുത്തിനുള്ള പ്രചോദനം. പ്രചോദനം നല്‍കുമെന്ന് പ്രതീക്ഷയില്‍ നിര്‍ത്തുന്നു. അടുത്ത ഭാഗം എന്ന് തരുമെന്ന് കൃത്യമായി പറയാന്‍ എനിക്ക് സാധിക്കില്ല…. പരമാവധി പെട്ടെന്ന് തരാന്‍ ശ്രമിക്കാം…

Stay Safe

  ഖല്‍ബിന്‍റെ പോരാളി

◆━━━━━━━━━━◆❃◆━━━━━━━━━━◆