[{ ഹലോ ഫ്രണ്ട്‌സ്….
കഥ അല്‍പം സ്പീഡ് കൂട്ടിയിട്ട് ഉണ്ട്…. ഇല്ലെങ്കില്‍ കഥ വിചാരിച്ച സമയത്ത് അവസാനിപ്പിക്കാന്‍ കഴിയാതെയാവും…. എന്നാലും പ്രധാന ഭാഗങ്ങളെല്ലാം നന്നാക്കി എഴുതാന്‍ ഞാന്‍ ശ്രമിക്കുന്നതാണ്…. ഇതുവരെ തന്നെ എല്ലാ പിന്തുണയ്ക്കും ഹൃദയത്തിന്റെ ഭാഷയില്‍ നന്ദി അറിയിച്ചുകൊള്ളുന്നു.

അല്ലറ ചില്ലറ തെറ്റുകുറ്റങ്ങളുണ്ടായേക്കാം…. സാദരം ക്ഷമിക്കുക….}]

✦✧━━━━━━∞༺✧༻∞━━━━━━✧✦

🌞ഋതുഭേദങ്ങൾ🌧️ 11 

RithuBhedangal Part 11 | Author : Khalbinte Porali | Previous Part

✦✧━━━━━━∞༺✧༻∞━━━━━━✧✦

✿•••┈┈┈┈┈┈┈┈┈┈┈┈┈┈┈┈┈┈┈•••✿

നല്ല വാക്കു ചൊല്ലണം,
നന്മ ചെയ്തു വാഴണം,
നാമഘോഷമെന്നുമെന്‍റെ,
നാവിലായ് വന്നീടണം,
………………………………………..

ഒരു സാധാരണ ദിനം എന്നും തുടങ്ങുന്ന പോലെ വൈദരത്തെ മുകളിലെ മുറിയില്‍ നിന്ന് പുലര്‍ച്ചേ തന്നെ ഫോണ്‍ കിടന്നു പ്രാര്‍ത്ഥനാഗീതം കരഞ്ഞു തുടങ്ങി. ദേവ് ഉടനെ എണീറ്റു അലറാം ഓഫാക്കി. സ്വന്തം കണ്ണുതിരുമ്മി തിരിഞ്ഞു നോക്കുമ്പോഴാണ് തള്ളക്കോഴി കുഞ്ഞുങ്ങളെ പൊതിഞ്ഞു പിടിക്കുന്ന പോലെ മാളുട്ടിയെ തന്‍റെ രണ്ടുകൈകൊണ്ടും പൊതിഞ്ഞു കിടക്കുന്ന അനഘയെയാണ് അവന്‍ കാണുന്നത്. മാളുട്ടിയാണേല്‍ അനഘയുടെ നെഞ്ചില്‍ മുഖം പുഴ്ത്തിയാണ് കിടക്കുന്നത്. അവളുടെ വലതു കൈയും വലതു കാലും അനഘയുടെ ദേഹത്തേക്ക് കയറ്റി വെച്ചിട്ടുണ്ട്. രണ്ടാളും പരസ്പരം കെട്ടിപിടിച്ചു സുഖനിദ്രയിലാണ്…