🌞 ഋതുഭേദങ്ങൾ 🌧️ 01 [ഖല്‍ബിന്‍റെ പോരാളി 💞] 654

അത് ദേവ് നാരായണ്‍… വീട്ടുകാരുടെ ദേവുട്ടന്‍. ഒരു ഇല്ലത്തുണ്ണി. മധ്യകേരളത്തിലെ നെന്മണിക്കര എന്ന ഗ്രാമത്തിലെ പ്രശസ്തമായ വൈദരത്ത് മനയ്ക്കലെ ഇളംമുറക്കാരന്‍. അച്ഛന്‍ തിരുമേനി ജീവിച്ചിരിപ്പില്ല. ആകെ ഉള്ളത് അമ്മയും ഒരു ഏട്ടനും അദ്ദേഹത്തിന്‍റെ ഭാര്യയും. ഭദ്ര അതാണ് അമ്മയുടെ പേര്. ഏട്ടന്‍ മനു നാരായണ്‍ എട്ടത്തി വിസ്മയ മനു. വലിയ തറവാടാണെന്നാണ് അച്ഛനും അമ്മയും പറഞ്ഞത്. താന്‍ ഇതുവരെ അങ്ങോട്ട് പോയിട്ടില്ല. അങ്ങനെയാണത്രേ ചടങ്ങ്.

പെണ്ണുകാണാന്‍ വന്ന അന്നാണ് ഞാന്‍ ശ്രീമാനെ കാണുന്നത്. ഞാനും അന്നും അയാളെ വെറുപ്പോടെ തന്നെ കണ്ടിട്ടുള്ളു, ഇന്നും. സദാ കൊഞ്ചികുഴയുന്ന മനുഷ്യന്‍. വയസ്സ് ഇരുപത്തിയാറ് ആയെങ്കിലും ഇപ്പോഴും ഒരു പത്ത് വയസുകാരനെ പോലെയാണ് സംസാരിക്കുന്നത്. സ്വഭാവം പോലെ തന്നെയാണ് ആ മുഖവും. ഒരു കൊച്ചുകുട്ടിയുടെത് പോലത്തെ ഭാവം. എന്നെക്കാള്‍ ഉയരമുണ്ട്. അത്യാവശ്യം വെളുത്ത ശരീരം. സാധാരണ നമ്പൂതിരി ചെക്കന്മാരെ പോലെ തടിച്ച് ഉന്തിയ വയറുമായൊന്നുമല്ല കേട്ടോ നല്ല ഉറച്ച ശരീരം. അതിനിടയില്‍ ഒരു വെള്ള പൂണൂല്‍. പിന്നെ ഒരു മുത്തുമണി മാലയും. മുണ്ടാണ് സ്ഥിരം വേഷം. പക്ഷേ ഇതുവരെ അത് മടക്കിയുടുക്കുന്നത് ഞാന്‍ കണ്ടിട്ടില്ല. കണ്ണുകള്‍ ആരേയും ആകര്‍ഷിക്കുന്ന ഒന്നാണ് അതിനുമാത്രം എന്തോ ഒരു കാന്തിയുണ്ട് ആ കണ്ണുകള്‍ക്ക്. മുഖത്ത് സദാ പുഞ്ചിരി മാത്രം. പിന്നെ സംശയങ്ങളും….

ആകെ രണ്ട് വട്ടമേ ഞാന്‍ അയാളോട് സംസാരിച്ചിട്ടുള്ളു. ഒന്ന് പെണ്ണുകാണാന്‍ വന്ന ദിവസം. അന്ന് അയാള്‍ എന്‍റെ ശരീരത്തെ സോപ്പിട്ടുകൊണ്ടിരുന്നു. ശ്ശോ എന്തൊരാം മുടിയാണ് അനഘയ്ക്ക്…. താമരയിതള്‍ പോലുള്ള കണ്ണാണുട്ടോ കുട്ടിയ്ക്ക്…. അങ്ങനെ ഒരുപാട് പുകഴ്ത്തലുകള്‍. പറഞ്ഞത് സത്യമാണെങ്കില്‍ കുടെ അയാളുടെ കൊഞ്ചിയുള്ള സംസാരം അന്നെ എനിക്ക് തീരെ പിടിച്ചില്ല.

രണ്ടാമത് സംസാരിച്ചത് ഒരു ഔട്ടിംഗില്‍ പോയപ്പോഴാണ്. ഒരു കുള്‍ബാറില്‍ പത്തിരുപത് മിനിറ്റ് മാത്രം. അന്ന് അയാളുടെ ഇതുവരെയുള്ള കാര്യങ്ങള്‍ പറഞ്ഞു. ഞാനൊരു പാവ പോലെ എല്ലാം കേട്ടിരുന്നു.

ആള് കാണുന്ന പോലെയൊന്നുമല്ല. വല്യ എജിനീയര്‍ ആണ്. പ്ലസ് ടൂ കഴിഞ്ഞ് അയാളുടെ ചിറ്റശ്ശി (അമ്മയുടെ അനിയത്തി) യുടെ കുടെ മൈസൂരായിരുന്നു. ഡിഗ്രിയും പി.ജിയും പിന്നെ ജോലി തേടി രണ്ടു കൊല്ലവുമടക്കം എട്ട് വര്‍ഷങ്ങള്‍ അയാള്‍ അവിടെ ചിലവഴിച്ചിരുന്നു. എന്നിട്ടും ഒരു കാര്യവുമില്ല. വാ തുറന്നാല്‍ ആ നമ്പൂതിരി ഭാഷ മാത്രമേ പുറത്തുവരു. എജിനീയറായിട്ട് പോലും ഇപ്പോഴും ശാന്തിക്കാരനായിട്ടാണ് ജീവിക്കുന്നത്.  ഇത്രയും കാലത്തെ പരിചയം വെച്ച് അയാള്‍ക്ക് ഇങ്ങനെത്തെ ജോലിയൊക്കെ ചെയ്യാനെ കഴിയു എന്ന് എനിക്ക് മനസിലായി.