🌞 ഋതുഭേദങ്ങൾ 🌧️ 01 [ഖല്‍ബിന്‍റെ പോരാളി 💞] 654

പേരശ്ശിയെ അല്‍പം പേടിയുള്ളതിനാല്‍ അനു എല്ലാം കേട്ട് തല കുലുക്കി സമ്മതം അറിയിച്ചു. അങ്ങനെ പേരശ്ശിയുടെ ഉപദേശത്തിന് ശേഷം അനു രാവിലെ മുതല്‍ കെട്ടിയിരിക്കുന്ന സാരിയും സ്വര്‍ണ്ണാഭരണങ്ങളും മാറ്റി ബാത്ത്റൂമില്‍ കയറി ഒരു കുളി അങ്ങ് പാസാക്കി. തിരിച്ച് വന്ന് ഒരു സാധാരണ സാരിയുടുത്ത് ബെഡില്‍ ഇരുന്നു. അപ്പോഴാണ് വാതിലില്‍ ഒരു പാദസരത്തിന്‍റെ കിലുക്കം കേട്ടത്. മുറിയിലുണ്ടായിരുന്നവര്‍ വാതിലിലേക്ക് നോക്കി. ദേവിന്‍റെ എട്ടത്തിയമ്മയാണ്. വിസ്മയ എന്ന മായേട്ത്തി.

അനു മായേട്ത്തിയെ ഒന്ന് നോക്കി. എന്തായാലും ആ കോന്തനുമായി ഒത്തുപോകാന്‍ സാധിക്കില്ല. എന്നാലും ഇവിടെ കുറച്ച് കാലം കഴിയേണ്ടി വരും. അയാളെ ഒഴിച്ച് ബാക്കി എല്ലാവരെയും കൈലെടുക്കണം. ആദ്യം മായേട്ത്തി. എട്ത്തിയിലുടെ അമ്മായിയമ്മയേയും മനുവേട്ടനെയും. അനു മനസില്‍ കണക്ക് കുട്ടി.

““എന്താ കുട്ട്യേ….”” പേരശ്ശി മായയോട് ചോദിച്ചു.

““പേരശ്ശി…. താഴെ ല്ലാരും അത്താഴത്തിനെത്തി. നിങ്ങള് കുടെ വന്നുച്ചാ നമ്മുക്ക് ഒന്നിച്ചു കഴിക്ക്യാ….”” മായ ബഹുമാനപൂര്‍വ്വം പേരശ്ശിയേ അറിയിച്ചു.

““ആയിക്കോട്ടെ…. അനുവേ നീ വര്വാ…”” പേരശ്ശി അനുവിനോടായി പറഞ്ഞു.

““പേരശ്ശി ഇറങ്ങിക്കൊള്ളു. ഞാന്‍ അനുവേ കൊണ്ട് എത്തിക്കൊള്ളം…”” മായ അനുവിനടുത്തേക്ക് നിങ്ങി പേരശ്ശിയോടായി പറഞ്ഞു. പേരശ്ശി അനുവിനെ നോക്കി. അനു ഒരു ചിരിയോടെ സമ്മതം നല്‍കി. അതോടെ പേരശ്ശി അത്താഴത്തിനായി താഴെക്ക് ഇറങ്ങി.

““എട്ത്തി, അമ്മ എങ്ങിനെയാ….?”” അനു മായയോട് ടെന്‍ഷനോടെ ചോദിച്ചു.

““ന്‍റെ അനു…. നീ ടെന്‍ഷന്‍ അടിക്കണ്ടട്ടോ… ഇവടെത്തെ അമ്മ ഒരു പാവാണ്… എനിക്ക് ന്‍റെ അമ്മയെക്കാള്‍ സ്നേഹാണ് ഇപ്പോ മനുവേട്ടന്‍റെ അമ്മയെ….”” മായ മറുപടി നല്‍കി.

““ഇനിക്ക് എന്തോ പേടി പോലെ….”” അനു പറഞ്ഞു

““അതോക്കെ രണ്ടുദിവസം കൊണ്ട് മാറും ന്‍റെ അനുവേ… നീ വാ…”” മായ അനുവിനെ കൂട്ടി ഡൈനിംഗ് ഹാളിലേക്ക് നടന്നു.

ഡൈനിംഗ് ഹാളില്‍ അയാള്‍ ഒഴിച്ച് എല്ലാവരും എത്തിച്ചേര്‍ന്നിരുന്നു. അമ്മയും മനുവേട്ടനും പേരശ്ശിയും മേശയ്ക്ക് ഓരോ ഭാഗത്തിരിക്കുന്നു. മായ അനുവിനെ അങ്ങോട്ട് കൊണ്ട് വന്ന് ഒഴിഞ്ഞ സീറ്റില്‍ ഇരുത്തി. ബാക്കിയുള്ളവര്‍ അവളെ തന്നെ നോക്കി. മായ മനുവിനടുത്തുള്ള ചെയറില്‍ ചെന്നിരുന്നു. അനു എല്ലാവര്‍ക്കും ഒരു വോള്‍ട്ടേജ് കുറഞ്ഞ പുഞ്ചിരി പാസാക്കി.

““മായേ, ദേവുട്ടന്‍ എന്ത്യേ….”” അമ്മ മായയോടായി ചോദിച്ചു.

““നാളെത്തെ മുതുകുടിയ്ക്ക് (വധുഗ്രഹത്തിലെ വിരുന്ന്) വണ്ടിയ്ക്ക് പോയ്താണമ്മ്യേ… ഇപ്പോ വരും….”” മായ അമ്മയ്ക്ക് മറുപടി നല്‍കി.