🌞 ഋതുഭേദങ്ങൾ 🌧️ 01 [ഖല്‍ബിന്‍റെ പോരാളി 💞] 654

ആലോചന വന്ന അന്നെ ഇതിനെ ഞാന്‍ എതിര്‍ത്തതാണ്. അമ്മയെ പോലെ ഒരു ഇല്ലത്തിന്‍റെ അടുക്കളയിലേക്ക് ഒതുങ്ങികുടാന്‍ ഞാന്‍ ഒരുക്കമായിരുന്നില്ല. എന്നാല്‍ അമ്മ അനുജത്തിയുടെ ഭാവിയെന്ന സെന്‍റിമെന്‍സില്‍ പിടിച്ച് എന്‍റെ സമ്മതം വാങ്ങിച്ചെടുത്തു. പക്ഷേ ഇങ്ങനെ തൊറ്റുകൊടുക്കാന്‍ ഞാന്‍ ഒരുക്കമല്ല. ഈ പ്രശ്നത്തില്‍ നിന്ന് ഈ വേളി കഴിഞ്ഞാല്‍ ശക്തിയോടെ തിരിച്ചു വരും.

““എന്താ എട്ത്തി ഇപ്പോഴെ സ്വപ്നം കാണുകയാണോ….?”” അതിഥിയുടെ ചോദ്യത്തിലാണ് അനു സ്വബോധത്തിലേക്ക് വന്നത്….

അനു അവളെ നോക്കി. ഒരു ചെറുപുഞ്ചിരിയോടെ അനുവിനെ നോക്കുന്ന അത്തു.
നീയില്ലായിരുന്നു എങ്കില്‍ ഇന്ന് ഈ കതിര്‍മണ്ഡപത്തില്‍ ഒരു പുരുഷന് മുന്നില്‍ ഞാന്‍ തല കുനിക്കുമായിരുന്നില്ല അത്തു. അനു അവളെ നോക്കി മനസില്‍ പറഞ്ഞു.

““ഇങ്ങന്യെ നോക്കാതെ എണിക്യൂ എട്ത്തി . ദേ മുഹുര്‍ത്തമാവാറായി….”” അതിഥി അനുവിനോടായി പറഞ്ഞു.

അതിഥി എട്ത്തിയെ സ്റ്റേജിലേക്ക് ആനയിച്ചു. പിറകെ അമ്മയും പേരശ്ശിയും. നിറഞ്ഞ സദസിന് മുന്നിലെത്തി അനഘ ക്ഷണിക്കപ്പെട്ട ബന്ധുക്കളെയും സുഹുര്‍ത്തുകളെയും നാട്ടുകാരെയും നോക്കി.

““അനു, എന്നാരെയും കൈ കുപ്പി വണങ്ങു….”” അമ്മ അവളുടെ ചെവിയില്‍ പറഞ്ഞു. അനു ഒരു ചടങ്ങ് പോലെ അത് നടത്തി. പിന്നെ തനിക്കായി വെച്ച പലകയില്‍ ഇരുന്നു. മുന്നില്‍ മലരും കിണ്ടിയും ധര്‍ഭപുല്ലും അങ്ങനെ ഒരുപാട് സാധനങ്ങള്‍. അവള്‍ എല്ലാതിലും നോക്കി.

ദേവിയെ പോലെ അണിഞ്ഞൊരുങ്ങി വന്ന അനുവിനെ സദസിലുള്ളവര്‍ കൗതുകത്തോടെ നോക്കി. ആരോക്കെയോ മൊബൈലില്‍ ഫോട്ടോ എടുത്തു. ഫോട്ടോഗ്രാഫര്‍മാര്‍ അവരുടെ ജോലി ചെയ്തു. പല ഭാഗത്ത് നിന്നും പല രീതിയില്‍ അവര്‍ അനഘയുടെ ഭംഗി പകര്‍ത്തിയെടുത്തു.

വേദിയ്ക്ക് മുന്നിലെ സീറ്റിലിരിക്കുന്ന ആഡ്യബ്രാഹ്മണരും അന്തര്‍ജനങ്ങളും അനഘയുടെ ലക്ഷണശാസ്ത്രങ്ങള്‍ നോക്കി അടുത്തിരിക്കുന്നവരോട് വിലയിരുത്തി..

അനഘ ഒരു നിമിഷം തന്‍റെ ചുറ്റുമുള്ള കുട്ടത്തില്‍ നിന്ന് മാറി ഇരിക്കുന്ന വരനും ഓതിക്കനും (കര്‍മ്മികന്‍) അടങ്ങുന്ന പുരുഷപ്രജ കുട്ടത്തിന്‍റെ ഭാഗത്തേക്ക് നോക്കി.

ഹോമകുണ്ഡത്തില്‍ നിന്ന് പുക ഉയരുന്നുണ്ടായിരുന്നു. അതിനിടയില്‍ അര്‍ദ്ധ നഗ്നനായി വരനും ഓതിക്കനും. രണ്ടുപേരുടെയും ശരീരവും അതിന് വിലങ്ങനെയുള്ള വെളുത്ത പൂണുലും ഒരു നിഴല്‍ പോലെ പുകയിലുടെ കാണാനുണ്ട്. അനു മുഖം കൂര്‍പ്പിച്ച് പുകകള്‍ക്കിടയിലുടെ നമ്മുടെ നായകനെ അല്ല അവളുടെ ഇപ്പോഴത്തെ വില്ലനെ നോക്കി. പുക കണ്ണിലേക്ക് അടിച്ച് ആ കണ്ണുകള്‍ കലങ്ങിയിട്ടുണ്ടായിരുന്നു. കണ്ണില്‍ നിന്ന് വെള്ളം വരുന്നുണ്ടായിരുന്നു. അത് കണ്ടപ്പോ അനുവിന്‍റെ മനസില്‍ ഒരു കുളിര്‍മ അനുഭവപ്പെട്ടു.