🌞 ഋതുഭേദങ്ങൾ 🌧️ 01 [ഖല്‍ബിന്‍റെ പോരാളി 💞] 654

ഒന്നര മണിക്കുറിത്തെ യാത്രയ്ക്ക് ഒടുവില്‍ കാര്‍ ഒരു ഇല്ലത്തിന്‍റെ മുറ്റത്തെത്തി. വൈദരത്ത് മന. വേളി പ്രമാണിച്ച് മുറ്റത്ത് പന്തലൊക്കെ ഇട്ടിട്ടുണ്ട്. ഇരുനിലയിലായി വല്യ പറമ്പിന്‍റെ ഒത്ത നടുക്കായി സ്ഥിതി ചെയ്യുന്ന ഒരു നാലുകെട്ട്. പഴക്കമുള്ള ആ ഇല്ലത്തിലും പുതുമകള്‍ കുറെയുണ്ടായിരുന്നു. ഓടും വാര്‍പ്പും ചേര്‍ന്ന ഇല്ലം. വിശാലമായ പൂമുഖം. കൊത്തുപണികള്‍ ഉള്ള തുണുകള്‍. നിലത്ത് കാവിയാണ്. നല്ല കറുപ്പ് നിറത്തില്‍. നല്ല വൃത്തിയിലുള്ള വീടും പരിസരവും.

അവിടെയും അനുവിന് ഒരുപാട് നമ്പൂതിരി വേളി ചടങ്ങുകള്‍ ഉണ്ടായിരുന്നു. കുടിവെപ്പ് എന്നാണ് അതിനെ വിശേഷിപ്പിക്കുന്നത്. ആദ്യം തന്നെ പ്രധാന വാതില്‍ ചവിട്ടി തുറക്കണം. പിന്നെ നടുമുറ്റത്തിരുന്ന് അട നേദിക്കണം. അങ്ങനെ ചടങ്ങുകള്‍ അതിന്‍റെ വഴിക്ക് നടന്നു. ആ ചടങ്ങ് കഴിഞ്ഞതും വധുവിന്‍റെ കുടുംബക്കാര്‍ തിരിച്ചുപോയി. ആകെ അവളുടെ പേരശ്ശി മാത്രം അവിടെ നിന്നു.

അതിന് ശേഷം അവള്‍ അവന്‍റെ മുറിയില്‍ എത്തി. നല്ല അടുക്കും ചിട്ടയുമുള്ള മുറി. മുകളിലത്തെ നിലയിലെ ഹാളിന് വടക്ക് ഭാഗത്തായുള്ള അത്യാവശ്യം വലിയ മുറിയായിരുന്നു അത്. മുറിയില്‍ ഒരു ഡബില്‍കോട്ട് കട്ടില്‍. ഒരു അലമാറ, ഒരു മേശ, ഒരു കസേര. ഒരു അറ്റാച്ച്ഡ് ബാത്തുറൂം. ചുമരില്‍ ഒരു ക്ലോക്ക്, ഒരു കലണ്ടര്‍, ഒരു ഷെല്‍ഫും. ഷെല്‍ഫില്‍ നിറച്ച് ബുക്കുകളും ട്രോഫിയും. മേശയ്ക്ക് പുറത്ത് ചില ബുക്കളിലേക്ക് നോക്കി അനുവിന്‍റെ മുഖത്ത് ചിരി വന്നു. ബാലരമയും ബാലഭുമിയുമടക്കം പല ബാല വാരികകള്‍. സ്വന്തം ഭര്‍ത്താവിന്‍റെ സ്വഭാവത്തെ കുറിച്ച് ആലോചിച്ച് അവള്‍ക്ക് ഓരേ സമയം ലജ്ജയും ദേഷ്യവും വന്നു.

ഒരു ജനലുണ്ട് ആ മുറിയ്ക്ക് പിന്നെ ബാല്‍ക്കണിയിലേക്ക് ഒരു വാതിലും. രണ്ടും തുറന്നിട്ടിരിക്കുന്നു. അതിലുടെ നോക്കിയാല്‍ പച്ചപ്പ് മാത്രം. കാറ്റും വെളിച്ചവും അതിലുടെ തന്നെ വരുന്നുണ്ട്.

അനുവിന്‍റെ സാധനങ്ങള്‍ ഒരു വലിയ പെട്ടിയിലാക്കി കൊണ്ടുവന്ന് അവിടെ വെച്ചിട്ടുണ്ട്. അനു ബാത്ത് റൂമിലേക്ക് ചെന്നു നോക്കി. അവളെ ഞെട്ടിക്കുന്ന തരത്തിലായിരുന്നു അതിനുള്ളില്‍. പഴയ ഇല്ലത്തിന്‍റെ ബാത്ത്റൂം പ്രതിക്ഷ അവളെ ബാത്ത്ടബ് അടക്കമുള്ള എല്ലാ ആധുനിക സജീകരണമുള്ള ഒരു ബാത്ത് റൂം.

അനു അങ്ങനെ പുതിയ ഗൃഹത്തിന്‍റെ ഭംഗി നോക്കി നില്‍ക്കുമ്പോഴാണ് അവളുടെ പേരശ്ശിയുടെ വരവ്. പേരശ്ശി വന്ന ഉടനെ അവളെ പിടിച്ച് ബെഡിലേക്കിരുത്തി. പിന്നെ ഒരു ഉപദേശക്ലാസ് കൊടുത്തു. പുതിയ വീടാണ് എന്ന് വെച്ച് ആരോടും എതിര്‍ത്ത് നില്‍ക്കരുത്. അവരുടെ ജീവിതരിതിയുമായി ഇഴകി ചേരണം, ഭര്‍ത്താവിനെയും അവന്‍റെ കുടുംബക്കാരെയും ബഹുമാനിച്ച് നില്‍ക്കണം. അങ്ങനെ ഒരുപാട് കാര്യങ്ങള്‍.