🌞 ഋതുഭേദങ്ങൾ 🌧️ 01 [ഖല്‍ബിന്‍റെ പോരാളി 💞] 654

ഞാന്‍ ജനിച്ച് മൂന്ന് കൊല്ലം കഴിഞ്ഞാണ് എന്‍റെ അനുജത്തി ജനിച്ചത്. അതിഥി. ഞങ്ങളുടെയൊക്കെ അത്തു. അനുജത്തി അതിഥി ജനിച്ചപ്പോള്‍ തൊട്ട് അച്ഛനും അമ്മയ്ക്കും എന്നേക്കാള്‍ അവളെ സ്നേഹിച്ചു പോയിരുന്നു എന്ന് എനിക്ക് തോന്നിയിട്ടുണ്ട്. തന്നേക്കാള്‍ സ്വാതന്ത്രവും സ്നേഹവും അവള്‍ക്ക് നല്‍കി അച്ഛനും അമ്മയും അവളെ വളര്‍ത്തി. അതിന്‍റെ പ്രതിഫലനമെന്നൊണം അവള്‍ ഒരു രാജകുമാരിയെ പോലെ അവിടെ വളര്‍ന്നു. വിടിന്‍റെ അവസ്ഥ മനസിലാക്കി ഞാന്‍ എന്‍റെ ഓരോ ആഗ്രഹങ്ങള്‍ മൂടിവെച്ചപ്പോഴും അല്ലെങ്കില്‍ അല്ലലിന്‍റെ കഥ പറഞ്ഞ് അവര്‍ മൂടിവെപ്പിച്ചപ്പോള്‍ അതിഥി യാതൊരു മടിയുമില്ലാതെ അച്ഛനോടും അമ്മയൊടും ഓരോ ആഗ്രഹങ്ങളും പറയുകയും അവര്‍ അത് സാധിച്ചുകൊടുക്കുന്നതും അല്‍പം വേദനയോടെ ഞാന്‍ അറിഞ്ഞു.

ഡിഗ്രി കഴിഞ്ഞ് പി.ജിയ്ക്ക് ജെ.എന്‍.യു വിലോ ഡല്‍ഹിയിലോ പഠിക്കാന്‍ പോകട്ടെ എന്ന് ചോദിച്ചപ്പോ വേണ്ട എന്ന് ഐക്യകണ്ഠേന തിരുമാനിച്ച അവര്‍ അതിഥിയെ എജിനിയറിംഗിന് പഠിക്കാന്‍ ബാഗ്ലൂരിലേക്ക് ഒരു മടിയും കുടാതെ വിട്ടു.

എന്തൊക്കെ പറഞ്ഞാലും അതിഥി എന്‍റെ സ്വീറ്റ് ഹാര്‍ട്ടാണ്. ചേച്ചി അനുജത്തി എന്നതിനെക്കാള്‍ അവളെന്‍റെ ബെസ്റ്റ് ഫ്രെണ്ടാണ്. എന്‍റെ പല ആഗ്രഹങ്ങളും അവളാണ് അച്ഛനോടും അമ്മയോടും പറഞ്ഞ് സാധിച്ചു തരുന്നത്.

ഞാന്‍ സ്കൂള്‍ ജീവിതവും കോളേജ് ലൈഫും പെണ്‍കുട്ടികള്‍ മാത്രമുള്ള കലാലയങ്ങളിലാണ്. അതോടെ എന്‍റെ ചിന്തഗതികള്‍ മാറി മറഞ്ഞു. പുരുഷന്‍ എന്ന വര്‍ഗ്ഗത്തിനോട് തന്നെ എന്തോ ഒരു ദേഷ്യം വന്ന് തുടങ്ങി. എന്‍റെ അച്ഛനടക്കമുള്ളവരുടെ സ്ത്രിയ്ക്കെതിരെ, അവളുടെ സ്വപ്നങ്ങള്‍ക്കെതിരെ നടത്തിയ വിലങ്ങുകളോട് ശക്തമായി എതിര്‍ക്കുന്ന ഒരാളായി മാറി. കോളേജ് ചെയര്‍പേഴ്സണ്‍ ആയി.

എന്‍റെ കോളേജ് ജീവിതം അവസാനിച്ചിട്ടും ഇന്നും അനഘ സുബ്രഹ്മണ്യം ആ കോളേജിലെ ജൂനിയര്‍ പെണ്‍കുട്ടികള്‍ക്കൊരു ഊര്‍ജ്ജമാണ്. അതാണ് ഇപ്പോ എന്‍റെ ധൈര്യം. താന്‍ ഒരുപാട് പേര്‍ക്ക് ശക്തി നല്‍കുന്നു. സ്ത്രീക്കള്‍ ഒരിക്കലും പുരുഷന്‍റെ അടിമയല്ലെന്ന ചിന്തഗതി ഞാന്‍ കോളേജിലെ ഓരോരുത്തരിലെക്കും പകര്‍ന്ന് നല്‍കി.

പി.ജിയ്ക്ക് കേരളത്തിന് പുറത്ത് പോയി പഠിക്കാന്‍ ആഗ്രഹിച്ച് ഇല്ലത്ത് പറഞ്ഞപ്പോ അടങ്ങിയൊതുങ്ങി വീട്ടില്‍ കഴിയാനാണ് അച്ഛന്‍ തീരുമേനി പറഞ്ഞത്. സ്വന്തമായി കുറച്ച് പണമുണ്ടായിരുന്നു എങ്കില്‍ എന്നെ ആ ഇല്ലം വിട്ട് ഞാന്‍ ഇറങ്ങിയെന്നേ…. പക്ഷേ ഇപ്പോ അതിന്‍റെ സമയമായിട്ടില്ല….
ഒരു പണിയുമില്ലാതെ ഈ ആറുമാസം ഞാന്‍ ഇല്ലത്ത് കഴിഞ്ഞുകൂടി. അതിനിടയ്ക്കാണ് ഈ കല്ല്യാണ ആലോചന വരുന്നത്. പൂജാരിയായ അച്ഛന്‍ കലക്ടറുടെ ആലോചന കൊണ്ടുവരാന്‍ സാധ്യതയില്ലലോ. ഇതും ഒരു അമ്പലജീവനക്കാരന്‍ തന്നെ.