? ഋതുഭേദങ്ങൾ ?️ 02 [ഖല്‍ബിന്‍റെ പോരാളി ?] 656

““അങ്ങനെ വേണേമെങ്കില്‍ സ്വന്തമായി ഒന്നിനെ കെട്ടികൊണ്ടുവന്നിട്ട് നോക്കടാ പട്ടി…. ഇല്ലെങ്കില്‍ വിട്ടിലുള്ള അമ്മയേയും പെങ്ങളെയും പോയി നോക്കിക്കോ…..”” അനു അവനെ നോക്കി ചീറി.

““ആഹാ…. ദേവ് തിരുമേനിയുടെ ഭാര്യ ചൂടത്തിയാണല്ലോ…. പാവം ഇതിനെ മെരുക്കാന്‍ തിരുമേനി പാട് പെടുന്നുണ്ടാവും….”” അവന്‍റെ അടുത്ത കമന്‍റ് എത്തി.

““അദ്ദേഹം പാട് പെട്ടാലും ഇല്ലെങ്കിലും നിനക്കെന്താടാ…. നിനക്ക് വല്ല കുഴപ്പവുമണ്ടെങ്കില്‍ വല്ല മുരുക്കിലും വലിഞ്ഞ് കയറി ആശ്വാസം കണ്ടെത്തിക്കോ…”” അനു അവന്‍റെ മുഖത്ത് നോക്കി പറഞ്ഞു.

““ഡീ….”” അവന്‍ ദേഷ്യത്തോടെ അലറി….

““പോടാ….”” അനു മറുപടി കൊടുത്തു…

““അനു…. മതി…. വാ…. ഇവനോടൊന്നും പറഞ്ഞിട്ട് കാര്യമില്ല…”” മായ അനുവിന്‍റെ കൈ പിടിച്ച് ബുള്ളറ്റിന് സൈഡിലുടെ അവളെ വലിച്ച് നടന്നു.

““നിന്‍റെ ഈ പിടച്ചിലൊക്കെ ഞാന്‍ മാറ്റി തരുന്നുണ്ട് മോളെ…”” സൈഡിലുടെ നടന്നു നിങ്ങിയ അവളെ നോക്കി അവന്‍ പറഞ്ഞു.

““നീ അങ്ങ് മാറ്റാന്‍ വന്നാല്‍ ഞാന്‍ നിന്ന് തരികയല്ലേ…. പോടാ…. പോയി പണി നോക്ക് ചുള്ളുചെക്കാ….”” മായ വലിച്ചുകൊണ്ടുപോകുമ്പോഴും പിറകോട്ട് തല തിരിച്ച് അനു വിളിച്ച് പറഞ്ഞു.

““നീ മിണ്ടാതെ വരാന്‍ നോക്കു അനു…. അവനോട് പറഞ്ഞു നിന്നിട്ട് കാര്യമില്ല….””

അനുവിന്‍റെ ശകാരവര്‍ഷങ്ങള്‍ നിര്‍ത്താനായിട്ട് മായ പറഞ്ഞു. തിരിഞ്ഞ് നടന്ന അനുവിന്‍റെയും മായയുടെ പിന്നഴക് നോക്കി കുറച്ച് നേരം നിന്നിട്ട് ഒരു ദീര്‍ഘനിശ്വാസം എടുത്ത് കുളിംഗ് ഗ്ലാസ് തിരിച്ച് വെച്ച് ബുള്ളറ്റ് സ്റ്റാര്‍ട്ടാക്കി മുന്നിലേക്ക് ഓടിച്ചു പോയി.

അവന്‍റെ ബുള്ളറ്റ് പോയി കഴിഞ്ഞപ്പോ മായ പതിയെ അനുവിന്‍ മേലുള്ള പിടി വിടിപ്പിച്ചു. അനുവിന്‍റെ ശ്വാസോശ്വാസം ഇപ്പോഴും വേഗത്തിൽ തന്നെയായിരുന്നു. മായ അവളോട് ഒന്നും പറയാന്‍ പോയില്ല…

““ആരാ മായേട്ത്തി അവന്‍….?”” അല്‍പം കഴിഞ്ഞപ്പോ അനു മായയോട് ചോദിച്ചു.

““അതോ…. അവന്‍ യദുല്‍ മനോജ്…. ഇവിടത്തെ പ്രമുഖനായ മനോജ്കുമാറിന്‍റെ ഒറ്റമകനാ…. പാര്‍ട്ടി, അമ്പലകമ്മിറ്റി, വായനശാല, ക്ലബ് അങ്ങിനെ എല്ലാ പ്രമുഖ സ്ഥലങ്ങളിലും അങ്ങേരുടെ സാന്നിദ്ധ്യമുണ്ടാവും. പറഞ്ഞിട്ടെന്താ ഈ ചെക്കന് സകല തെണ്ടിത്തരങ്ങളും ഉണ്ട്. പെണ്ണും കള്ളും കഞ്ചാവും എല്ലാം… അച്ഛന്‍റെ പിടിപാടും പണവും കൊണ്ട് ധൂര്‍ത്തിടിച്ച് നടക്കലാണ് സ്ഥിരം പണി. താന്തോന്നി….”” മായ യദുലിനെ നല്ല വാക്കുകളില്‍ പുകഴ്ത്തികൊണ്ടിരുന്നു.

““എല്ലാ നാട്ടിലും കാണും അച്ഛന്‍റെ പണത്തിന് നെഗളിക്കുന്ന കുറെയെണ്ണം… ശരിക്ക് ആരുടെലും കയ്യില്‍ നിന്ന് കിട്ടുമ്പോള്‍ പഠിച്ചോളും…”” അനു പറഞ്ഞു.

““ഈ പറഞ്ഞ മനോജ് കുമാറും വല്യ മാന്യനൊന്നുമല്ല. ചന്ദനകടത്തോ അങ്ങിനെയെന്തൊക്കെയോ പരുപാടി മൂപ്പര്‍ക്കുമുണ്ട്…. പക്ഷേ നാട്ടുകാര്‍ക്ക് എല്ലാം അങ്ങേരെ വലിയ കാര്യമാണ്. സ്ഥിരം അമ്പലത്തിലൊക്കെ വരുന്ന ഭക്തനാണ്….””

““മ്ഹും….”” അനു അതിന് ഒരു മൂളല്‍ മാത്രമാണ് മറുപടി നല്‍കിയത്….