? ഋതുഭേദങ്ങൾ ?️ 02 [ഖല്‍ബിന്‍റെ പോരാളി ?] 656

രാത്രി എഴുമണി കഴിഞ്ഞാണ് കാര്‍ വൈദരത്ത് എത്തിയത്. വന്നപാടെ ഹാളിലുണ്ടായിരുന്ന കുടുംബംഗങ്ങളുമായി വിശേഷങ്ങള്‍ ചുരുങ്ങിയ വാക്കില്‍ പറഞ്ഞൊപ്പിച്ച് ഫ്രേഷാവാനായി ദേവും അനുവും അവരുടെ മുറിയിലേക്ക് പോയി.

ദേവാണ് ആദ്യം ഫ്രേഷായത്. ഫ്രേഷായി വന്ന ശേഷം അനുവിന് ഒരു പുഞ്ചിരി നല്‍കി അള് റൂം വിട്ട് പോയി. അവന്‍റെ പുഞ്ചിരിയ്ക്ക് ഒന്നു കണ്ണുരുട്ടി കാണിച്ച് അമര്‍ഷം രേഖപ്പെടുത്തി. പിന്നെ തന്‍റെ സാധനങ്ങള്‍ എടുത്ത് ബാത്ത്റൂമിലേക്ക് കയറി പോയി. ദേവ് താഴെയ്ക്കും.

വൈദരത്ത് രാത്രി എട്ടുമണിയാണ് അത്താഴസമയം. എല്ലാരും ഒന്നിച്ചിരുന്നു ഭക്ഷണം കഴിക്കണം. സമയമായപ്പോള്‍ ഭദ്രയും മനുവും മായയും ഡൈനിംഗ് ഹാളിലെത്തി. കുറച്ച് കഴിഞ്ഞപ്പോള്‍ ദേവും.

““അനുവേന്ത്യേ ദേവുട്ടാ….”” ഭദ്ര ചോദിച്ചു.

““ഇപ്പോ വര്വാമ്മേ…..”” ദേവ് താല്‍പര്യമില്ലാത്ത രീതിയില്‍ പറഞ്ഞു. ഭദ്ര ശ്രദ്ധിച്ചില്ലെങ്കിലും മായ അവന്‍റെ താല്‍പര്യമില്ലായ്മ ശ്രദ്ധിച്ചിരുന്നു. അവള്‍ അവനെ തുറിച്ച് നോക്കി.

അല്‍പസമയത്തിനുള്ളില്‍ അനു ഗോവണിയിറങ്ങി വന്നു. അവിടെ ഇരുന്നിരുന്ന അമ്മയിയമ്മയ്ക്കും ഏട്ടനും ഏട്ത്തിയ്ക്കും ഒരു ചിരി നല്‍കി ദേവിനടുത്തുള്ള അവള്‍ക്കായി ഒരുക്കിയ സീറ്റില്‍ ഇരുന്നു.

എല്ലാരും ഇരുന്നപ്പോള്‍ മായ എണിറ്റ് അമ്മയ്ക്കും മനുവിനും അവളുടെ പ്ലേറ്റിലും വിളമ്പി. ദേവ് പാത്രം നിട്ടി കാണിച്ചെങ്കിലും മായ അതില്‍ വിളമ്പിയില്ല. ദേവ് അതിശത്തോടെ മായയുടെ മുഖത്തേക്ക് നോക്കി. മുഖം കൊണ്ട് അനു വിളമ്പിതരുമെന്ന് പറഞ്ഞ് മായ ചിരിച്ചു. വല്യ സന്തോഷമുണ്ടായില്ലെങ്കിലും ദേവും ഒരു മങ്ങിയ ചിരി ചിരിച്ചു. വിളമ്പി കഴിഞ്ഞ മായ ഭക്ഷണമടങ്ങിയ പാത്രം അനുവിന് മുന്നിലേക്ക് നീട്ടിവെച്ചു.

അനു കിട്ടിയ അവസരത്തില്‍ തനിക്കുള്ള ഭക്ഷണം മാത്രം വിളമ്പി. ദേവിനെ ശ്രദ്ധിച്ചത് പോലുമില്ല. ദേവ് എന്ത് ചെയ്യണമെന്നറിയാതെ ചുറ്റും നോക്കി. ഭദ്രയും മനുവും ഭക്ഷണം കഴിക്കുകയാണെന്നറിഞ്ഞ് ആശ്വസിച്ചെങ്കിലും തന്നെ നോക്കി നില്‍ക്കുന്ന മായയെ കണ്ട് എന്തുചെയ്യണമെന്നറിയാതെ അവന്‍ കുഴങ്ങി. അവരുടെ പരസ്പരം കുറച്ച് നേരം നോക്കി നിന്നു. പിന്നെ മായ അവന് വിളമ്പാന്‍ വേണ്ടി എണിക്കാന്‍ നോക്കിയതും ദേവ് കൈ കൊണ്ട് വേണ്ട എന്ന് അംഗ്യം കാട്ടി. പിന്നെ ഇരുന്നോളാനും സിഗ്നല്‍ നല്‍കി അവന്‍ സ്വയം വിളമ്പി കഴിച്ചു. പിന്നെ അവന്‍ മായയെ നോക്കാന്‍ നിന്നില്ല. ഭദ്ര എന്തോക്കെയോ ചോദിച്ചെങ്കിലും എല്ലാത്തിനും കുറഞ്ഞ വാക്കുകളില്‍ മറുപടി നല്‍കി ആ ചടങ്ങ് അങ്ങ് കഴിഞ്ഞു.

വൈകി കഴിക്കാന്‍ തുടങ്ങിയത് കൊണ്ട് ദേവിന്‍റെ കഴിപ്പാണ് അവസാനം കഴിഞ്ഞത്. ഒരോരുത്തരായി കഴിച്ച് കഴിഞ്ഞപ്പോ എഴുന്നേറ്റ്  പോയി അവസാനം ദേവ് മാത്രമേ ആ മേശയിലുണ്ടായുള്ളു.

എല്ലാരുടെയും ഭക്ഷണം കഴിഞ്ഞപ്പോ ദേവും മനുവും ഹാളിലേക്ക് നടന്നു. അനുവും മായയും ഭദ്രയും അടുക്കളയിലേക്കും. പാത്രങ്ങളെല്ലാം കഴുകി വെച്ച് മൂന്ന് പേരും അന്നത്തെ പണികള്‍ എല്ലാം തീര്‍ത്തു. മായയ്ക്ക് ദേവും അനുവും തമ്മിലുള്ള അന്തര്‍ധാരയില്‍ അപ്പോഴെക്കും ചെറിയ സംശയങ്ങള്‍ ഉണ്ടായിരുന്നു. ഭദ്രമ്മ ഉള്ളതുകൊണ്ട് അവള്‍ക്ക് അടുക്കളയില്‍ വെച്ച് അതിനെ പറ്റി ചോദിക്കാന്‍ കഴിഞ്ഞില്ല.