? ഋതുഭേദങ്ങൾ ?️ 02 [ഖല്‍ബിന്‍റെ പോരാളി ?] 656

““പേരശ്ശി കാപ്പി…..”” അനു പേരശ്ശിയെ വിളിച്ച് കാപ്പി ഗ്ലാസ് നീട്ടി. പേരശ്ശിയും ദേവും അവളെ നോക്കി. പേരശ്ശി അത് ഒരു പുഞ്ചിരിയോടെ വാങ്ങി. അനു ദേവിന് വേണമെങ്കില്‍ കഴിച്ചോ എന്ന ഭാവത്തില്‍ കാപ്പി ഗ്ലാസ് നിട്ടി. ദേവ് വല്യ സന്തോഷം പ്രകടിപ്പിക്കാതെ അത് വാങ്ങി.

““ന്താ…. കുട്ട്യേ…. ഉറക്കമൊക്കെ ശരിയായോ….”” പേരശ്ശി കാപ്പി കുടിക്കുന്നതിനിടെ ചോദിച്ചു….

““കുഴപ്പല്യായിരുന്നു പേരശ്ശി….”” അനു ദേവിനെ നോക്കി തറപ്പിച്ച് പറഞ്ഞു. ദേവ് അതിന് വലിയ കാര്യം നല്‍ക്കാതെ കൈയിലെ കാപ്പിയില്‍ ശ്രദ്ധ നല്‍കി.

““അല്ലാ…. എന്താ നിന്‍റെ കഴുത്തിലൊരു പാട്…..”” കഴുത്തിലെ പാട് കണ്ട് പേരശ്ശി അതിലേക്കായി ശ്രദ്ധ…. അത് കേട്ട് ദേവ് പെട്ടെന്ന് അനുവിനെ നോക്കി. അനു പറയട്ടെ എന്ന ഭാവത്തില്‍ ദേവിനെ നോക്കി. അത് താങ്ങാനാവാത്ത പോലെ ദേവ് മുഖം തിരിച്ചു.

പേരശ്ശിയ്ക്ക് അടുക്കളയില്‍ പറഞ്ഞ അതെ മറുപടി നല്‍കി അനു പ്രശ്നം ഗുരുതരമാക്കാതെ പറഞ്ഞു തീര്‍ത്തു. അത് കേട്ടതും ദേവ് അത്ഭുതത്തോടെ അനുവിനെ നോക്കി. പിന്നെ പേരശ്ശി സുക്ഷിച്ച് കിടക്കാന്‍ ഉപദേശം നല്‍കിയത് കേട്ടിരുന്നു.

രണ്ടുപേരും കാപ്പി കുടിച്ച് കഴിഞ്ഞപ്പോ ഗ്ലാസ് വാങ്ങി അനു രംഗം വിട്ടു. പേരശ്ശിയും ദേവും അവരുടെതായാ ചര്‍ച്ചകളില്‍ ഒതുങ്ങി. കുറച്ച് കഴിഞ്ഞപ്പോ ഒന്നിച്ച് പ്രാതല്‍ കഴിച്ച് ദേവും അനുവും പേരശ്ശിയും ഒരുങ്ങി മുതുകുടിയ്ക്ക് വേണ്ടി ഇറങ്ങി.

തലേന്ന് നിശ്ചയിച്ച പ്രകാരം ദേവിന്‍റെ ഒരു കുട്ടുകാരന്‍റെ കാറാണ് വന്നത്. വൈദരത്ത് മനയ്ക്കല്‍ ആകെ ഒരു ബൈക്ക് മാത്രമേ ഉള്ളു. അത് മനുവാണ് ഉപയോഗിക്കുന്നത്. ഒരുങ്ങിയിറങ്ങിയ ദേവും അനുവും പേരശ്ശിയും കാറില്‍ കയറി. അവിടെ നിന്ന ഏകദേശം രണ്ട് രണ്ടര മണിക്കൂര്‍ യാത്രയുണ്ടായിരുന്നു എഴില്ലംകാവ് എന്ന അനു ജനിച്ചു വളര്‍ന്ന നാട്ടിലേക്ക്. വഴി മുഴുവന്‍ ദേവും കുട്ടുക്കാരനും പേരശ്ശിയും സംസാരിച്ച് കൊണ്ടിരുന്നു. പേരശ്ശി സംസാരിക്കാന്‍ ഒരാളെ കിട്ടിയത് കൊണ്ട് വളരെ സന്തോഷത്തിലാണ്. ദേവിന്‍റെ കുട്ടുകാരന്‍റെ വീടും വിട്ടുകാരെയും എല്ലാം ചോദിച്ച് മനസിലാക്കുന്നുണ്ട്. അനു ഒന്നിലും തലയിടാതെ അവരുടെ സംസാരം കേട്ടും പുറത്തെ കാഴ്ചകള്‍ കണ്ട് ഇരിക്കുക മാത്രമാണുണ്ടായത്.

സൂരജ് അതാണ് ദേവിന്‍റെ കുട്ടുകാരന്‍റെ പേര്. അവന്‍ ദേവിന്‍റെ കുടെ പ്ലസ് ടു വരെ ഒന്നിച്ച് പഠിച്ചതാണ്. അവന്‍ ഇപ്പോ നാട്ടില്‍ ഒരു ട്രാവല്‍ എജന്‍സി നടത്തുകയാണ്. വിഷ്ണു ടൂര്‍സ് ആന്‍റ് ട്രവല്‍സ്. അതേ പേരിലുള്ള ഒരു കാറിലാണ് അവര്‍ ഇപ്പോ യാത്ര ചെയ്യുന്നത്. സൂരജ് ആളിത്തിരി ഫലിതപ്രിയനാണ്. പേരശ്ശിയെ രണ്ട് ഫലിതം പറഞ്ഞ് ആദ്യമേ കക്ഷി ഇണക്കിയെടുത്തു.