? ഋതുഭേദങ്ങൾ ?️ 02 [ഖല്‍ബിന്‍റെ പോരാളി ?] 656

““അതിന് ദേവ് സമ്മതിക്കണ്ടേ…. ഈ വേളിയ്ക്ക് തന്നെ ഞങ്ങള്‍ ഒരുപാട് നിര്‍ബന്ധിച്ചിട്ടാ അവന്‍ സമ്മതിച്ചത്. ഇതൊരു പരാജയമാണെന്ന് അറിഞ്ഞാല്‍ ഞങ്ങള്‍ക്ക് എന്ത് പറയാന്‍ പറ്റും. ഇനി അവനെ നിര്‍ബന്ധിക്കാന്‍ ഞങ്ങള്‍ക്ക് കഴിയില്ല…”” മായ പറഞ്ഞു നിര്‍ത്തി.

““ദേവേട്ടന് വല്ല കാമുകിയോ മറ്റോ….”” അനു ചോദിച്ചു.

““എന്‍റെയറിവില്‍ അങ്ങനെയൊരാള്‍ ഇല്ല്യ… ഉണ്ടെങ്കില്‍ അവന്‍ വേളിയുടെ തിരുമാനം ആയപ്പോള്‍ പറഞ്ഞെനെ….”” മായ പറഞ്ഞു. പക്ഷേ അത് കേട്ടപ്പോ അനുവിന് ആകെ കണ്‍ഫ്യൂഷനായി. രാത്രിയില്‍ വിളിക്കുന്ന ആ പെണ്‍കുട്ടിയുടെ കാര്യം ഇതുവരെ മായേട്ത്തിയറിഞ്ഞിട്ടില്ല. അങ്ങിനെയൊരു കുട്ടി ഉണ്ടെങ്കില്‍ അത് പറഞ്ഞെന്നെ എന്ന് മായേട്ത്തിയും പറയുന്നു.

““എന്നാലും കോളേജില്‍ പഠിക്കുമ്പ്യോ വല്ലതും…”” അനു വീണ്ടും സംശയം ചോദിച്ചു.

““അത് നമ്മുക്കെങ്ങനെയറിയാനാവും…. അവന്‍ അവന്‍റെ ചിറ്റശ്ശിയുടെ കുടെ മൈസുരാല്ലായിരുന്നോ….””

““അവിടെന്ന് വന്നിട്ട് പിന്നേ ദേവേട്ടന്‍ അങ്ങോട്ട് പോയിട്ടുണ്ടോ….?””

““പിന്നെ…. അവന്‍ മാസാമാസം അങ്ങോട്ട് പോവും. പക്ഷേ അത് അവന്‍റെ ചിറ്റശ്ശി തുടങ്ങിവെച്ച കുറച്ച് ചാരിറ്റി പരുപാടി ഉണ്ട്…. അതിന്‍റെ നടത്തിപ്പിനാണ്.””

““ഇനി അവിടെ വല്ലവരെയും കാണാനാണ് പോവുന്നതെങ്കില്‍…..”” അനു ചോദിച്ചു.

““അത് അറിയില്ല്യ…. എന്നോട് അങ്ങനെ പറയുകയോ സൂചന നല്‍കുകയോ ചെയ്തിട്ടില്ല….”” മറുപടിയൊന്നുമില്ലാതത്തിനാല്‍ മായ കൈമലര്‍ത്തി.

അങ്ങിനെ ഗ്രാമഭംഗിയ്ക്കിടയിലുടെ രണ്ടുപേരും നടന്ന് ക്ഷേത്രത്തിനടുത്തെത്തി. വലിയ ചുറ്റമ്പലത്താല്‍ മൂടിയ അമ്പലം. നടക്കാന്‍ കരിങ്കല്‍ പാകിയ നടപ്പാത. ചുറ്റമ്പലത്തില്‍ വിളക്ക് വെക്കാനുള്ള ചീരാതുകള്‍. മുന്നില്‍ കൊടിമരം. ഒരുഭാഗത്ത് വലിയൊരു ആല്‍മരം. ആൽത്തറയ്ക്ക് അടുത്ത് വിശാലമായ ക്ഷേത്രകുളം. കുളത്തിന്‍റെ അതില്‍ അങ്ങിങ്ങായി വളരുന്ന ആമ്പലുകള്‍. കുളത്തിന്‍റെ എതിര്‍വശത്ത് അമ്പലപറമ്പ്. എല്ലാം ശാന്തമായി നില്‍ക്കുന്നു. മനസിനും ശരീരത്തിനും കുളിരു നല്‍കുന്ന അന്തരീക്ഷം.

മായയും അനുവും പ്രധാനകവാടം കടന്ന് ചുറ്റമ്പലത്തിന് ഉള്ളിലേക്ക് കടന്നു. അനു അമ്പലം ചുറ്റും കണ്ണൊടിച്ചു. മണ്ഡപവും അതിന് പിറകിലെ ശ്രീകോവിലും അതിലെയെല്ലാം കൊത്തുപണികളും എല്ലാം കണ്ടും ഭംഗിയാസ്വദിച്ചും നിന്നു.

പ്രധാന പ്രതിഷ്ഠയായ കൃഷ്ണന്‍റെ ശ്രീകോവിലിന് മുന്നില്‍ തൊഴിതു നില്‍ക്കുമ്പോഴാണ് ഒരു വശത്ത് നിന്ന് തന്‍റെ ഭര്‍ത്താവെന്ന പറയപ്പെടുന്ന ദേവിന്‍റെ ശബ്ദം അനു കേള്‍ക്കുന്നത്. ശ്രീകോവിലിനുള്ളിലെ ചന്ദനം ചാര്‍ത്തി ചിരിക്കുന്ന ശ്രീകൃഷ്ണവിഗ്രഹത്തില്‍ നിന്നും അനുവിന്‍റെ ശ്രദ്ധ പതിയെ ശബ്ദം കേട്ട ദിക്കിലേക്ക് പോയി. അവിടെ തിടപ്പിള്ളിയുടെ (അമ്പലത്തില്‍ നിവേദ്യം പാകം ചെയ്യുന്ന സ്ഥലം) പടിമേലെ തൊഴാന്‍ വന്ന രണ്ടു പെണ്‍കുട്ടികളുമായി സംസാരിക്കുകയായിരുന്നു ദേവ്. കുടെ അവര്‍ക്ക് ചന്ദനവും പൂവും നല്‍കുന്നുമുണ്ട്.