? ഋതുഭേദങ്ങൾ ?️ 02 [ഖല്‍ബിന്‍റെ പോരാളി ?] 656

ശുദ്ധസംഗിതത്തോടെ ഈ വരികള്‍ കേട്ടപ്പോ അറിയാതെ അനുവിന്‍റെ മനസിലേക്ക് ഒരു കുളര്‍മ വന്നു. അനു ജനലിലുടെ പുറത്തേക്ക് നോക്കി കൂരാകുരിട്ടാണ്. അനു ഉണര്‍ന്ന കാര്യം ദേവിനെ അറിയിക്കാതെ കിടന്നു. അല്‍പനേരം കൊണ്ട് തോര്‍ത്തും മറ്റുമെടുത്ത് ദേവ് സ്ഥലം കാലിയാക്കി. നേരം വെളുക്കാതത്തിനാല്‍ അനു വീണ്ടും കണ്ണുകളടച്ച് കിടന്നു.

പിന്നെ രാവിലെ ആറുമണിയോടെയാണ് അനു എഴുന്നേറ്റത്. തന്‍റെ ഭര്‍ത്താവിനെ കാണാത്തപ്പോഴെ അങ്ങേര് പണിയ്ക്ക് പോയി എന്ന് അനുവിന് മനസിലായി. വേഗം ഫ്രേഷായി താഴെ അടുക്കളയിലെത്തി. ഭദ്ര സന്തോഷത്തോടെ അവളെ വരവേറ്റങ്കിലും മായയുടെ മുഖം ശോകമായിരുന്നു. അനു മായേട്ത്തിയെ നോക്കി ഒരു സുഖമില്ലാത്ത ചിരി നല്‍കി. മായ തിരിച്ചും…

““മോളെ…. ദേവുട്ടന്‍ ഇന്ന് അമ്പലത്തില് പോണ കാര്യം പറഞ്ഞിരുന്നോ….”” ഭദ്ര അനുവിനോട് ചോദിച്ചു.

““ഹാ…. പറഞ്ഞിരുന്നമ്മേ…. പക്ഷേ ദേവേട്ടന്‍ പോയപ്പോ കണ്ടില്ല… ഉറങ്ങിപോയി…”” അനു സ്വല്‍പം ചമ്മലോടെ പറഞ്ഞു. മായ അനുവിന്‍റെ ഭാവം കണ്ടിട്ട് അന്തംവിട്ട് നോക്കി.

““അവന്‍ കാലത്ത് സമയം അഞ്ചായാ അമ്പലത്തിലേക്ക് പോവും. അവന്‍റെ അച്ഛനും അങ്ങനെയായിരുന്നു….”” ഭദ്ര പറഞ്ഞു. അനു അതു കേട്ട് നിന്നു. പിന്നെ ഭദ്രമ്മയെയും മായയേയും സഹായിച്ചിരുന്നു.

““അല്ലാ…. മോള് ഇതുവരെ ഈ നാട് കണ്ടിട്ടില്ലലോ….”” ഭദ്ര എന്തോ ആലോചിച്ച പോലെ പറഞ്ഞു.

““ഇല്ല്യാമ്മേ…”” അനു ചിരിയോടെ മറുപടി നല്‍കി.

““ന്നാ നിങ്ങള് രണ്ടാളും അമ്പലത്തില്‍ പോയി തൊഴ്തു വാ…. അപ്പോ നാടിന്‍റെ കുറച്ച് ഭാഗമൊക്കെ കാണാം….”” ഭദ്രമ്മ മായയേയും അനുവിനെയും നോക്കി പറഞ്ഞു. ബാക്കി രണ്ടുപേരും പരസ്പരം നോക്കി. മൗനം സമ്മതമായിരുന്നു രണ്ടുപേരുടെ ഭാഗത്ത് നിന്നും. കുറച്ച് നേരം പണിയൊക്കെ ചെയ്തു കഴിഞ്ഞപ്പോ  ഭദ്രമ്മ രണ്ടിനെയും അമ്പലത്തില്‍ പോവാനായി ഒരുങ്ങാന്‍ പറഞ്ഞ് അടുക്കളയില്‍ നിന്ന് പറഞ്ഞ് വിട്ടു.

അങ്ങനെ രണ്ടും കുടെ അമ്പലത്തിലേക്ക് പുറപ്പെട്ടു. മധ്യകേരളത്തിലെ ഒരു പ്രധാന നഗരത്തിന് അടുത്ത് കിടക്കുന്ന ഹരിതഭംഗിയേറിയ ഒരു ഗ്രാമമായിരുന്നു നെډണിക്കര. അവിടത്തെ മണ്‍പാതകളിലുടെ രണ്ടുപേരും അമ്പലം ലക്ഷ്യമാക്കി നടന്നു. കുറച്ച് ദൂരം നടന്നിട്ടും മായയോ അനുവോ ഒന്നും സംസാരിച്ചില്ല.

““മായേട്ത്തിയ്ക്ക് എന്നോട് ദേഷ്യാലേ….”” കുറച്ച് കഴിഞ്ഞപ്പോ അനു ചോദിച്ചു. അതുകേട്ട് മായ അനുവിനെ നോക്കി.

““അങ്ങനെ ചോദിച്ചാ ദേഷ്യത്തേക്കാള്‍ കുടുതല്‍ വിഷമമാണ്…””

““എന്തിന്….?””

““അത്…. ദേവുട്ടന്‍റെ ഭാവി ആലോച്ചിച്ച്…. ””

““ദേവേട്ടന് എന്താ പ്രശ്നം…. വേറെ ആളെ വേളി കഴിച്ച് ജീവിച്ചുടെ….”” അനു ചോദിച്ചു.