അപരാജിതന്‍ 18 [Harshan] 10305

 

അവന്‍ , കേൾക്കുന്നവർക്ക് ഭീതി തോന്നുമാറ് ഉറച്ച ശബ്ദത്തിൽ  ജപിച്ച് തുടങ്ങി

 

ഹ൦…… ഷം…….. നം…….. ഗം…….. കം……. സം…. ഖം……മഹാകാൽഭൈരവായ

ഹ൦…… ഷം…….. നം…….. ഗം…….. കം……. സം…. ഖം……മഹാകാൽഭൈരവായ

ഹ൦…… ഷം…….. നം…….. ഗം…….. കം……. സം…. ഖം……മഹാകാൽഭൈരവായ

 

അവന്‍റെ ചുണ്ടിൽ ഒരു പുഞ്ചിരി വിടർന്നു

അവന്‍റെ മുകളിൽ മുട്ട് കുത്തി ഇരിക്കുന്ന കരുവാടി ശക്തിയിൽ തന്‍റെ ഊന്നുവടി മുകളിലേക്ക് ഉയർത്തി

അവന്‍റെ കശേരു തകർക്കാൻ ഊന്നുവടി ശക്തിയില്‍ താഴേക്കു കൊണ്ട് വന്നു

 

പൊടുന്നനെ

അത്യുഗ്രമായ ഒരു മിന്നല്‍ പിണര്‍ ഭൂമിയിലേക്ക് പതിച്ചു.

ദൊരൈസ്വാമി കരുവാടി  എടുത്തെറിയപ്പെട്ട പോലെ മുകളിലേക്കു ഉയർന്നു പൊങ്ങി

ആദിശങ്കരൻ ഉയർന്നു പൊങ്ങി മാനത്ത് കരണം മറിഞ്ഞ് ഒരു പാറപുറത്തു കാലമർത്തി നിന്നു

അവൻ തന്‍റെ ഷർട്ട് അഴിച്ചു മാറ്റി

അവൻ ഭ്രാന്ത് പിടിച്ചവനെ പോലെ ആയിരുന്നു

അവന്‍റെ ശരീരത്തെ ഉറച്ച പേശികൾ ഒകെ   വിയർത്തൊലിക്കുക ആയിരുന്നു

മുകളിലേക്കു ഉയർന്ന കരുവാടി കരണം മറിഞ്ഞു

നിലത്തമർന്നു നിന്നു

ആദി അയാൾക്ക് നേർക്കു ആഞ്ഞു കുതിച്ചു ചാടി കൈ വിടർത്തി ദ്രുതവേഗത്തിൽ അയാളുടെ ഇടത്തു കരണത്തു പ്രഹരിച്ചു

അയാൾ തെറിച്ചു ഒരു പാറയിലേക്ക് വീണു

അയാൾ കോപത്തോടെ ആദിയെ നോക്കി

കിഴവനെങ്കിലും മുന്നിലേക്കു വന്നു അതി വേഗം വലം കാൽ പെരുവിരലിൽ ബലം കൊടുത്തു മുകളിലേക്കു ഉയർന്നു , ആദിയുടെ ശിരോമധ്യത്തിൽ പെരുവിരൽ കുത്താൻ നോക്കിയപ്പോൾ ആദി അയാളുടെ കാലിൽ മുറുകെ പിടിച്ചു വട്ടം കറക്കാൻ തുടങ്ങി

അയാൾക്ക് മറ്റു മുറകൾ എടുക്കാൻ സാധിക്കുന്നതിനു മുന്നേ തന്നെ വട്ടം കറക്കി വലിച്ചെറിഞ്ഞു

അയാൾ മറിഞ്ഞു കിടക്കുന്ന ജെ സി ബി യുടെ ലോഡറിൽ പോയി തലയിടിച്ചു വീണു

അയാൾ ഒരു പോര് കാളയെ പോലെ വീണ്ടും അവിടെ നിന്നും എഴുന്നേറ്റു വന്നു

ആദിയുടെ മുന്നിൽ ചെന്ന് അവൻറെ കഴുത്തിൽ തൊണ്ടയിൽ ഇരുവശത്തുമുള്ള മർമ്മഭാഗത്തു മുറുകെ പിടിച്ചു

ആദി ഒരടി പിന്നിലേക്കു വെച്ച് കൈ താഴെക്കൂടെ ഉയർത്തി പൊക്കി അയാളുടെ നെറ്റിയിൽ ആഞ്ഞടിച്ചു

ആ അടിയിൽ അയാൾ നിലത്തേക്ക് വീണു , വീണ്ടും മുകളിലെക്കു നിവർന്നു വന്നു ആദിയുടെ കണ്ണിനു കീഴെ അയാൾ ചൂണ്ടുവിരലും നടുവിരലും പിണച്ചു കയറ്റാൻ നോക്കിയപ്പോ അവൻ  വേഗം തല തിരിച്ചു ഇടം കൈ കൊണ്ട് അയാളുടെ കൈയിനെ കുടുക്കിട്ടു കറക്കി വലം കൈ കൊണ്ട് ഹൃദയ മർമ്മത്തിൽ ആഞ്ഞു പ്രഹരിച്ചു , അതിവേദനയോടെ അയാൾ തളർന്നു താഴേക്ക് വീണപ്പോളും വെട്ടിത്തരിഞ്ഞു കാലുകൊണ്ട് ആദിയുടെ നെഞ്ചിനും വയറിനും ഇടയിലായി കാൽകുത്തി കയറ്റി തിരിച്ചു, ആ കാല്‍ ഒരുവട്ടം കൂടി തിരിഞ്ഞു കയറിയാല്‍ ഉടനടി മരണം

 

ആദി ശ്വാസം എടുത്തു ,

വയറിലെ പേശികള്‍ ബലപ്പെടുത്തി

ശക്തിയില്‍ കരുവാടിയുടെ കാലില്‍ പിടിച്ച് ഉപ്പൂറ്റിക്ക് മുകളിലായി വിരലമര്‍ത്തി മര്‍മ്മസ്ഥാനത്ത് പിടിച്ച് അയാളുടെ കാലിന്‍റെ ബലം കുറച്ചു , ആ കാലില്‍ മുറുകെ പിടിച്ച് അയാളുടെ ശരീരത്തെ മുകളിലേക്ക് ഉയര്‍ത്തി വലിച്ചെറിഞ്ഞു

അയാള്‍ അവിടെയുള്ള വിളക്ക്പോസ്റ്റില്‍ ഇടിച്ചു പുറം ഇടിച്ചു നിലത്തെക്കു വീണു.

എന്നിട്ടും അയാള്‍ എഴുന്നേറ്റു

ആദി അവിടെ നിന്നു കൊണ്ട് മുന്നോട്ടേക്കു ഓടി മുന്നിലേക്ക് ചാടി തന്‍റെ തല കൊണ്ട് അയാളുടെ നെഞ്ചില്‍ ആഞ്ഞിടിച്ചു

ശക്തമായ ആദിയുടെ പ്രഹരത്തില്‍

“ആ ,,,,,,,,,,,,,,,,,,,,,,,,,,,,,,,,,,,,,,,,,,,” എന്നയാളുടെ അല൪ച്ച ഉയർന്നു

“ഹ ഹ ഹ ഹ ,,,,,,,,,,,,,,,,,,,,,,,,,,,,,,,,,”ആദിശങ്കരൻ അട്ടഹസിച്ചു

അവൻ അവിടെ നിന്ന് കൊണ്ട് ഇരുഇടുപ്പിലും കൈവെച്ച് ഒരു വീരഭാവത്തിൽ നിന്നു

ആദി  വീണു കിടക്കുന്ന ദൊരൈസാമി കരുവാടിയുടെ അടുത്തേക്ക് ചെന്നു

അവിടെ നിന്ന് കൊണ്ട് നോക്കി

അവശരായി കിടക്കുന്ന അയാളുടെ മക്കളായ വരദരാജനും ഇളങ്കോവനും പിന്നെ സഹോദരി പുത്രൻ അൻപ്ശെൽവനും

 

ആദിയ്ക്ക് ആ സമയത്തു വല്ലാത്തൊരു ക്രോധം ആയിരുന്നു

അവന്‍ താന്‍ ധരിച്ചിരുന്ന ജീന്‍സ് ഊരി മാറ്റി

തന്‍റെ അടിവസ്ത്രം കൂടെ ഊരി മാറ്റി പരിപൂര്‍ണ്ണനഗ്നനായി മാറി

നിര്‍വ്വാണരൂപമാ൪ന്ന ആദിയോഗിയെ പോലെ അഘോരിയെ പോലെ ,,,,,,,,,,,,,,,,,

ആദിശങ്കര൯  ചുറ്റിക കൈയിൽ എടുത്തു

എല്ലാം തച്ചു തകര്‍ക്കാനുള്ള ഉഗ്രകോപം മാത്രം

അവന്‍ പൂര്‍ണ നഗ്നനായി തന്നെ ചുറ്റികയും ഏന്തി,  ഉയര്‍ന്നു നില്‍ക്കുന്ന ഒരു പാറയുടെ അടുത്തേക്കു നടന്നു.

തന്‍റെ കോപം  തീരുന്നതു വരെ ആ വലിയ പാറയിൽ ചുറ്റുമായി  മുകളിലും  വശങ്ങളിലും കീഴിലും അടിച്ചു കൊണ്ടിരുന്നു.

ഇടക്ക് അസ്തമയസൂര്യനെ നോക്കി കൊണ്ടിരുന്നു

അവന്‍റെ ദേഹത്ത് നിന്നും  ഉറച്ച പേശികളിലൂടെ വിയര്‍പ്പൊഴുകുകയായിരുന്നു.

ആ സമയം അന്തരീക്ഷം  വീണ്ടും ഇരുണ്ടു തുടങ്ങി

 

അവന്‍ ശക്തിയോടെ ആ പാറയുടെ മുകളിലായി ചുറ്റിക കൊണ്ട് പ്രഹരിച്ചു

 

അതോടെ വശങ്ങളില്‍ നിന്നും കീഴ്ഭാഗത്ത് നിന്നും പാറയുടെ ഭാഗങ്ങള്‍ അടര്‍ന്ന് വീണു

മഹാദ്ഭുതം എന്ന പോലെ ആയിരുന്നു

പ്രഹരം ഏറ്റുവാങ്ങിയ ആ പാറ ഒരു ശിവലിംഗരൂപമാ൪ന്നതായി മാറി

ആദി അല്പം നേരം ആ ശിവലിംഗത്തെ നോക്കി നിന്നു

“ആ ,,,,,,,,,,,,,,,,,,,,,,,,,,,,,,,,,” എന്നലറി അവ൯ കൈയ്യിലെ ചുറ്റിക വലിച്ചെറിഞ്ഞു

ചുറ്റിക തെറിച്ചു പോയി ക്വാറിയിലെ ജലാശയത്തില്‍ വീണു

എന്നിട്ട് പൂര്‍ണ്ണ നഗ്നനായി തന്നെ അവന്‍ ദൊരൈസാമി കരുവാടിയുടെ അടുത്തെക്കു നടന്നടുത്തു.

പാറയില്‍ വീണു കിടന്ന ദൊരൈസാമി കരുവാടിയുടെ മേല്‍മുണ്ട് അവന്‍ കുനിഞ്ഞു കൈയ്യില്‍ എടുത്തു

അത് തന്‍റെ അരയില്‍ വലിച്ചു ലങ്കോട്ടി പോലെ വലിച്ചു കെട്ടി

മുടി കൈകള്‍ കൊണ്ട് കോതി ഒതുക്കി അവ൯ കരുവാടിയുടെ മുന്നിലായി നിന്നു

“എന്‍റെ കുടുംബത്തോടും ,,,,,,,എന്‍റെ രക്തങ്ങളോടും കാലങ്ങളായി പക മനസ്സില്‍ വെച്ചത് ,,,നീ ചെയ്ത തെറ്റ് ,,,,

ഭാര്‍ഗ്ഗവരാമന്‍റെ  ഉല്‍സവം തടയാന്‍ നോക്കിയതും എന്‍റെ കുടുംബത്തെ ഭീഷണിപ്പെടുത്തി സ്വത്ത് അപഹരിക്കാന്‍ നോക്കിയത് നീയും നിന്‍റെ മക്കളും ചെയ്ത കുറ്റം

…….ഹ ഹ ഹ ഹ അവനൊന്നു പൊട്ടിചിരിച്ചു