അപരാജിതന്‍ 18 [Harshan] 10285

 

“ആ ,,ഇപ്പോ ശരി ആയില്ലേ ”

 

“ഉവ്വ് ,,,,ഒക്കെ റെഡി ആക്കി ,,,,അപ്പൊ അപ്പുവും പാറുവും ബുദ്ധമതവും ആയി യാതോരു ബന്ധവും ഇല്ല ”

 

“ഇല്ല ,,,,,എന്‍റെ  അറിവിൽ ഇല്ല ”

 

“എന്നാ കഥ തുടങ്ങിക്കോ ചിന്നു ചേച്ചി ”

മനു ,,,”
“എന്താ ചേച്ചിയെ ”
“അപ്പുവിലേക്കു പോകുന്നതിനു മുന്നേ മറ്റു ചില കാര്യങ്ങളിലേക് പോകാൻ ഉണ്ട് ,,”
“അല്ല ,,,അപ്പുവിന്‍റെ  കഥയുമായി ബന്ധം ഉണ്ടോ ,,ഇനി പറയാൻ പോകുന്ന കാര്യങ്ങൾക്?”
“അങ്ങനെ ചോദിച്ചാൽ പൂർണ്ണമായും ബന്ധം ഒന്നും ഇല്ല ,,പക്ഷെ ചില അറിവുകൾ ആണ് ,, ആ അറിവുകൾക്ക് ചെറുതായി സ്ഥാനം ഉണ്ട് എന്ന് കൂട്ടിക്കോ ”
“ആയിക്കോട്ടെ ,,,”

“മനു ,,,ഇത് പുരാണവും ആയി ബന്ധമുള്ളതാണ് ”
“ആണോ ,,,അതൊക്കെ എനിക്ക് ഒരുപാട് ഇഷ്ടമാ ,,എന്ന ചേച്ചി പറഞ്ഞോ ”

മനു ,,ജയവിജയന്മാരെ കുറിച്ച് കേട്ടിട്ടുണ്ടോ ?”
“ഉണ്ടോന്നോ ,,,,എന്‍റെ  വീട്ടിൽ പപ്പയുടെ അടുത്ത് എന്തോരം കാസറ്റുകൾ ആണ് ,,,എന്‍റെ  പപ്പ വലിയ ഫാൻ ആണ് അവരുടെ എത്ര പാട്ടുകൾക്കാ അവര് സംഗീതം കൊടുത്തിരിക്കുന്നേ,,, വിഷ്ണു മായയിൽ പിറന്ന വിശ്വ രക്ഷക ”

“മനു ,,,അവർ സംഗീതജ്ഞർ അല്ലെ ,,അവരുടെ കാര്യം അല്ല ഞാൻ പറഞ്ഞത് ,,, ഞാൻ പറഞ്ഞത് പുരാണത്തിലെ ജയവിജയ൯മാർ ,,അവർ വൈകുണ്ഠത്തിൽ മഹാവിഷ്ണുവിന്‍റെ  ദ്വാരപാലക൪ ആയിരുന്നു ”

“ഓ ,,,സോറി ചേച്ചി ,,,അതെനിക്ക് അറിയില്ലായിരുന്നു ,, ഞാൻ കേട്ടിട്ടില്ല ,,, ”

“ആ എന്നാ ഇപ്പോ കേട്ടോ ,, ഈ ജയ വിജയൻ മാർ സഹോദരങ്ങൾ ആയിരുന്നു ,,അതുപോലെ അതിശക്തരും,,വൈകുണ്ഡത്തിന്‍റെ  കാവൽ ആയിരുന്നു അവരുടെ കർമ്മവും ,,,അങ്ങനെ ഒരുനാൾ ബ്രഹ്‌മാവിന്‍റെ  മാനസപുത്രന്മാരായ സനകാദിക ഋഷിമാർ ( സനക , സനന്ദ , സനാതന , സനത്കുമാര൯മാർ ) വിഷ്ണുവിനെ ദർശിക്കുവാൻ ആയി വൈകുണ്ഠത്തിൽ വന്നു,

 

സനകഋഷിമാർ തപോബലം കൊണ്ട് അഞ്ചു വയസ്സുള്ള ബാലകന്മാരുടെ രൂപത്തിൽ ആയിരുന്നു

അവരെ ജയവിജയന്മാർക്കു മനസ്സിലായിരുന്നില്ല

അവർക്കു ഉള്ളിലേക്ക് പ്രവേശനം നിഷേധിച്ചു

കോപിഷ്ഠരായ അവർ ജയവിജയ൯മാരെ ശപിച്ചു

ദ്വാരപാലകവൃത്തിയിൽ നിന്നും ഒഴിവായി ഭൂമിയിൽ പോയി ജനിക്കാൻ ഇടവരട്ടെ എന്ന്

ശാപം കിട്ടിയപ്പോൾ അവരിരുവരും ആ ഋഷിമാരുടെ കാലിൽ വീണു മാപ്പു ചോദിച്ചു

ദയ തോന്നിയ ഋഷിമാർ അവർക്കു ഒരു ശാപമോക്ഷം കൊടുത്തു

 

“ഒന്നുകിൽ വിഷ്ണുഭക്തരായി ഏഴു ജന്മങ്ങൾ ഭൂമിയിൽ ജനിച്ചു മരിക്കാൻ ജീവിക്കാൻ തിരഞ്ഞെടുക്കാം അല്ലെങ്കിൽ മഹാവിഷ്ണുവിന്‍റെ  ശത്രുക്കൾ ആയി മൂന്ന് ജന്മങ്ങൾ ജനിച്ചു ഭഗവാന്‍റെ  കൈകളാൽ മരണം ലഭിച്ചു മോക്ഷം ലഭിക്കുന്ന മാർഗ്ഗം തിരഞ്ഞെടുക്കാം എന്ന് ”

 

“എന്നിട്ടു അവരെന്താ തെരഞ്ഞെടുത്തത് ?” ആകാംഷയോടെ മനു ചോദിച്ചു

 

“അവരോ ,,,അവർ രണ്ടാമത്തെ മാർഗ്ഗം തെരഞ്ഞെടുത്തു ,,അതായതു ഭഗവാന്‍റെ  ശത്രുക്കളായി ജനിച്ചു ഭഗവാന്‍റെ  കൈകളാൽ തന്നെ മരിക്കുവാൻ ,,അതാകുമ്പോ മൂന്ന് ജന്മ൦ മാത്രം ജനിച്ചാൽ മതിയല്ലോ ,,”

 

“അത് കലക്കി ,,എന്നിട്ട് ”

 

“എന്നിട്ടെന്താ ,,ശാപം കിട്ടിയ അവർ ഭൂമിയിലേക്ക് പതിച്ചു

അങ്ങനെ സത്യയുഗത്തിൽ ജയൻ ഹിരണ്യാക്ഷനായും വിജയൻ ഹിരണ്യാക്ഷന്‍റെ  അനിയനായ ഹിരണ്യകശിപുവും ആയി ജനിച്ചു

 

ഹിരണ്യാക്ഷൻ ഭൂമിദേവിയെ പാതാളത്തിലേക്കു കടത്തി കൊണ്ട് പോയി

മഹാവിഷ്ണുവിന്‍റെ  പത്നി തന്നെ ആണ് ഭൂമി ദേവി

ഒടുവിൽ ഭൂമി ദേവിയെ മോചിപ്പിക്കുവാൻ വിഷ്ണു വരാഹ അവതാരം എടുത്തു

എന്നിട്ടു ഹിരണ്യാക്ഷനെ കൊന്നു ദേവിയെ വീണ്ടെടുത്തു

സഹോരദരനെ വധിച്ച മഹാവിഷ്ണുവിനോട് പക ഉണ്ടായ ഹിരണ്യകശിപു ബ്രഹ്മാവിനെ തപസ് ചെയ്തു അമരത്വം ചോദിച്ചു അത് മൂപ്പര് ആർക്കും കൊടുക്കില്ല ,, പകരം ഇഷ്ടമുള്ള രീതിയിലെ മരണം വരമായി ചോദിക്കുവാൻ ആവശ്യപ്പെട്ടു , അങ്ങനെ ഹിരണ്യ കശിപു വരം നേടി , തന്‍റെ  മരണം പകലോ രാത്രിയോ ആകരുത് , കൊട്ടാരത്തിനു അകത്തോ പുറത്തോ ആകരുത് , ലോഹമോ മരമോ കല്ലോ കൊണ്ടുള്ള ആയുധം കൊണ്ടാകരുത് മനുഷ്യനെ കൊണ്ടോ മൃഗത്തെ കൊണ്ടോ ആകരുത് ,,, എന്ന് …ആ വരം ബ്രഹ്‌മാവ്‌ കൊടുത്തു ,,അതോടെ അയാൾ അഹങ്കാരിയും പേടി ഇല്ലാത്തവനും ആയി സകലരെയും ഉപദ്രവിച്ചു ,,പ്രത്യേകിച്ചും വിഷ്ണു ഭക്തരെ ,,, ഹിരണ്യ കശിപുവിന് ജനിച്ച മകൻ പ്രഹ്ലാദൻ വിഷ്ണു ഭക്തനായി മാറി ,, ഒടുവിൽ തന്‍റെ  മകനെ കൊല്ലാൻ ആയി തുനിഞ്ഞപ്പോൾ മഹാവിഷ്ണു നരസിംഹമായി അവതരിച്ചു

രാത്രിയും പകലുമല്ലാത്ത സന്ധ്യ സമയത്ത് കൊട്ടാരപടിയിൽ ഇരുന്നു തന്‍റെ  നഖങ്ങൾ കൊണ്ട് വയറു കീറി ഹിരണ്യകശിപുവിനെ വധിച്ചു, അതോടെ അവരുടെ ഒന്നാം ജന്മത്തിൽ ജയവിജയന്മാർക്കു മോക്ഷം ലഭിച്ചു ”

 

“ഈ കഥ ഒക്കെ അറിയാം പക്ഷെ ഇതിനു പുറകെ ഇങ്ങനെ ഒരു ഐതിഹ്യം ഉണ്ടെന്നു അറിയില്ലായിരുന്നു ,,ചിന്നു ചേച്ചി ,,,”

 

“ആ ,,,അങ്ങനെ സത്യയുഗം കഴിഞ്ഞു , ത്രേതായുഗം തുടങ്ങി , അവിടെ അവർ ജനിച്ചത് രാവണനും കുംഭകർണ്ണനും ആയിട്ടായിരുന്നു,, അവർ ഇരുവരും മഹാവിഷ്ണുവിന്‍റെ  അവതാരമായ ശ്രീരാമന്‍റെ  കൈയ്യാൽ കൊല്ലപ്പെട്ടു , അതോടെ ഇരുവർക്കും രണ്ടാം ജന്മത്തിലും ശാപമോക്ഷം ലഭിച്ചു ”

 

“ആഹാ രാവണന് ഇങ്ങനെയും ചരിത്രം ഉണ്ടോ ,,,?”

“എല്ലാം ഓരോ കഥകളോ ,,വിശ്വാസങ്ങളോ അല്ലെ ,,മനു ”

 

“അപ്പോ മൂന്നാമത്തെ ജന്മമോ ”

 

“മൂന്നാമത് ദ്വാപരയുഗത്തിൽ ആണ് ഇരുവരും ജനിച്ചത് ജയൻ ശിശുപാലൻ ആയി , വിജയൻ ദന്തവക്രനും

യാദവ മുഖ്യൻ ആയിരുന്ന ശൂരസേനന്‍റെ  മക്കൾ ആയിരുന്നു വസുദേവർ ,പൃഥ   ശ്രുതശ്രവ ശ്രുതദേവ ശ്രുതകീർത്തി , രാജാധിദേവി

പൃഥയെ മക്കൾ ഇല്ലാതിരുന്ന  തന്‍റെ  സഹോദരനായിരുന്ന കുന്തിഭോജന് സമ്മാനിച്ചു , അതോടെ പ്രീത കുന്തി എന്ന പേരിൽ അറിയപ്പെട്ടു ,  കൃഷ്ണന്‍റെ  അച്ഛൻ ആയിരുന്നു വസുദേവർ

സാഹോദരിയായ ശ്രുതശ്രവ , യാദവനായിരുന്ന ദാമഘോഷനെ വിവാഹം കഴിച്ചു

അതിൽ ഒരു മകൻ ജനിച്ചു , മൂന്നു കണ്ണുകളും നാലു കൈകളോടും കൂടിയ ഒരു കുട്ടി

അവരതിനെ നിഗ്രഹിക്കാൻ നോക്കിയപ്പോൾ ഒരു അശരീരി ഉയർന്നു

“ഈ കുട്ടിയെ അതിന്‍റെ  നിയോഗം പൂർത്തീകരിക്കാൻ അനുവദിക്കുക , ആരുടെ മടിയിൽ ഇരിക്കുമ്പോൾ ആണോ ഈ കുട്ടി സാധാരണ രൂപത്തിലേക്ക് വരുന്നത്  അയാളാൽ തന്നെ ഈ കുട്ടി കൊല്ലപെടും ” എന്ന് പറഞ്ഞു

അതായിരുന്നു ജയന്‍റെ  മൂന്നാം ജനനം

അതുപോലെ ശ്രുതദേവയ്ക്ക് ജനിച്ച മകൻ ആണ് ദന്തവക്രൻ , വിജയൻറെ ജന്മം.

അങ്ങനെ കൃഷ്ണൻ തന്‍റെ  സഹോദരനായ ശിശുപാലനെ  കാണുവാൻ വന്നു

ആ കുട്ടിയെ മടിയിൽ ഇരുത്തി

അതോടെ ആ കുട്ടി രണ്ടു കണ്ണുള്ളവനും രണ്ടു കൈ ഉള്ളവനും ആയി മാറി

പക്ഷെ ഇത് കണ്ട ശ്രുതശ്രവ  കണ്ണനോട് അപേക്ഷിച്ചു

തന്‍റെ  മകന്‍റെ  നൂറു തെറ്റുകൾ പൊറുത്തു കൊടുക്കണം എന്ന്

കൃഷ്ണൻ അതും സമ്മതിച്ചു

Pages 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72