അപരാജിതന്‍ 18 [Harshan] 10288

 

 

അയാൾ നല്ലപോലെ ഭയന്നിരുന്നു

നിലവറയിൽ എന്തൊക്കെയോ തകരുന്ന ശബ്ദം കേട്ടു

 

കുറച്ചു കഴിഞ്ഞപ്പോൾ എല്ലാം ശാന്തമായി

 

“തെറ്റ് പറ്റിപ്പോയി ,,,ആ യുവാവ് ,,, അവൻ മരണം ആണ് ,, അവനെ ആഭിചാരങ്ങൾക്കൊന്നും ചെയ്യാൻ സാധിക്കില്ല ,, മരണത്തെ മാരണം ചെയ്യാൻ സാധിക്കില്ല ,,,” അയാൾ ഭയത്തോടെ പറഞ്ഞു

 

അതുകേട്ടു ഗീതാഞ്ജലിയും സുപ്രിയയും പരസ്പരം നോക്കി

 

“അവൻ നിങ്ങൾക്കൊരു എതിരാളി അല്ല ,, അവനെ മറന്നേക്കുക ,, പക്ഷെ നിങ്ങളുടെ ശത്രുക്കൾ ആരാണോ അവർക്കെതിരെ ചെയ്ത എല്ലാ കർമ്മവും വിജയം ആണ് ,,, ആ പെൺകുട്ടിയെ വേണ്ട സമയത്തു തന്നെ ആഭിചാരം  ആവേശിച്ചോളും ,,, അത് അഹ്‌റിമാൻ തന്നെ ഉറപ്പു വരുത്തും ,,,അതിൽ ആശങ്ക വേണ്ട ,,

എന്‍റെ പ്രതിഫലം തരൂ ,,,,,,,,,,,,”

 

ഗീതാഞ്ജലി കൈയിൽ കരുതിയ ബാഗിൽ നിന്നും ആയിരത്തിന്‍റെ അഞ്ചു കെട്ടുകൾ അയാളുടെ കൈവശം കൊടുത്തു

 

അയാളത് ആ വൃദ്ധയായ സ്ത്രീയെ ഏൽപ്പിച്ചു

 

എനിക്ക് നിങ്ങളോടു ഒരു രഹസ്യം കൂടെ പറയാൻ ഉണ്ട്

അയാൾ സുപ്രിയയുടെ കാതിലായി ഒരു കാര്യം പറഞ്ഞു

അത് കേട്ട് സുപ്രിയ ഭയത്തിലായി

 

“കൂട്ടുകാരിക്ക് പറഞ്ഞു കൊടുക്ക് ” അയാൾ നിർദേശിച്ചു

ഗീതാഞ്ജലിയുടെ കാതിൽ സുപ്രിയ അയാൾ പറഞ്ഞ രഹസ്യം പറഞ്ഞു കൊടുത്തു.

വിറയലോടെ ആണ് അവൾ അത് കേട്ടിരുന്നത്

 

“അപ്പോൾ എനിക്ക് ഞാൻ ആഗ്രഹിക്കുന്നത്  കാണാൻ ഭാഗ്യം ഇല്ലാ എന്നാണോ ”

അവൾ ചോദിച്ചു

 

ബസ്തവർ പറഞ്ഞു “നിങ്ങളുടെ മുന്നിൽ ദൃഷ്ടാന്തം ആയി അഹ്‌റിമാൻ തെളിയും അപ്പോൾ യുക്തമെന്നു നിങ്ങൾക്ക് തോന്നുന്നത് ചെയ്യാം ,,,ഇനി ഇവിടെ നിൽക്കണ്ട ,,,,പോ ,,,,,,,,,,,,,,,,”

 

ഗീതാഞ്ജലിയും സുപ്രിയയും വേഗം തന്നെ ബംഗ്ളാവിൽ നിന്നും പുറത്തേക്കിറങ്ങി

 

“എനിക്ക് കാണണം , നേരിൽ കാണാൻ വേണ്ടിയാണ് ഞാൻ ഇത്രയും കഷ്ടപെട്ടത് ,,ഞാൻ കാണും ,,,,,”

ഗീതാഞ്ജലി ഒരു മനോരോഗിയെ പോലെ പുലമ്പികൊണ്ടു നടന്നു

 

(41)

 

“അപ്പു അണ്ണേ ,,,,,,അപ്പു അണ്ണേ ,,,എന്തിരുങ്കോ ”

ശപ്പുണ്ണി അപ്പുവിനെ തട്ടി വിളിച്ചു

അപ്പു ഉണർന്നു

“ഞാൻ ,,,ഞാൻ എന്താ ഇവിടെ ,,,?”

“തണ്ണി കുടിക്കരുതുക്ക് താനേ നീങ്ക ഇങ്കെ വൻതോം ,,എന്നാച് അപ്പു അണ്ണേ ‘

അപ്പു ചാടി എഴുന്നേറ്റു

ഇല്ല ഒരു കുഴപ്പവും ഇല്ല

അവൻ വേഗം കൈയും കാലും മുഖവും ഒക്കെ കഴുകി

നേരത്തെ ഒരു ക്ഷീണം തോന്നിയിരുന്നു

ഇപ്പൊ ഒരു കുഴപ്പവും ഇല്ല ,,,,

“ഒന്നുമില്ലെടാ ,,,ഞാൻ ഉറങ്ങി പോയീന്നാ തോന്നുന്നേ ,,നീ വാ ”

അപ്പു ശപ്പുണ്ണിയെയും കൂട്ടി നേരെ ജീപ്പിന്‍റെ അടുത്തേക്ക് ചെന്നു

ശപ്പുണ്ണി തന്നെ ജീപ്പ് എടുത്തു

അവർ നേരെ ഭാർഗ്ഗവ ഇല്ലത്തേക്ക് പുറപ്പെട്ടു

 

ഇല്ലത്തെത്തി അവര്‍ സാധനങ്ങള്‍ ഒക്കെ ഇറക്കി

അപ്പു അതില്‍ ഒന്നു രണ്ടു കവറുകള്‍ നേരെ തന്‍റെ റൂമിലേക്ക് എടുത്തു

വിരുന്നുകാർക്ക് കൊടുക്കാൻ വേണ്ടിയിരുന്ന നല്ല വിലകൂടിയ വിദേശമദ്യങ്ങൾ ആയിരുന്നു

അപ്പു അത് വേഗം കൊണ്ട് വന്നു അലമാരയിൽ എടുത്തു വെച്ചു

 

അപ്പോളേക്കും വൈഗ അവന്‍റെ റൂമിലേക്കു വന്നു

“മാമ ,,,,,,,,,,,,,,,” കൊഞ്ചലോടെ അവൾ അവനെ വിളിച്ചു

അപു ഞെട്ടി തിരിഞ്ഞു

“എന്നാ ,,,മാമാ ,,,,,,,,,,,,,,”

“ഒന്നൂല്ല ”

“ഉങ്കൾ കയ്യിലെ നാൻ രണ്ടു പൊതി പാത്താച്ചേ ,,എന്നാ അത് ?”

“ഒന്നൂല്ല മോളെ ”

“അല്ലൈ ,,,എന്നവോ ഇറുക്കെ അതിലെ ,, ?”

“ഒന്നൂല്ല മോളെ ,,,”

“എനക്ക് പാക്കണോം ,,,”അവൾ വാശി പിടിച്ചു

അവൻ കാര്യം പറഞ്ഞു

“അവൾ ചിരി തുടങ്ങി ,,ഓ അതുവാ ,,നീങ്ക കുടിക്ക വേണ്ടാം ”

“ഇല്ല ഞാൻ കുടിക്കില്ല ”

 

എന്നാലും അവളതു കാണാൻ വേണ്ടി വാശി പിടിച്ചു

ഒരു നിവൃത്തിയും ഇല്ലാതെ അവൻ അലമാര തുറന്നു കവർ പുറത്തേക് എടുത്തു

കവറിനു ഭാരം ഇല്ല

അവനു സംശയം തോന്നി കവർ തുറന്നു

നോക്കുമ്പോ അതിൽ കുപ്പി മാത്രമേ ഉള്ളു മദ്യം ഇല്ല

മദ്യം ആവിയായി പോയോ ,,അവൻ കുപ്പി നല്ലവണ്ണം നോക്കി

കുപ്പി പൊടിച്ചിട്ട് പോലും ഇല്ല

 

“എന്ന മാമാ ഇത് ,,ഇന്ത കാലികുപ്പി വാങ്കരുതുക്കാ ഇവളോ ദൂരം പോയാച്ചാ ?”

“അല്ല എന്നാലും ഇതിലെ സാധനം എവിടെ ? അവൻ സ്വയം ചോദിച്ചു

അവൾ അവന്‍റെ ദേഹത്തേക്ക് ചേർന്ന് നിന്നു

 

“മാമോ ,,,ഒരു വിഷയം സൊല്ലട്ടുമാ ”

“ആ പറയു ”

“ഉങ്കൾ റൂമുക്കുള്ളെ പേ ഇറുക്,,പിസാസ് ഇല്ലെയാ ,,നാൻ ഒരു ലൈറ്റ് ഒക്കെ പാത്തിട്ടേ൯ ”

അപ്പോളേക്കും താഴെ നിന്ന് നളിനി വൈഗയെ വിളിച്ചു

അവൾ അങ്ങോട്ടേക്ക് ഇറങ്ങി

 

അപ്പു വേഗം വാതിൽ അടച്ചു

പെട്ടെന്ന് ഒരു തോന്നൽ തോന്നി

ഡ്രോവർ തുറന്നു

 

അതിൽ പല കളറുകളിൽ മിന്നി മിന്നി പ്രകാശിക്കുന്ന  നാഗമണി

 

“ആശാനേ ,,,,,,,,,,ആശാനാണോ ആശാനേ ,,,ഈ പണി ചെയ്തത് ?”

അവൻ കുപ്പി ഉയർത്തി ചോദിച്ചു

നാഗമണി ഒന്നും അറിയാത്ത പോലെ ചുവന്നു മിന്നി

 

“ആശാനേ ,,,,കുപ്പി പൊട്ടിക്കാതെ ഇതിലെ ഒരു തുള്ളി പോലും ബാക്കിവെക്കാതെ ഈ പണി ചെയ്യാൻ ഇവിടെ വേറെ ആരാ ,,,,,,,,,സത്യം പറ ആശാനേ ,,,”

 

“ഏയ് ,,,,ഞാൻ അങ്ങനെ ചെയ്യുമോ ,? എന്നുള്ള അർത്ഥത്തിൽ മൂപ്പർ ചെറുതായി ഇളം ചുവപ്പു നിറത്തിൽ മിന്നി ”

 

“ആശാനേ ,,,,ഇത് ആശാൻ തന്നെയാ ,,,,,ഇരുപതിനായിരം രൂപയുടെ മദ്യം ആയിരുന്നു ,,, അതും വിദേശ മദ്യം ,,, ഏഴു കുപ്പി ,,എന്നാലും എന്നോട് ഈ പണി വേണ്ടായിരുന്നു ആശാനേ ,,,,”അവൻ വിലപിച്ചു

 

“സത്യ൦ പറ ആശാനെ ,,,,ഈ പണി ചെയ്തത് ആശാനല്ലേ ?”

 

ഗത്യന്തരമില്ലാതെ നാഗമണി പതുക്കെ ,,,ഒന്ന് നീലനിറത്തിൽ മിന്നി ,,,, സമ്മതിച്ചു

 

“ആശാനേ ,,ഇമ്മാതിരി ചെറ്റപരിപാടി ചെയ്യരുത്,, ഒരിക്കലും ചെയ്യരുതായിരുന്നു ,,, എനിക്ക് മര്യാദക്കു ആശാൻ കുടിച്ചത് തിരിച്ചു തന്നോ ,,,,,” അപ്പു വാശി പിടിച്ചു

 

നാഗമണി തരൂല്ല എന്ന് ചുവന്നു പ്രകാശിച്ചു പറഞ്ഞു

“തരണം”

“തരൂല്ല” ചുവന്ന പ്രകാശം

“തരണം”

“തരൂല്ല” ചുവന്ന പ്രകാശം

 

ഒടുവിൽ രണ്ടു പേരും കൂടെ  പേശി പേശി ഒടുവിൽ മൂന്നു കുപ്പികൾ നിറച്ചു തരാം എന്ന് ആശാൻ ഉറപ്പ് കൊടുത്തു

 

അപ്പു  നോക്കിയപ്പോ ,,മൂന്ന് കുപ്പിയിൽ മദ്യം നിറഞ്ഞിരിക്കുന്നു

പതിനായിരം രൂപയുടെ മദ്യം തിരിച്ചു കിട്ടി

“എന്നാലും ആശാനേ പതിനായിരം രൂപയുടെ മദ്യം നിങ്ങളുടെ ഉള്ളിൽ ആണല്ലോ ..”

 

ആശാൻ ഒന്നു നീലച്ചു പ്രകാശിച്ചു

പിന്നേയും പല കളറുകളില്‍ പ്രകാശിച്ചു മത്തു പിടിച്ച് ഇരുന്നു

 

അപ്പു  മദ്യ കുപ്പി  ശപ്പുണ്ണിയുടെ മുറിയിൽ കൊണ്ട് വെച്ചു

എന്നിട്ടു വീണ്ടും വണ്ടി എടുത്തു പുറപ്പെട്ടു , ബാക്കി  വാങ്ങാൻ

 

മണിഏട്ടൻ അറിഞ്ഞാ തന്നെ ചവിട്ടി കൂട്ടും എന്ന് നല്ല പേടി അവനുണ്ടായിരുന്നു

നാഗമണിയുടെ ഓരോ വിക്രിയകളെ,,,,,,,,,,,,,,,