അപരാജിതന്‍ 18 [Harshan] 10308

 

“ആ ,,, ഇന്നലെ ആയിരുന്നു ,, ആ തിമ്മയ്യന്‍റെ അനിയൻ ഇല്ലേ മാവീരൻ ,,അയാളു൦ കൂട്ടുകാരും കള്ളു കുടിച്ചു ജീപ്പിൽ പോവായിരുന്നു ,,, അപ്പോ പോകുന്ന വഴിക്കാണ് ആ ചെറുക്കൻ എതിർഭാഗത്തൂടെ പുല്ലും ചുമന്നു വന്നു കൊണ്ടിരുന്നത് ,, വണ്ടി ഓടിച്ചിരുന്ന മാവീരന് ഒരു കൗതുകം തോന്നി ,,ആ ചെറുക്കന്‍റെ ദേഹത്തേക് വണ്ടി ശക്തിയിൽ ഇടിച്ചു കയറ്റിയ ചാകുമോ എന്ന് ,, കള്ളിന്‍റെ ലഹരിയല്ലേ ,,,ആയിരം രൂപ

പന്തയം വെച്ചു ”

 

“എന്നിട്ട് ?”,,യതീന്ദ്രൻ ഭീതിയോടെ ചോദിച്ചു

“അവർ വണ്ടി തിരിച്ചു , എന്നിട്ടു ചെറുക്കനെ പുറകീന്നു കൊണ്ട് പോയി വണ്ടി ഇടിപ്പിച്ചു , ചെറുക്ക൯ മൂന്ന് മിനിറ്റ കൊണ്ട് ക്ളോസായി ,,,ആയിരം രൂപ മാവീരന് കിട്ടി ,,,”

 

യതീന്ദ്രൻ തലയ്ക്കു കൈ കൊടുത്തു

 

“ദൈവമേ ,,ഇതെന്തൊരു നാട് ,,,,,,,,,,,,,,,ഇത്രക്കും ദുഷ്ടന്മാരോ ,,,”

“ഓ ,,ഇതൊക്കെ എന്ത് ,,,”

“ആ കുട്ടി ഒരു പാവം ആയിരുന്നു ,,അതിന്‍റെ മുഖം ഇപ്പോളും കണ്ണീന്നു മായുന്നില്ല സാറേ ,,,”

യതീന്ദ്രൻ  ആകെ ദുഃഖിതനായി

അവനെ ചൂരല് കൊണ്ട് നിർത്താതെ അന്ന് തല്ലിയപ്പോ അവന്‍റെ അലർച്ച ഒക്കെ ഇപ്പോളും ഉള്ളിൽ ഉണ്ട്

 

“യതീന്ദ്ര ,,,,,,,,തിമ്മയ്യ൯ ,,,മാവീരൻ ,,കുലോത്തമൻ ,,,,അതിനും മുകളിൽ മഹാശയ൯ ,,ഇവർക്കൊക്കെ എന്തും ആകാം ,, ഇവരോട് എതിരിടാൻ തക്ക ഒരുത്തനും ഇവിടെ ഈ  നാട്ടിൽ ജനിച്ചിട്ടില്ല ,, അവരാണ് ശക്തർ ..അപ്പൊ നമ്മൾ ശക്തരോട് എന്നും പഞ്ചപുച്ഛമടക്കി നിൽക്കണം ,,പലതും കണ്ടില്ലാന്നു നടിക്കണം ,,അതുകൊണ്ടു നമുക്കും ഗുണമേ ഉണ്ടാവൂ ,,,”

 

യതീന്ദ്രന് മൗനം ആയിരുന്നു മറുപടി

അയാൾ കണ്ണ് തുടച്ചു

പകുതി നിർത്തിയ ഭക്ഷണം കൊണ്ടുപോയി കളഞ്ഞു

തൊണ്ടയൊക്കെ എരിയുന്ന പോലെ

 

“ആയിരം രൂപയുടെ പന്തയം ആയി അല്ലെ ,,ആ കുഞ്ഞിനെ ,,ഇല്ലായ്മ ചെയ്തത് ,,,ദുഷ്ടന്മാർ ,,എന്തിനാ ദൈവമേ ഇവന്മാരെ ഒക്കെ ഇങ്ങനെ നിർത്തിയിരുക്കുന്നെ ,,,ഇവരെ ഒക്കെ ഇല്ലാതെയാക്കാൻ നിയമത്തിനു ശക്തിയില്ല ..സ്വന്തം നിയമം നടപ്പിലാക്കുന്ന ആരേലും വരണം ,,, ” യതീന്ദ്രൻ പകയോടെ മനസ്സിൽ ചിന്തിച്ചു

 

“എടേ .,,യതീന്ദ്ര ,,,,,,”

“ദാ വരുന്നു സാർ ,,,”

യതീന്ദ്ര൯ അയാളുടെ സമീപം ചെന്നു

 

“തനിക്കിന്നു ചന്ദ്രവല്ലി ചന്തയിലാ ഡ്യൂട്ടി ,,,നേരെ അങ്ങോട്ടേക്ക് വിട്ടോ ,,,”

“ശരി സാർ ,,,”

യതീന്ദ്രൻ സല്യൂട് ചെയ്തു അവിടെ നിന്നും ഇറങ്ങി

നേരെ ചന്ദ്രവല്ലിയിലേക്ക്

 

<<<<<O>>>>>>

(60)

 

പ്രജാപതി രാജകൊട്ടാരത്തിന് വടക്കോട്ടു മാറി

വലിയ ഒരു  ചന്ദനതോട്ടം

അതിനു നടുവിലായി കൊട്ടാരത്തിലെ കുതിരകളെ പരിപാലിക്കുന്ന ലായം

അൻപതിനോടടുത്ത് കുതിരകൾ അവിടെയുണ്ട്

എല്ലാം പരിപാലനത്തിന്‍റെ മേന്മ കൊണ്ട് കരുത്തരും അജയ്യരും ആയ കുതിരകൾ.

 

കുതിരലായതിൽ ഒരു വശത്തായി വൈക്കോലും പുല്ലും കൂട്ടിയിട്ടിരിക്കുന്നു.

ലാടക്കാർ ചില കുതിരകളുടെ കുളമ്പു രാകി ഒരുക്കി ലാടം അടിച്ചു കൊണ്ടിരിക്കുന്നു

വെള്ളം നിറച്ചു വെച്ച വലിയ തൊട്ടികളിൽ നിന്നും കുതിരകൾ വെള്ളം കുടിക്കുന്നു

 

കുതിരകുളമ്പടി ശബ്ദം കേൾക്കുന്നു

തന്‍റെ പ്രിയപ്പെട്ട കുതിരയായ അശ്വവേദ൯ എന്ന വെള്ള കുതിരയുടെ പുറത്ത് യുവരാജാവായ സൂര്യസേനൻ പരിശീലനം നടത്തുകയാണ്

അതിവേഗത്തിൽ ആ കുതിര സൂര്യസേനനെയും വഹിച്ചു കൊണ്ട് അവിടെയുള്ള മൈതാനത്തിൽ ഓടുകയാണ്

 

മുന്നിൽ വെച്ചിരിക്കുന്ന മരപ്പലക കൊണ്ടുണ്ടാക്കിയ തടസ്സങ്ങളെ ചാടി മറികടന്നു കൊണ്ടാണ് ആ കുതിര ഓടുന്നത്

 

കുറച്ചു നേരം പരിശീലനത്തിനു ശേഷം സൂര്യ സേനൻ വിശ്രമത്തിനായി കുതിര പുറത്തു നിന്നും ഇറങ്ങി

കുതിരയുടെ മുതുകു തടവി കൊണ്ട് സൂര്യസേനൻ ലയത്തിനു അടുത്തുള്ള ഇരിപ്പിടത്തിൽ വന്നിരുന്നു

പരിചാരകർ അയാൾക്കുള്ള കുടിവെള്ളം കൊണ്ട് കൊടുത്തു

 

അപ്പോൾ ആണ് കുതിരലായത്തിന്‍റെ പുതിയതായി നിയമിക്കപെട്ട മേല്നോട്ടക്കാരൻ ജയന്തൻ അങ്ങോട്ട് വന്നത്

 

അയാൾ സൂര്യസേനനെ വണങ്ങി

 

“പറയു ,,,, ജയന്താ ,,,എന്താ വിശേഷം ”

 

“കൊച്ചു തമ്പുരാനേ ,,, കുവലയൻ,,, ദിനം ചെല്ലുംതോറും വെകിളി കൂടി വരികയാണ് , അവനെ അഞ്ചുപേരെങ്കിലും ഒത്തു പിടിച്ചാൽ മാത്രമേ നിയന്ത്രിക്കാൻ സാധിക്കൂ ,,, എന്‍റെ ഈ ഒരു ജോലിയിൽ ആദ്യമായി ആണ് ഇതുപോൽ ഭ്രാന്ത് പിടിച്ച ഒരു കുതിരയെ കാണുന്നത്

 

അതുകേട്ടു സൂര്യസേനന്‍റെ കുതിരയോട്ട പരിശീലകൻ ആയിരുന്ന ഗൗതമൻ പറഞ്ഞു

 

“ജയന്താ ,,, കുവലയൻ,, ഒരു സാധാരണ കുതിര അല്ല ,,, നൂറ്റാണ്ടുകളായി  ഇവിടെ ഉണ്ടായിരുന്ന കുതിര സമ്പത്തിൽ കുവലയന്‍റെ വംശാവലി എല്ലാം അങ്ങനെ തന്നെ ആണ് ,,കുവലയൻ പൂർവിക കാലത്തെ വർഗ്ഗം  ആണ് ,,  ആ കുതിരയുടെ വംശത്തിന്‍റെ പേര് തന്നെ കുവലയം എന്നാണു ,, നൂറ്റാണ്ടുകൾക്കു മുന്നേ ഹിമാലയമേഖലകളിൽ മാത്രം ഉണ്ടായിരുന്ന വിശേഷപെട്ട ഒരു കുതിര വർഗ്ഗം  , ആ വർഗ്ഗത്തിൽ പെട്ട കുതിരകളെ ഇന്നില്ല ,,  അതിനെ ഇണക്കാൻ അത്യന്തം പ്രയാസമാണ്,, ഇനി അഞ്ചോ പത്തോ പേര് ചേർന്ന് ഇണക്കി അവന്‍റെ മേലെ ജീനി വെച്ചാൽ പോലും അവനിൽ യാത്ര ചെയ്യുന്നവനെ മനഃപൂർവം അവൻ താഴെ ഇട്ടു മെതിക്കും ,, അവനെ നിയന്ത്രിക്കുക അസാധ്യം തന്നെയാണ് ,,ചവിട്ടി കൊല്ലാൻ അവനൊരു മടിയും ഇല്ല ,, അത്രക്കും ശക്തൻ ആണ് ,, എല്ലാവർക്കും അവ൯ മെരുങ്ങുകയും ഇല്ല ,,,നൂറ്റാണ്ടുകൾക്കു മുന്നേ യുദ്ധ ആവശ്യങ്ങൾക്ക് വേണ്ടി ഉപയോഗിച്ചിരുന്നതാണ് ഇവന്‍റെ വംശത്തെ  , ബുദ്ധിയിലും ശക്തിയിലും ശൗര്യത്തിലും മറ്റേത്‌ കുതിരകളേക്കാളും മുമ്പിലെ ഇവ൯ നിൽക്കൂ ,, ,, വീരനായ ഒരു രാജാവിന് കാര്യപ്രാപ്തിയുള്ള ഒരു  കുവലയ വർഗ്ഗത്തിലെ കുതിര മതി ,,,ഒരു യുദ്ധ൦ ജയിക്കുവാൻ ”

 

സൂര്യസേനൻ ഗൗതമനെ നോക്കി

 

“തമ്പുരാൻ തന്നെ രണ്ടു വട്ടം നോകിയതല്ലേ അവനെ ഇണക്കാൻ ,,എന്നിട്ടു സാധിച്ചോ ,,, ഇല്ല ,,, ഒടുവിൽ അവന്‍റെ തൊഴി കൊണ്ട് വീണു കാലിന്‍റെ എല്ലു പൊട്ടി കിടപ്പിലും ആയി ”

 

സൂര്യസേനൻ ഒന്നും മിണ്ടിയില്ല

 

അപ്പോളേക്കും നാല് ജോലിക്കാർ കയറിട്ടു പിടിച്ചു കുവലയനെ അങ്ങോട്ടേക്ക് കൊണ്ട് വന്നു

വെകിളി പിടിച്ച അവസ്ഥയിൽ ആയിരുന്നു

 

പാല് പോലെ വെളുത്ത നിറം

കരുത്തുറ്റ ശരീരം

സാധാരണ കുതിരകളെക്കാൾ ഒരല്പം ഉയരകൂടുതൽ

തലയെടുപ്പുള്ള ആകാരം

ഭംഗിയുള്ള കുഞ്ചിരോമങ്ങൾ

പെരുമാറ്റത്തിൽ ആർക്കും അടക്കാനാവാത്ത വന്യത

 

അവൻ ചിനച്ചു കൊണ്ട് മുൻകാലുകൾ പൊക്കി ഉയർന്നു പൊങ്ങി

 

എല്ലാവരും അവനെ തന്നെ നോക്കി നിന്നു