അപരാജിതന്‍ 18 [Harshan] 10305

(22)

അന്ന് കോളേജിൽ

 

ലഞ്ച് ബ്രെക്കിന്‍റെ സമയത്ത്

 

“പാറു ,,,എന്താ നിനക്ക് ഈയിടെ ആയി ഒരു വ്യത്യാസം പോലെ,,ഞാൻ നന്നായി ശ്രദ്ധിക്കുന്നുണ്ട് ?”

പാറു ദേവികയെ ഒന്ന് നോക്കി

“ഭക്ഷണവും കഴിക്കുന്നില്ല ,, ഒന്നിലും ഒരു ശ്രദ്ധയും ഇല്ല ,,,എന്താ ഇങ്ങനെ ഒക്കെ ,,?”

പാറു നിസ്സംഗതയോടെ ഒന്ന്  ചിരിക്കുക മാത്രം ചെയ്തു

“നീ ഇങ്ങനെ തുടങ്ങിയ എന്താ ചെയ്യാ ,,,അടുത്ത ചിങ്ങത്തിൽ നിന്‍റെ വിവാഹം അല്ലെ പാറു,,നിനക്കെന്താ പറ്റിയെ  ”

 

“അപ്പു ,,,,,,,,,,,,,, അപ്പുവാ എന്നെ ഇങ്ങനെ ആക്കണെ ദേവൂ ,” അത് പറയുമ്പോ അവളുടെ കണ്ണിൽ വിഷാദഭാവം ഉണ്ടായിരുന്നു

“അപ്പു നിന്നെ എന്ത് ചെയ്തു ?”

 

“അപ്പു എന്നെ ഇനി എന്താ ചെയ്യാത്തെ,,,ആരാ ഈ അപ്പു ,, ഒന്നും അറിയാൻ പറ്റണില്ല ,,, ഊണിലും ഉറക്കത്തിലും ഒക്കെ ഇപ്പൊ അപ്പുവാ വരിക ,, പല പല രൂപങ്ങളിൽ ,, എന്നെ അപ്പു കല്യാണം കഴിക്കുന്ന സ്വപ്നം കണ്ടു ,,,,ഇന്നലെ അപ്പു ചുടുകാട്ടില് തീയിൽ എരിയുന്ന സ്വപ്നം കണ്ടു ,, ഒരിടത്തു സുന്ദരനായ ഒരു ബ്രാഹ്മണയുവാവിനെ പോലെ വേറെ ഒരിടത്തു പേടിപ്പെടുത്തുന്ന ചണ്ഡാലനെ പോലെ ,,, എന്താ ഇതിന്‍റെ ഒക്കെ അര്‍ത്ഥം  ,,

 

ദേവിക മനസിലാവാതെ അവളെ നോക്കി പറയുന്നതൊക്കെ കേട്ടിരുന്നു.

“ഇപ്പൊ എനിക്ക് ഉള്ളില് അപ്പു മാത്രേ വരുന്നുള്ളു ദേവൂ ,,,, എനിക്കറിഞ്ഞൂടാ എന്തൊക്കെയെ ഈ പറ്റുന്നെ ,,,അമ്പലത്തി പോയാ ഭഗവാനെ പ്രാര്ഥിക്കുമ്പോ അപ്പുവാ തെളിയുന്നെ ,,, ഇങ്ങനെ ഒക്കെ എന്താ എനിക്കാകെ വട്ടു പിടിക്ക്യാ ,,,അപ്പൂനോട് ഒരുപാട് സ്‌നേഹം തോന്നുവാ ,,,,ആരാധന തോന്നുവാ ,,,അപ്പു എപ്പോളും ന്‍റെ കൂടെ  വേണംന്നു തോന്നുവാ ,,,,അപ്പൂന്‍റെ ഒപ്പം ഇരിക്കുമ്പോ പറഞ്ഞു തരാൻ  പറ്റാത്ത ഒരു ആനന്ദം ആണ് കിട്ടുന്നെ,,,, ഇതുക്കെ എന്താ ദേവൂ ,,,,,,,,,,, വല്യപ്പൂപ്പൻ വന്നിട്ട് പറഞ്ഞു ശിവരഞ്ജൻ എന്നത് ശിവന്‍റെ പേരല്ല ,,അത് ശിവനാമവും അല്ലന്നു ,,,അപ്പൊ എന്‍റെ സെലെക്ഷൻ തെറ്റിയതാണോ ,,,, അങ്ങനെ ആണെങ്കിൽ പിന്നെ എങ്ങനെ ആണ് ഞങ്ങൾക്ക് രണ്ടു പേർക്കും പരസ്പരം എന്തെന്നറിയാത്ത ഒരു ബന്ധം ഒക്കെ തോന്നിയത് ,,,ഈ ശിവ ആരാ ,,,,ഞാൻ ആരാ ,,,,ഞാൻ ഏതു രാജകുമാരിയാ ,,,,ഇതിലൊന്നും പെടാത്ത ഈ അപ്പു ആരാ ,,,, എന്തിനാ എന്‍റെ മനസ് ഇപ്പൊ അപ്പു,,,  അപ്പു  എന്ന ഒരു ലഹരിയിലേക്കാ പോകുന്നെ ,,,

 

ദേവിക അതിശയത്തോടെ ആണ് പാറു പറയുന്നതൊക്കെ കേട്ടിരുന്നത്

 

“അപ്പു എന്നോട് ഒന്ന് സ്നേഹം കാണിച്ചിരുന്നെ ,,,,ഇല്ലേ എന്നോട് ഒന്ന് മിണ്ടിയിരുന്നെ ,,, ഒരുപാട് ആഗ്രഹിച്ചു പോവാ ,,,,ഇപ്പൊ അപ്പൂനെ എനിക്ക് പേടിയാ ,,,,, വഴക്കൊക്കെ പറഞ്ഞാ ഞാൻ ഇല്ലാണ്ടായി പോകും ,,, ആ വർത്താനം ഒക്കെ കേൾക്കാൻ ഒരുപാട് കൊതിയാവാ ,,,,,ശ്രിയമോളെ എന്നൊക്കെ വിളിക്കണത് കേൾക്കാൻ നല്ല രസവായിരുന്നു ,,,,എല്ലാം ഞാൻ ഇല്ലാണ്ടാക്കി കളഞ്ഞതാ ,,,,,,,,,,,, എന്‍റെ നിശ്ചയം കൂടെ കഴിഞ്ഞപ്പോളാ എന്നോടു ഒരുപാട് ദേഷ്യമായെന്നാ തോന്നണേ,,,,,”

 

കാര്യങ്ങൾ ഒക്കെ തിരിയുകയാണല്ലോ ,, പാറു ഇപ്പൊ മനസും ആത്മാവും ഒക്കെ അപ്പുവിൽ അലിഞ്ഞു ചേർന്ന പോലെ ആണല്ലോ ,, അവൾ കാണുന്ന സ്വപ്നങ്ങൾ ഒക്കെ വരാൻ പോകുന്ന എന്തിനെയോ സൂചിപ്പിക്കുന്ന പോലെ,, ദേവിക മനസ്സിൽ ഓരോരോ കാര്യങ്ങൾ ചിന്തിച്ചു കൊണ്ടിരുന്നു ,

 

അവൾ ആകുന്ന പോലെ പാറുവിനെ ആശ്വസിപ്പിച്ചു

 

(23)

 

പാറു ക്‌ളാസ് കഴിഞ്ഞു തന്‍റെ കാറിൽ പോയി കൊണ്ടിരിക്കുക ആയിരുന്നു

അപ്പോൾ ആണ് അവൾക് ഉള്ളിൽ ഒരു തോന്നൽ വന്നത്

അവൾ കാർ ടൗണിൽ നിന്നും തിരിച്ചു

കാർ എത്തിയത് അവരുടെ ഷോപ്പിംഗ് കോമ്പ്ലെക്സ്നു മുന്നിൽ ആയിരുന്നു

അവൾ കാർ പാർക്കിങ്ങിൽ കൊണ്ടുപോയി പാർക് ചെയ്തു

പുറത്തേക് ഇറങ്ങി

 

മെയിൻ സെന്ററിൽ തലയുയർത്തി നിൽക്കുന്ന അവരുടെ ഷോപ്പിംഗ് കോമ്പ്ലെക്സ്

 

അപ്പൂന്‍റെ വീട് ഇവിടെ ആണ് ഉണ്ടായിരുന്നത്

അപ്പൂന്‍റെ അച്ഛന്‍റെ വിയർപ്പ് ആയിരുന്നു ഈ സ്ഥലം

ഇതെല്ലാം ആണ് പപ്പ തന്‍റെ പേർക്ക് ആയി എഴുതി വാങ്ങിയത്

പാവം ലക്ഷ്മി അമ്മക്ക് ഈ മണ്ണിൽ ചിത ഒരുക്കാൻ യോഗം ഉണ്ടായില്ല

അവരെ ഏതോ ഒരു പൊതുശ്‌മശാനത്തിൽ ആണ് സംസ്കരിച്ചത്

ഇതെല്ലാം ഒരിക്കൽ അപ്പു തന്നെ പറഞ്ഞതായിരുന്നു കൂട്ടായിരുന്ന സമയത്ത്

അന്ന് അപ്പു അതൊക്കെ പറഞ്ഞപ്പോ ഒരുപാട് സങ്കടപെട്ടിരുന്നു

 

അവിടെ നിൽക്കുമ്പോ അവളുടെ ഹൃദയം ചുട്ടു നീറുന്ന അവസ്ഥയിൽ ആയിരുന്നു

അപ്പൂന്‍റെ വീട് ഉണ്ടായിരുന്നതായി ഒരു അടയാളം പോലും ഇല്ലാതെയാണ് പപ്പ ഈ ബിൽഡിങ് പണിതത്

അവളുടെ കണ്ണുകൾ നിറഞ്ഞൊഴുകുകയായിരുന്നു

 

ആ സമയത്തു അപ്പു ഒരുനാൾ അവളോട് പറഞ്ഞ ആ വാക്കുകൾ അവൾ മനസിൽ കണ്ടു

 

“ശ്രിയ മോൾക്കറിയോ ,,,, മുൻപേ ,,എന്‍റെ ലക്ഷ്മി ‘അമ്മ സ്വപ്നത്തിൽ ഒന്നും വരില്ലായിരുന്നു ,,അമ്മയെ കുറെ മിസ് ചെയ്യുമ്പോ ഞാൻ രാത്രി ആരും അറിയാതെ അവിടെ നിന്നും സൈക്കിൾ ചവിട്ടി ഇവിടെ വരും എന്നിട്ടു ഇവിടത്തെ സ്റെപിൽ വന്നിരിക്കും ,,,അപ്പൊ പഴേ കാലം ഒക്കെ ഓർമ്മ വരും ,,അമ്മേടെ മുഖം മനസ്സിൽ തെളിയും ,, അങ്ങനെ ഉറങ്ങാതെ ഇവിടെ ഇരിക്കും ,,രാവിലെ ആകുമ്പോ വേഗം സൈക്കിളിൽ പാലിയത്തേക്ക് വരും ,,,ഈ കടം ഒക്കെ വീട്ടി തീർന്നിരുന്നേ ,,,എന്തേലും ഒക്കെ ചെയ്തു കൊറേ കാശ് ഉണ്ടാക്കി ശ്രിയമോൾടെ പപ്പേടെ കയീന്നു ഈ കോമ്പ്ലെക്സ് ഞാൻ വാങ്ങിക്കും ,,, എന്നിട്ടു ഈ ബിൽഡിങ് ഒക്കെ ഞാൻ ഇടിച്ചു പൊളിച്ചു കളയും ,,,എന്നിട്ടു എന്‍റെ പഴേ വീട് ഞാൻ അവിടെ പണിയും ,,,കുറെ ചെടികളും മരങ്ങളും ഒക്കെ നടും ,,, ഒക്കെ ഓരോരോ മോഹങ്ങളാ ശ്രിയമോളെ ,,,നടക്കൂല്ലാ,,  എനിക്ക് നന്നായി അറിയാം ,,,എന്നാലും ഇങ്ങനെ ഒക്കെ മോഹിക്കാല്ലോ ,,,, ഒക്കെ അപ്പൂന്‍റെ വട്ടുകളാ ”

 

അന്ന് അപ്പു അത് പറയുമ്പോ അപ്പൂന്‍റെ  കണ്ണൊക്കെ നിറഞ്ഞിരുന്നു

അപ്പൂന് ശബ്ദം ഇടറിയതിനാൽ ഇടയ്ക്കു വാക്കുകൾ മുറിഞ്ഞാണ് വന്നിരുന്നത്

അന്ന് അതൊക്കെ  കേൾക്കുമ്പോ തനിക് ഒന്നും തോന്നിയിരുന്നില്ല

ഇപ്പൊ ,,,,,,,,,,,,,ഒരുപാട് സങ്കടം തോന്നുന്നുണ്ട്

 

അവൾ നിറയുന്ന കണ്ണുകൾ തുടച്ചു