❤️ദേവൻ ❤️part 13

Devan Part 13 | Author : Ijasahammed

[ Previous Part ]

അത്രമേൽ പ്രതീക്ഷയോടെ അമ്മയുടെ മടിയിൽ തലവെച്ചു കിടക്കുമ്പോൾ വീണ്ടും ആ താലിമാല ഞാൻ സ്വപ്നം കാണാൻ തുടങ്ങിയിരുന്നു…

പിറ്റേന്ന് രാവിലെ
കാവ്യയുടെ ഫോൺ കെട്ടാണ് ഉണർന്നത്…

കണ്ണ് തിരുമ്മികൊണ്ട് കട്ടിലിനോട് ചേർന്നുള്ള ചെറിയ മേശമേൽ വച്ച വാച്ചിലേക്ക് കിടന്നിടത്ത് കിടന്നു നോക്കി..
മണി 10 കഴിഞ്ഞിരുന്നു..

എപ്പോഴാ രാത്രി ഉറങ്ങിയെന്നു അറിയില്ല..
ഇന്നലത്തെ കരച്ചിലിന്റെ ഏറ്റകൂടുതൽ കാരണം എണീറ്റമുതൽ തല വേദനിക്കുന്നുണ്ടായിരുന്നു …

ഫ്രഷ് ആയി വന്ന് അവളെ തിരിച്ചു വിളിച്ചു..

ഇന്നലെ ഉണ്ടായ എല്ലാകാര്യങ്ങളും ഞാൻ അവളോട് പറഞ്ഞു…

വീണ്ടും മനസ്സിനെ കീറി മുറിക്കണ അതേ വാചകങ്ങളെ അവൾക്കും എന്നോട് പറയാനുണ്ടായിരുന്നുള്ളൂ…

“ശിവാനി.., നീ നിന്റെ ജീവിതം വെച്ച് കളിക്ക്യാണ്…
പ്രണയം ഒക്കെ തീർന്നില്ലേ.. അവനും നിന്നെ വേണ്ടെന്ന് പറഞ്ഞില്ലേ.. ഇനി ആർക്കു വേണ്ടിയാ..
പട്ടിയെ പോലെ ഇനീം പറഞ്ഞു വിടണോ…??
അതിനു വേണ്ടിയാണോ ഇനീം കാത്തിരിക്കണേ..??

നിന്നെ സന്തോഷിപ്പിക്കാനോ നല്ലൊരു ജീവിതം തരാനോ അവനിനി ഒരുക്കവല്ലെന്ന് നിന്നോട് തന്നെ അല്ലെ അവൻ പറഞ്ഞേ…
നിന്നെ ഇനി സ്നേഹിക്കാൻ കഴിയില്ലെന്നും പറഞ്ഞില്ലേ..

അവനു വേണ്ടാത്തത് എന്തിനാ നെനക്ക്..

അവനെ അവന്റെ വഴിക്ക് വിട്ടേയ്ക്ക്.. കൊല്ലേ,, ചാവേ,, ജീവിക്കേ എന്താച്ചാ ചെയ്തോട്ടെ…
നിന്നെ ഒഴിവാക്കി പൂവ്വാൻ അവനൊരുക്കമാണെങ്കി നിനക്കും അതായികൂടെ..??

ഇനിം ഇത് തുടർന്നാ നെന്റെ ജീവിതം നെനക്ക് നഷ്ടപ്പെടും ശിവാനി…!!!. “”
അവള് പറഞ്ഞു നിർത്തിയപ്പോ പ്രത്യേകിച്ചൊന്നും തോന്നിയില്ല.. കേട്ട് കേട്ട് പഴകി തുടങ്ങിയിരിക്കുന്നു…
അവന് നിന്നെ വേണ്ടല്ലോ പിന്നെ നിനക്കെന്തിനാ ന്ന്
..