❤️ദേവൻ ❤️part 13 [Ijasahammed] 285

നിറഞ്ഞ കണ്ണുകൾ കണ്ടാകണം കഴുത്തിൽ മുറുക്കിയ പിടിഅയച്ചു കൊണ്ട്
“ന്റെ പ്രാണനായിരുന്നെടി അവള് … ന്റെ പ്രാണൻ..
അതിനെ നുള്ളിനോവിക്കാൻ പോലും നിക്ക് പറ്റില്ലാ… പക്ഷേ നിന്നെ കൊന്ന് തള്ളാൻ നിക്ക് തെല്ലു മടില്ല്യാ
.. ഇനിയും മനസാക്ഷിക്ക് നെകക്കാത്ത വല്ലോം പറഞ്ഞാ അറിയും നീ ദേവൻ ആരാണെന്ന് ശെരിക്ക്…

ഇപ്പൊ നീ പറഞ്ഞ വർത്താനത്തിന് കൊല്ലാതെ വിടണത് എന്നോ എപ്പോഴോ മറ്റെന്തിനേക്കാൾ കൂടുതൽ നെന്നേ സ്നേഹിച്ചിരുന്നു…..

ഈ മുഖം ആരാധിച്ചിരുന്നു..
അതോണ്ടാ.. അതോണ്ട് മാത്രാ…
അല്ലെങ്കി കഴുത്തിലെ ആ ഒറ്റ പിടിയിൽ തീർന്നേനെ നീയ്..

കഴുത്തിൽ നിന്നും കയ്യെടുത്തു കൊണ്ട് ഏട്ടൻ തുടർന്നു…

പിന്നെ നീ ഇപ്പോ കണ്ടുപിടിച്ച കണ്ടുപിടുത്തങ്ങളൊക്കെ ഞാൻ മുന്നേ മനസ്സിലാക്കിയതാ…

അവളുടെ ഏട്ടൻ മാത്രല്ല ഞാന്.. അമ്മേം അച്ഛനും എല്ലാം ഞാൻ ആണ്.. ഇപ്പഴും

ആ അവളുടെ കണ്ണൊന്നു നനഞ്ഞാൽ മുഖം ഒന്ന് വാടിയാൽ ഞാൻ അറിയും..

അതിന്റെ പിന്നിൽ ഏത് മറ്റേടത്തെ മക്കളായാലും ഈ ദേവൻ അവൾക്ക് വേണ്ടി അവരെ നോവിക്കും ചെലപ്പോ കൊല്ലും.. ”

“..അവളെന്നോട് അന്ന് വന്നു സംസാരിച്ച ദിവസം ഞാനൊരുപാട് സന്തോഷിച്ചു
.. എന്റെ കുട്ടി ജീവിതത്തിൽക്ക് മടങ്ങി വരും ന്ന് ഞാൻ ഉറപ്പിച്ചിരുന്നു….

എന്നാൽ അന്ന് അവള് പറഞ്ഞു വച്ച ചില കാര്യങ്ങൾ കേട്ടപ്പോ വേറൊന്നും ചിന്തിച്ചില്ല…

അന്ന് വൈകുന്നേരം അവളുടെ നമ്പറിൽ അവനു മെസ്സേജ് അയച്ചത് ഞാൻ ആണ്..

ഒരു സ്ഥലത്ത് വെച്ചു കാണണം വരണം എന്നും പറഞ്ഞുകൊണ്ട് ഞാൻ അവനെ കാത്തിരുന്നത് രണ്ട് മണിക്കൂർ…

പാലക്കാട്‌ അടുത്തുള്ള അവന്റെ വീട്ടിലേക്ക് ചെന്നെത്തുമ്പോൾ തീർക്കണം എന്ന്തന്നെ മനസ്സിൽ കരുതിയിരുന്നു…