❤️ദേവൻ ❤️part 13 [Ijasahammed] 285

എന്നാൽ അവിടെ എത്തിയ ഞാൻ കണ്ടത്
കത്തിയും കൈയിൽ പിടിച്ചു കൊണ്ട് രോഹിന്റെ കഴുത്തിൽ ആഞ്ഞിറക്കുന്ന മറ്റൊരുവനെയാണ്…

എന്റെ കാൽപ്പാദം കേട്ടു വീട്ടുകാരാണെന്ന് തെറ്റിധരിച്ചു കൊണ്ട് ഉപയോഗിച്ച ആയുധം പോലും അവിടെ ഉപേക്ഷിച്ചു അവൻ ആ കൊലപാതകം പൂർത്തിയാക്കാതെ മടങ്ങുകയായിരുന്നു…

കണ്ണിൽ പെടാതെ ഇരുട്ടിന്റെ മറവിൽ ഇരുന്ന എനിക്ക് മുന്നിലൂടെ കടന്ന് പോയ ആ മനുഷ്യന് ഞാൻ ഊഹിച്ച അതേ മുഖം ആയിരുന്നു..

ഓടി വാതിൽ തുറന്ന് അകത്തുകയറുമ്പോൾ അവനു ചലനമുണ്ടായിരുന്നു…

എന്നെ കണ്ടതും അവൻ എന്തെക്കെയോ പറയാൻ ശ്രമിക്കുകയായിരുന്നു…

കഴുത്തിൽ അധികം ആഴത്തിൽ അല്ലാത്ത ആ മുറിവിൽ നിന്നും രക്തം ഒഴുകിയിറങ്ങി…

അവനുഅരികിലായി ഇരുന്നു… ജീവനിനിയും പോകുവാൻ ഏറെയുണ്ട്…

നിലത്തുഉപേക്ഷിച്ചു പോയ ആ കത്തി എടുത്തു കൊണ്ട് വീണ്ടും ആ മുറിവിൽ ആഴത്തിൽ കുത്തിഅമർത്തുമ്പോൾ കൈ തെല്ലുവിറച്ചില്ല.. വീണ്ടും വീണ്ടും കുത്തിയിറക്കി ഒടുവിൽ ആ കത്തിയുമായി തിരിച്ചിറങ്ങുമ്പോൾ ആ ശരീരത്തിൽ ജീവന്റെ ഒരുഅംശം പോലും ഇല്ലെന്ന് ഞാനുറപ്പു വരുത്തി..

നാളെ ആ കത്തി കണ്ടെത്തുന്ന പോലീസുകാർക്ക് അതിൽ നിന്ന് ലഭിക്കുക ഗ്ലൗസ് ധരിച്ചിരുന്ന എന്റെ ഫിംഗർപ്രിന്റ് അല്ല.. മറിച്ചു എല്ലാത്തിനും കാരണ ക്കാരനായ ആ ഒറ്റ ചെന്നായയുടെആയിരിക്കും… അവൻ അങ്ങനെ ജയിലിൽ പോകാൻ പാടില്ല..

അവനെ തീർക്കേണ്ടവൻ ഞാൻ ആണ്.. മറ്റൊരാൾക്കും അവനെ പങ്കുവെക്കുവാൻ ഞാനൊരുക്കമല്ല…. “””

ഓരോ വാക്കുകൾ കേൾക്കുമ്പോഴും സമനില തെറ്റ്മെന്ന് ഞാൻ ഭയന്നു…

ഊർന്നു നിലത്തിരുന്നു കൊണ്ട് അല്ലാതെ ബാക്കി കേൾക്കുവാൻ എനിക്ക് ശക്തിയില്ലായിരുന്നു….

അവിടെ ഞാൻ വിജയിച്ചപ്പോ മറ്റൊരിടത്ത് ഞാൻ തോറ്റു…

ന്റെ മോളെ എന്നെന്നേക്കുമായി എന്റെ കയ്യില്ന്ന് കൊണ്ടുപോയത് അവനാ…..

തലയിൽ ഒരു ഇടിമുഴക്കം അനുഭവപ്പെട്ടു… ഊഹിച്ചപോലെ തന്നെ അതൊരു ആത്മഹത്യ അല്ല..