?️ശിവശക്തി 13?️ [ പ്രണയരാജ] 339

അന്നു മുതൽ നാഗങ്ങൾ , അവിടെ നിന്നും പാലായനം ചെയ്തു എന്നു പറയുന്നത് തെറ്റായിരിക്കും. നാഗങ്ങളിൽ വാസുകി ആ ദേശത്തിൻ്റെ സംരക്ഷണത്തിനായി നിയോഗിച്ചവർ അവിടെ ഇന്നും വിരാജിതരാണ്. മറ്റു നാഗങ്ങൾ ആ മണ്ണിൽ നിന്നും പാലായനം ചെയ്തു.

നാഗങ്ങളെ പ്രധാനമായും മൂന്നു തരത്തിലാണ് ഹൈന്ദവ പുരാണങ്ങളില്‍ വിഭജിച്ചുകാണുന്നത്. ആകാശചാരികള്‍ പറനാഗങ്ങള്‍, ഭൂതലവാസികള്‍ സ്ഥലനാഗങ്ങള്‍, പാതാളവാസികള്‍ കുഴിനാഗങ്ങള്‍.

അതിൽ ഭൂതലവാസികൾ സ്ഥലനാഗങ്ങൾക്കാണ് അവിടുത്തെ സംരക്ഷണം, വാസുകി നൽകിയത്. ഒപ്പം സ്ഥലനാഗങ്ങളെ സഹായിക്കാനായി ശ്രേഷ്ഠരായ കുഴി നാഗങ്ങളിൽ ചിലരെ നിയോഗിച്ചു.

ഇന്നും ആ മണ്ണിൽ, ഭൂമിയുടെ മടിത്തട്ടിനരികിൽ വരെ ആഴമുള്ള കുഴികളിൽ ശ്രേഷ്ഠരായ കുഴി നാഗങ്ങൾ നിദ്രയിലാണ്. സ്ഥലനാഗങ്ങൾക്ക് സഹായം ആവശ്യമായി വരുന്ന നാളിൽ മാത്രമേ…. അവരുണരു… ഈ പിന്നിട്ട ആണ്ടുകളിൽ ഒന്നും തന്നെ അതിൻ്റെ ആവശ്യം വന്നിട്ടില്ല. പരശുരാമനാൽ തീർത്ത പുണ്യഭൂമിയാണത്.

ആചാര്യാ… നാം അവിടേക്കു യാത്രയാകാം…

എന്തിനാണ് ഗുരുദേവാ….

കുഞ്ഞിനു വേണ്ടി പൂജകൾ ചെയ്യാൻ,

അരുത്, ആ പുണ്യഭൂമിയിലെ ആചാരങ്ങൾ വ്യത്യസ്തമാണ്.

അങ്ങെന്താണ് പറയുന്നത്.

അതെ, അവിടെ നാഗപൂജ ഒരു വംശത്തിൻ്റെ അധികാരമാണ്, അവിടെ പൂജകൾക്ക് നിയോഗികൾ ഉണ്ട്.

അപ്പോ കുഞ്ഞ്.

അവനു വേണ്ടി അവിടെ ഒരു നിയോഗി ഉണ്ടായിരിക്കും, ആ നിയോഗി, തൻ്റെ നിയോഗം തിരിച്ചറിയുന്നതു വരെ കാത്തിരിക്കുക.

?????

കർത്തുമ്പി തൻ്റെ മുറിയിൽ നിദ്രയിലാണ്. അവളുടെ ശരീരം പൂർണ്ണമായും നിദ്രയിൽ ലയിച്ചു കഴിഞ്ഞു.  ആ സമയം മുറിയിലേക്കു കടന്നു വന്ന തിരുമേനി, ആ മുറിയിലെ ജനൽ പാളികൾ തുറന്നു. തണുത്ത കുളിർക്കാറ്റുകൾ ആ മുറിയെ ശീതളമയമാക്കി.

ആ സമയം കാർത്തുമ്പിയുടെ മാറിലെ ഓംകാര ചിഹ്നം ചുവന്ന പ്രകാശത്താൽ ജ്വലിച്ചു നിന്നു. ആ ദൃശ്യത്തിനു സാക്ഷ്യം വഹിച്ച തിരുമേനിയുടെ മുഖത്ത് ഒരു പുഞ്ചിരി വിരിഞ്ഞിരുന്നു.

വിജനമായ ഒരു വനപ്രദേശം, ചുറ്റും അന്ധകാരം, മരങ്ങൾ ഇടതൂർന്ന് വളർന്ന ആ വനത്തിന് ഒരു ഭീകരതയുടെ മുഖഛായയുണ്ടായിരുന്നു. അന്ധകാരത്തിൽ മിന്നി തിളങ്ങുന്ന മാന്നാമിനുങ്ങുകൾ പോലും അവിടെ വരുവാൻ മറന്നിരുന്നു.

ആ സമയം കാർത്തുമ്പിയുടെ ശരീരം പ്രകാശം പരത്തുവാൻ തുടങ്ങി, ആ പ്രകാശം അന്ധകാരത്തെ കീറി മുറിച്ചു കൊണ്ട്, മുൻപോട്ടുള്ള പാതയെ അവൾക്കായി തുറന്നു കാട്ടി. കരിയിലകൾ വീണു കിടക്കുന്ന പാതയിൽ കാലടികൾ വെക്കുമ്പോൾ ഹൃദയത്തെ ഭീതിയിലാഴ്ത്തുന്ന ശബ്ദങ്ങൾ ഉയർന്നു കേൾക്കാം.