🕉️ശിവശക്തി 13🕉️ [ പ്രണയരാജ] 339

ആ സമയം അവളുടെ ക്രോധം, കാറ്റിൽ പാറി നടന്ന കേശഭാരം , മുഖത്തു തെളിഞ്ഞ ഭാവങ്ങൾ, മിഴികളിൽ ജ്വലിച്ച തീനാളം.. എല്ലാം കണ്ടു നിന്ന ഗ്രാമവാസികളെ പോലും ഭയപ്പെടുത്തി. പിന്നെ അവിടെ നടന്നത് മഹായുദ്ധമായിരുന്നു. ഹൈത്രി  ഗോത്രവർഗ്ഗക്കാരുടെ രക്തത്തിൽ ശിവലിംഗത്തെ അവൾ നീരാട്ടി….

പിന്നീടങ്ങോട്ട് കൃഷ്ണവേണിയായിരുന്നു ഞങ്ങളുടെയെല്ലാം രക്ഷക, ഹൈത്രി  ഗോത്രവർഗ്ഗക്കാർ ആരെ പിടിച്ചു കൊണ്ടു പോയാലും ആരും കയറാൻ ഭയക്കുന്ന ആ വനത്തിൽ നിന്നും അവരെ രക്ഷിച്ചു കൊണ്ടു വന്നു, കൃഷ്ണ വേണി അങ്ങനെ അവൾ ഞങ്ങളുടെ രക്ഷകയായി, ദേവിയായി, എല്ലാ ല്ലൊമായി….

അവളുടെ പതിനേഴാം വയസിൻ്റെ സമയത്താണ് ഭട്ടത്തിരിപ്പാട് മരണമടഞ്ഞത്, ആ സ്ഥാനം അലങ്കരിക്കാൻ ദേശങ്ങൾ തേടി, തിരഞ്ഞെടുക്കപ്പെട്ട മാന്ത്രികനാണ് ഉഗാംഗതൻ, അവൻ പൈശാചിക ശക്തികളെ പൂജിക്കുന്നവനാണെന്ന് ആരും അറിഞ്ഞിരുന്നില്ല, അവൻ്റെ ലക്ഷ്യം ചന്ദ്രകാന്തമെന്ന ആയുധമായിരുന്നു.

അവൻ ഇവിടെ കൊട്ടാരത്തിൽ നിൽക്കുമ്പോ.. അവൻ്റെ മകൻ, കാലകിങ്കരൻ അവിടെ കർഗി  വനത്തിലായിരുന്നു. ഹൈത്രി ഗോത്രവർഗ്ഗക്കാരുടെ കൂടെ . അവനൊരു കാമ ഭ്രാന്തൻ കൂടിയായിരുന്നു.

ഗ്രാമത്തിൽ നിന്നും കന്യകമാർ നഷ്ടമാവാൻ തുടങ്ങി, മാനം കെടുത്തി കൊന്ന ശവങ്ങൾ കൂടി വന്നു. കൃഷ്ണവേണി ഹൈത്രി ഗോത്രക്കാരെ വേട്ടയാടിത്തുടങ്ങി.

അന്ന്, കൃഷ്ണവേണിയുടെ പതിനെട്ടാം പിറന്നാളായിരുന്നു. ഒരു പതിമൂന്നു വയസുകാരിയെ ഹൈത്രി ഗോത്രക്കാർ കൊണ്ടു പോയതറിഞ്ഞ്, അവൾ വനത്തിലേക്കു തിരിച്ചു. സഹായിക്കാൻ എന്ന വ്യാചേന ഉഗാംഗതനും കൂടെ കൂടി.

വനത്തിൽ അലഞ്ഞു തിരിഞ്ഞു അവൾ കുഞ്ഞിൻ്റെ അലമുറ കേട്ട ഭാഗത്തെത്തി. ആ സമയം, ഒരു പുരുഷൻ ആ കുഞ്ഞിനെ, അതു കണ്ടവൾ അലറി വിളിച്ചു. അന്നാദ്യമായി കാലകിങ്കരൻ ,കൃഷ്ണവേണിയെ ആദ്യമായി കാണുന്നത്. അവളുടെ അഭൗമ സൗന്ദര്യത്തിൽ ആ രാക്ഷസൻ്റെ മിഴികൾ തിളങ്ങി, അവിടെ ഉണ്ടായിരുന്ന ഒരു പാറക്കല്ലിൽ അവൻ ഇരുന്നു.

അപ്സര കന്യകയോ….

നിൻ്റെ സൗന്ദര്യം നമ്മെ ഭ്രമിപ്പിക്കുന്നു.

വാ… വന്നിരിക്ക് ഇവിടെ,

തൻ്റെ തുടകൾ കാട്ടിയവൻ അവളോടു പറഞ്ഞു.

നിന്നെ നമ്മുടെ ദാസിയാക്കാം….

അതിനവൾ മുഖം തിരിച്ചു.

കൃഷ്ണവേണിയാണ്, ഞാൻ, ശിവഭക്ത, നിൻ്റെ ശിരസു ഞാൻ അറുത്തെടുക്കും….

അവൻ്റെ അട്ടഹാസം , ആ കാടിനെ തന്നെ പ്രകമ്പനം കൊള്ളിച്ചു.

കാലകിങ്കരനാണ് നാം… മരണത്തിൻ്റെ വാതിൽ തുറക്കുന്നവൻ, നീ മരണത്തെ കാട്ടി നമ്മെ ഭയപ്പെടുത്തുന്നോ….

നിൻ്റെ സൗന്ദര്യം, നമ്മുടെ സിരകൾക്കു ചൂടുപിടിപ്പിക്കുന്നു….