🕉️ശിവശക്തി 13🕉️ [ പ്രണയരാജ] 339

അവർ സംസാരിച്ചു കൊണ്ടിരിക്കെ, ഒരു മൂന്ന് വലിയ വാഹനം വന്നു. അതിൽ കുറേ ആളുകളും ,അവർ വന്നതും കാർത്തികേയനും നടത്തിപ്പുകാരനും പുറത്തേക്കിറങ്ങി.

സർ,….

പിടിച്ചു കേറ്റടോ… എല്ലാത്തിനേയും..

അനാഥാലയത്തിലേക്ക് ആരോഗ്യവാൻമാരായ കാർത്തികേയ ശിങ്കിടികൾ പാഞ്ഞു കയറി, അനാഥരായ കുഞ്ഞുങ്ങളെ, അവർ പിടച്ചു വലിച്ച് കൊണ്ടു വന്ന് വണ്ടിയിൽ കയറ്റി, ആ സമയമാണ് കാർത്തികേയൻ്റെ മിഴികളിൽ ആ കാഴ്ച്ച പതിഞ്ഞത്.

ടാ… നിന്നേടാ….

എന്താ സർ,

അവളെ ഇങ്ങു കൊണ്ടു വന്നെ,

15 വയസ്സു പ്രായം വരുന്ന ഒരു പെൺക്കുട്ടി, തൂവെള്ള നിറം, നല്ല മുഖകാന്തി, ശാരീരിക വളർച്ചയുമുണ്ട്, കാർത്തികേയൻ്റെ മിഴികളിൽ കത്തുന്ന കാമവും, ചുണ്ടിൽ വശ്യമായ പുഞ്ചിരിയും.

ഇവളെ അങ്ങ് മാറ്റി വെച്ചേര്..

ശരി, സർ

ടാ… ഇതുപോലെ വേറെ, ഉണ്ടേലും മാറ്റി വെച്ചേര് , ഇവര് വനത്തിലേക്കു ചേരില്ല, ഇവരെ നമ്മുടെ രണ്ടാമത്തെ ബിസിനസിന് പറ്റിയതാ….

കാർത്തികേയൻ്റെ നേതൃത്വത്തിൽ നടക്കുന്ന രണ്ടാമത്തെ ബിസിനസ്സ് അതൊരു വേശ്യാലയമാണ്, അവൻ പെൺക്കുട്ടികളെ പലയിടത്തേക്കും കൊടുക്കാറുമുണ്ട്, ആരും ചോദിക്കാനില്ലാത്ത അനാഥരുടെ ദുരന്ത ജീവിതം ഇവിടെ തുടങ്ങുകയാണ്.

ഇവിടെ ഇറക്കാനുള്ളത് ഇറക്കെടാ…

മൂന്നാമത്തെ വാഹനത്തിൻ്റെ പിന്നാലെ വാതിൽ തുറന്നതും, നടത്തിപ്പുകാരൻ ശർദ്ദിച്ചു. അസഹ്യമായ ദുർഗന്ധം, താങ്ങാവുന്നതിലും അപ്പുറം, ആ വാഹനത്തിൽ നിന്നും , കാർത്തികേയൻ്റെ ആളുകൾ മൃതശരീരങ്ങൾ എടുത്തു നടന്നു നീങ്ങുകയാണ്.

എല്ലാം കൊച്ചു കുഞ്ഞുങ്ങളുടെ മൃതശരീരമാണ്, കണ്ടാൽ തന്നെ അറിയാം മരിച്ചിട്ടു കുറേ ദിനങ്ങൾ ആയെന്ന്, ചിലതിൻ്റെ ശരിരം പുഴുക്കൾ തിന്നു കഴിഞ്ഞു. എല്ലാ മുറിയിലും ശവങ്ങൾ കൊണ്ടു നിരന്നു. അടുത്ത ക്ഷണം ആ കെട്ടിടത്തിനു ചുറ്റും പെട്രോൾ ഒഴിച്ചു. ആ കെട്ടിടം പെട്രോളിൽ കുളിച്ച് ജ്വാലാമുഖിയാകുവാൻ വെമ്പുകയാണ്.

കാർത്തികേയൻ ഒരു പുഞ്ചിരിയോടെ, സിഗരറ്റ് എടുത്ത് ചുണ്ടിൽ വെച്ച് ലൈറ്റർ കൊണ്ട് തീ പകർന്നു. പിന്നെ വളരെ സാവധാനത്തിൽ പുകയെടുത്തു വിട്ടു. പെട്ടെന്ന് ഒരു കത്തിച്ച സിഗരറ്റ് വായുവിൽ പറന്നു ചെന്നു, കെട്ടിടം ലക്ഷ്യമാക്കി, അതാ കെട്ടിടം സ്പർഷിക്കും മുന്നേ അഗ്നിയവാടെയാകെ പടർന്നു പന്തലിച്ചു.

രാജപ്പാ….

കാർത്തികേയൻ വിളിച്ചതും ഒരാൾ വന്നു. കാർത്തികേയൻ കണ്ണുകൊണ്ട് കാണിച്ചതും, നടത്തിപ്പുകാരൻ്റെ തലയ്ക്കു പിറകിൽ ശക്തമായ പ്രഹരമേറ്റിരുന്നു. അലറിക്കൊണ്ടയാൾ തലയ്ക്കു പിന്നിൽ കൈ വെച്ചു മലർന്നു വീണു.

കാർത്തികേയാ….