🕉️ശിവശക്തി 13🕉️ [ പ്രണയരാജ] 339

മറുത്തൊന്നും പറയാതെ, കാർത്തു അദ്ദേഹത്തെ നോക്കി നിന്നു. തിരുമേനിക്കു പിറകെ അനുസരണയുള്ള കുഞ്ഞിനെ പോലെ അവൾ നടന്നു നീങ്ങി, അദ്ദേഹം ഒരു വാതിൽ തുറന്ന് അകത്തു കയറാൻ അവളോട് ആവിശ്യപ്പെട്ടു. അവളത് അനുസരിക്കുകയും ചെയ്തു. അവൾ ഉള്ളിൽ കടന്നതും വാതിലുകൾ കൊട്ടിയടയ്ക്കപ്പെട്ടു. ചുറ്റും അന്ധകാരം മാത്രം കൂട്ടിന്..

🌟🌟🌟🌟🌟

ഒരു അനാഥാശ്രമത്തിനു മുന്നിൽ കാർത്തികേയൻ, അതിൻ്റെ നടത്തിപ്പുകാരനുമായി സംസാരിക്കുകയാണ്.

താൻ പറയെടോ… തനിക്കെത്ര വേണം

അതു, സർ, ശരിയാവില്ല സാറേ….

ഒക്കെ ശരിയാവുമെടോ… കാശല്ലേ… പ്രധാനം.

സർ പറയുന്ന പോലെ ഒറ്റയടിക്ക് 640 പിള്ളേരെ കാണാതായാൽ , ഞാനാ പെടുക.

തനിക്കൊരു പ്രശ്നവും വരാതെ ഞാൻ നോക്കിക്കൊള്ളാം, കാർത്തികേയനാ… പറയുന്നെ….

സർ അതു പറയാം….

എടോ… ഫയർ ആക്സിഡൻ്റിൽ  ഈ പിള്ളേരു ചത്താ താൻ പെടുമോ…

സർ,….

അതേടോ…. ലോകത്തിന് മുന്നിൽ അവര്, ചാവും, അതു പോരെ തനിക്ക്,

പക്ഷെ എങ്ങനെ സർ,

അതൊക്കെ താൻ എനിക്കു വിട്ടേക്ക്, ഈ അനാഥ പിള്ളേര് ചത്താലെന്ത് ജീവിച്ചാൽ എന്ത്, തനിക്ക് 50 ലക്ഷം കിട്ടും , അതു നോക്കിയാ… പോരെ..

ഞാൻ പെടരുത്, എനിക്കത്ര മാത്രമേ… ഉള്ളു…

കാർത്തികേയൻ്റെ ആശ്രിതർ, എന്നും ഉയർന്നിട്ടേ ഉള്ളൂ…..

അവർ ഇരുവരും പുഞ്ചിരി തൂകി, കാർത്തികേയൻ ഫോൺ എടുത്ത്, ആരെയോ… വിളിച്ച് എന്തൊക്കെയോ ചട്ടം കെട്ടി. ഫോൺ വെച്ച ഉടനെ നടത്തിപ്പുകാരൻ ചോദിച്ചു…

ഈ പിള്ളേരെ കൊണ്ട് നിങ്ങൾക്കെന്താ കാര്യം…

അതു താനറിയണ്ട, ഒന്നു ഞാൻ പറയാം

എന്താ….

ഈ പണിക്ക് കൊച്ചു കുട്ടികളാ… നല്ലത്,

എടോ… കുറച്ചു പ്രായം ഉള്ളവര്, 5 വർഷം താണ്ടുന്നില്ല അതിനു മുന്നേ ചത്തു പോവും.

അയ്യോ…

ഈ 640 പിള്ളേരിൽ 120 എണ്ണം വേഗം തീരും , ബാക്കി ഉള്ളത് കിട്ടും എന്നു കരുതാ…

അപ്പോ ഇവരും അഞ്ച് കൊല്ലം

അല്ലെടോ… ഇതുങ്ങൾ 10-15 വരെ കിട്ടും, അതല്ലെ തന്നാക്കിത്ര കാശ് തരണത്.