🕉️ശിവശക്തി 13🕉️ [ പ്രണയരാജ] 339

കൃഷ്ദുർഗ്ഗ, രാം പുരി, കർഗിവനം, ഭാർഗവപുരം.

ബോഡിൽ വിശേഷിപ്പിച്ച, പോലെ ആ പേരുകളിൽ തന്നെ ഒരു ഭീകരത്വം, എന്തോ… പറഞ്ഞറിയിക്കാനാവാത്ത ഒരു തരം. അത്തരം ചിന്തകൾ ആ വ്യക്തിയെ വേട്ടയാടിയെങ്കിലും ഉറച്ച കാലടിയോടെ അയാൾ മുന്നോട്ടു നടന്നു.

ബോർഡിനരികിൽ നിറയെ കാളവണ്ടികൾ നിർത്തി വെച്ചിട്ടുണ്ട്, അയാൾ കാളവണ്ടി ലക്ഷ്യമാക്കി നടന്നു.

ചേട്ടാ… പോവോ….

എങ്ങോട്ടാ…

കൃഷ്ദുർഗ്ഗ……

അതു കേട്ടതും അയാളുടെ മിഴികൾ ഭയം നിറയുന്നത്, കാണാം. അയാൾ വിയർക്കുന്നുണ്ടായിരുന്നു.

നിങ്ങളാരാ…..

ഞാനൊരു ജേർണലിസ്റ്റ് ആണ് , പേര് അർജുൻ ചന്ദ്രകാന്ത്.

സാറെ, അവിടേക്കാരും പോവാറില്ല, പകരം അവിടുന്ന്, എല്ലാരും രക്ഷപ്പെടാനാ നോക്കാറ്.

എനിക്കവിടേക്കു പോയെ മതിയാവു, കാശെത്രയായാലും കുഴപ്പമില്ല.

സർ, പറഞ്ഞാ… മനസിലാവില്ലെ, എന്തിനാ… ചാവാനായിട്ട് ഇങ്ങോട്ടു വരുന്നത്. അവിടെ പോവുക എന്നാൽ മരിക്കാൻ പോവുക എന്നാണ്.

എനിക്കു പോയെ മതിയാവൂ….

ദാ…. ആ കാണുന്ന വഴിയാ… നേരെ നടന്നോളൂ…

കാശു ഞാൻ എത്ര വേണേലും തരാം…

ജീവനുണ്ടെങ്കിലല്ലേ കാശിൻ്റെ ആവിശ്യം.

ഞാൻ കൊണ്ടു പോകാം…

അതു കേട്ടതും അർജുൻ നോക്കി, വരിയുടെ അവസാനം നിക്കുന്ന കാളവണ്ടി, വൃത്തിഹീനമായ ആ വണ്ടിയിൽ ഒരു 35 വയസ് പ്രായം തോന്നുന്ന വ്യക്തി, മദ്യത്തിൽ ആറാടി നിൽക്കുകയാണ്.

1000 തരുവാണേ… ഞാൻ കൊണ്ടു പോവാം,

ശരി,

ആദ്യം കാശു തന്നെ,

അർജുൻ കാശെടുത്തയാൾക്കു നൽകി,

പിന്നെ സർ, അവിടുള്ള വീടുകളുടെ അടുത്തോരു ചോലയുണ്ട്, അവിടെ ഞാനിറക്കും. പിന്നെ 10 മിനിറ്റ് ദൂരം നിങ്ങൾ നടക്കണം സമ്മതാണേ പോവാം.

ശരി….

അർജുൻ ആ വണ്ടിയിൽ കയറി, ഇരുന്നു. ആ വണ്ടി, അവനെയും ചുമന്ന്, കൃഷ്ദുർഗ്ഗ ലക്ഷ്യമാക്കി മുന്നോട്ടു നീങ്ങുകയാണ്. കുറച്ചു ദൂരം പിന്നിട്ടതും, സന്തോഷത്തിൻ്റെ ശബ്ദങ്ങൾ, ഡോൽ മുഴക്കങ്ങൾ എല്ലാം കേൾക്കാം… അതു ശ്രവിച്ചു കൊണ്ടാണ് യാത്ര, പിന്നെ കേട്ടത് അലമുറ ശബ്ദങ്ങളാണ്, സംഗീതസ്വരങ്ങൾ അസ്തമിച്ചു. പിന്നെ നിശബ്ദത.

അർജുൻ ഒന്നും മനസിലായില്ല അകലെ നിന്നും കേട്ടിരുന്ന ശബ്ദങ്ങളിലെ പെട്ടെന്നുള്ള മാറ്റത്തിൻ്റെ കാരണം അറിയണമെങ്കിൽ അവിടെ എത്തണം, അവനതു മനസിൽ ഉറപ്പിച്ചു. ഒച്ചിഴയുന്നതു പോലെയാണ്, ആ കാളവണ്ടി, നീങ്ങിയത്,  ഏറെ നേരങ്ങൾക്കൊടുവിൽ ആ വണ്ടി നിന്നു.