🕉️ശിവശക്തി 13🕉️ [ പ്രണയരാജ] 339

ആ സമയം ശിവലിംഗത്തിനരികിൽ കൃഷ്ണവേണിയെ കണ്ട് അവിടേക്കോടി വന്നു. ആദ്യം വന്നവൻ ഒടി വന്നു ചവിട്ടിയത് ശിവലിംഗത്തിലാണ്, അതു പൊടിഞ്ഞ് ഒരു മൺകൂനയായി മാറി, അതു കണ്ടതും കൃഷ്ണവേണിയുടെ ഭാവം മാറി….

ഓം നമശിവായ…….

എന്നലറിക്കൊണ്ട് ആ മണ്ണിലേക്കവൾ കൈ കടത്തി, കൈ തിരിച്ചു വലിച്ച ശേഷം, അവളുടെ കൈ അതിവേഗം ചലിച്ചതു മാത്രയിൽ, പിന്നെ കണ്ടത് ശിരസറ്റു കിടക്കുന്ന ഹൈഗ്രി ഗ്രാത്രക്കാരൻ്റെ മൃതശരീരമാണ്. രണ്ടാമതു വന്നിരുന്ന ഗോത്രക്കാരൻ ആ കാഴ്ച്ച കണ്ടതും തിരിഞ്ഞോടി. അടുത്ത ക്ഷണം അവളുടെ കയ്യിലെ ആയുധം അപ്രത്യക്ഷമായി. എല്ലാത്തിനും സാക്ഷ്യം വഹിച്ചത്, ഈ ഗ്രാമവാസികളും .

മുത്തച്ഛാ…

ചന്ദ്രകാന്തം, അതിവിശേഷമായ ആയുധം…..
സമയാനുസൃതമായി വന്നു ചേരുന്ന ദിവ്യാസ്ത്രം.

🌟🌟🌟🌟🌟

ഈ സമയം ലാവണ്യപുരത്ത്, ഒരു വലിയ കൊള്ളിയാൻ വെട്ടി , ചെറിയ തോതിൽ  ഭൂമി കുലുക്കവും അനുഭവപ്പെട്ടു. ശക്തമായ കാറ്റും മഴയും പെട്ടെന്നു പെയ്തിറങ്ങി, അവിടെയാകെ ഒരു ഭീകരാന്തരീക്ഷം വന്നു ചേർന്നു.

വർണ്ണശൈല്യത്തും ഭൂചലനം ചെറിയ തോതിൽ അനുഭവപ്പെട്ടു. കാരണമറിയാത്ത ആ ചലനത്തിൻ്റെ നേർക്കാഴ്ച്ചയ്ക്കായി ഗുരുദേവൻ, ലാവണ്യപുരത്തേക്കു ദൃഷ്ടി പാഴിച്ചു.

ആ സമയം അദ്ദേഹം കണ്ടു, ആ കാഴ്ച്ച, രഹസ്യ വനം പ്രകാശം ഇടവിട്ടു  പരത്തുന്നത്, ആ വനത്തിനരികിൽ ഇരുളിൽ മിന്നാമിനുങ്ങുകളാൽ ഓംകാര ചിഹ്നവും തെളിയുന്നു.

ഗുരുദേവൻ വേഗം ആചാര്യനരികിലേക്ക് യാത്രയായി , നാഗ ബന്ധനം കടന്ന് ഗുരുദേവൻ ആചാര്യനു മുന്നിലെത്തി.

എന്താ… ഗുരുദേവാ….

വീണ്ടും രഹസ്യ വനം പ്രകാശിതമായി, എന്നാൽ ഇടവിട്ടാണ്, പ്രകാശം പരത്തുന്നത്, സംശയങ്ങൾ ഒത്തിരിയുണ്ട്, എന്നാൽ ഒന്നും എവിടേയും എത്തുന്നില്ല.

ഇതു വെറുമൊരു സൂചന മാത്രമാണ്…. എന്തിനു വെറുതെ വ്യാകുലതപ്പെടുന്നു.

സൂചനയോ….

അതെ രണ്ടാം ആയുധം ഉണരാൻ സമയമടുക്കാറായി, അതിൻ്റെ സൂചന മാത്രം.

ഏറ്റവും ദിവ്യമായ അസ്ത്രം ആ വനത്തിൽ ഉള്ളപ്പോ… എന്തിനാ… ഈ ചെറു അസ്ത്രങ്ങൾ ഉണരുന്നത്.

നാം ഒരു ചോദ്യം ചോദിക്കാം ഉത്തരം നൽകാമോ….

തീർച്ചയായും….

ഒരു പക്ഷി, 10 മുട്ടയിട്ടു അടയിരുന്നു… ദിവസങ്ങൾക്കു ശേഷം പത്തു മുട്ടയും വിരിഞ്ഞു , പക്ഷി കുഞ്ഞുങ്ങൾ, വന്ന ശേഷം ഭക്ഷണം ശേഖരിക്കാൻ അമ്മ പക്ഷി യാത്രയായി. ഭക്ഷണവുമായി വന്നാൽ അമ്മ ഏതു കുഞ്ഞിനാവും കൂടുതൽ ഭക്ഷണം നൽകുക…..