🕉️ശിവശക്തി 13🕉️ [ പ്രണയരാജ] 339

വലിയൊരു ലക്ഷ്യമാണ് ഇവളുടെ ജൻമത്തിനു പിന്നിൽ,

ഇവൾക്ക്, ഇടാൻ നാമം വല്ലതും കണ്ടു വെച്ചിട്ടുണ്ടോ….

ഉവ്വ്, കൃഷ്ണവേണി,

നല്ല നാമം, കൃഷ്ണൻ്റെ രാധയ്ക്ക്, കൃഷ്ണനാമം ചേർത്ത പേര്, ബഹു കേമം…

പിന്നീടവിടുന്ന് തമ്പുരാന് ഐശ്വര്യങ്ങളുടെ സമൃദിയുടെയും നാളുകൾ ആയിരുന്നു. അങ്ങനെ കൃഷ്ണവേണിയുടെ മൂന്നാം പിറന്നാളിൻ്റെ അന്ന്, ആകാശത്ത് കൃഷ്ണ പരുന്തുകൾ വട്ടമിട്ടു പറയുകയായിരുന്നു. പരുന്തിനെ കാണാൻ വാശിപ്പിടിച്ചു കരഞ്ഞ കൃഷ്ണവേണിയെ പൂന്തോട്ടത്തിൽ തോഴികളുടെ ഒപ്പം അയച്ചു.

ആ സമയം ഒരു കൃഷ്ണ പരുന്ത്, കൃഷ്ണവേണിക്കരികിൽ വരികയും ഒരു രുദ്രക്ഷം അവളുടെ അരികിൽ ഉപേക്ഷിച്ചു പോവുകയും ചെയ്തു. പിന്നീടുള്ള നാളുകളിൽ , അവളുടെ ഏറ്റവും പ്രിയപ്പെട്ട കളിപ്പാട്ടം ആ രുദ്രാക്ഷമായി മാറി, പതിയെ പതിയെ അഷ്ടാക്ഷരി മന്ത്രത്തിൽ നിന്നും കൃഷ്ണവേണി പഞ്ചാക്ഷരി മന്ത്രത്തിൽ ഉറച്ചു നിന്നു.

ആ സത്യം അറിഞ്ഞ തമ്പുരാന് അതു താങ്ങാനായിരുന്നില്ല. എന്നിരുന്നാലും, പ്രിയ പുത്രിയെ ശകാരിക്കാൻ അദ്ദേഹത്തിനായില്ല. പതിയെ പതിയെ, അവളുടെ പ്രവർത്തികൾ മാറി വന്നു. മണ്ണുകൊണ്ട് അവൾ ശിവലിംഗം നിർമ്മിക്കുന്നത്, ഒരു വിനോദമാക്കിയെടുത്തു, എന്നാൽ തമ്പുരാൻ്റെ നിർദ്ദേശപ്രകാരം , ആ മൺ ശിവലിംഗങ്ങൾ രാത്രിയിൽ നശിപ്പിക്കപ്പെട്ടു.

രാവിലെ താറുമാറായി കിടക്കുന്ന ശിവലിംഗങ്ങൾ നോക്കി കൃഷ്ണവേണി, കണ്ണീരൊഴുക്കും, വീണ്ടും പൂർവ്വാതികം ശക്തിയോടെ, വാശിയോടെ അവൾ കൂടുതൽ ശിവലിംഗങ്ങൾ നിർമ്മിച്ചു തുടങ്ങി. ഒടുക്കം കൊട്ടാര പരിസരത്ത് ശിവലിംഗം നിർമ്മിക്കുന്നതിന് കൃഷ്ണവേണിക്കു തമ്പുരാൻ വക ശാസനം വരെ ലഭിച്ചു.

എന്നിട്ടെന്തുണ്ടായി മുത്തച്ഛാ……

പറയാം കുട്ടിയേ… തിരക്കു കൂട്ടാതെ, അതോടെ കൃഷ്ണവേണി വിനോദം കൊട്ടാരത്തിനു വെളിയിലായി, ദാ ആ കാണുന്ന, സ്ഥലത്ത് മണ്ണു കൊണ്ട് , കൃഷ്ണവേണി ഒരു ശിവലിംഗം പണിതു. ഇവിടുള്ളവരെല്ലാം നാരായണ ഭക്തരല്ലെ, എല്ലാവരും ആ കാഴ്ച്ച അതിശയത്തോടെ ആണ് നോക്കി നിന്നത്.

ആർക്കും അതിഷ്ടമായില്ല, പക്ഷെ എന്തു ചെയ്യാൻ, രാജകുമാരിയല്ലെ, ആ സമയം കൃഷ്ണവേണിക്ക് ഒരു അഞ്ചര വയസു കാണും. എന്നാൻ അതിഷ്ടമാകാത്ത കൽകി എന്നൊരാൾ രാത്രിയിൽ പതിവായി ആ ശിവലിംഗത്തിന് ചെറിയ കേടുപാടുകൾ വരുത്തിവെക്കും, പൂർണ്ണമായി നശിപ്പിച്ചാൽ പിടിക്കപ്പെട്ടാലോ എന്നു ഭയന്നു.

പക്ഷെ, ആ ശിവലിംഗത്തിൻ്റെ കേടുപാടുകൾ കൃഷ്ണവേണി, പുതുക്കി പണിതു കൊണ്ടിരുന്നു. അതു കാരണം ശിവലിംഗത്തിൻ്റെ വലിപ്പവും വർദ്ധിച്ചു തുടങ്ങി. അങ്ങനെ ഇരിക്കെ ഒരു ദിവസം ബലിക്കൊരു കുഞ്ഞിനെ തേടി ഗോത്രവർഗ്ഗക്കാർ രണ്ടു പേർ നാട്ടിലേക്കിറങ്ങി. അന്ന് കൃഷ്ണവേണിക്ക് ആറര വയസ്