🔺🔻ജോക്കർ 5️⃣ [𝓢𝓪𝓲 𝓥 𝓐𝓼𝓱𝓪𝓷] 3288

“കാൾ ടാപ്പ് ചെയ്യാൻ തീരുമാനിച്ചതിനു ശേഷം ആ 8 നമ്പറിൽ നിന്നും ഒരു കാൾ പോലും പുറത്തേക് പോയിട്ടില്ല…. ഒരു കോളും വന്നിട്ടും ഇല്ല… കേരളത്തിന്റെ പല ഭാഗത്തു ഉള്ള അവരൊക്കെ ഇന്ന് രാത്രിയോടെ കോഴിക്കോട് എത്തിയിട്ടുണ്ട്….”

“തമ്മിൽ യാതൊരു കമ്മ്യൂണിക്കേഷനും ഇല്ലാതെ അവർ എങ്ങനെ ഒരേ സമയം കോഴിക്കോട് എത്തി….??”

“അത് തന്നെയാ ഞാനും ചിന്തിക്കുന്നത്…..”

“നിങ്ങൾക്ക് ഈ വാട്സാപ്പ് കാൾ മെസേജ് ഒക്കെ ടാപ്പ് ചെയ്യാൻ പറ്റുമോ….??”

മറിയത്തിന്റെ മുഖത്ത് ചെറിയൊരു തെളിച്ചം…..

“അതിനു സ്പെഷ്യൽ പെർമിഷൻ ഒക്കെ വേണം…..” 

“മ്മ്… ഈ എട്ടു നമ്പറിൽ SP യുടെ നമ്പർ ഏതാ എന്ന് ഐഡന്റിഫൈ ചെയ്തോ???”

“എനിക്ക് ഒരു ഊഹം ഉണ്ട്… അതിൽ ഒരു നമ്പർ ഇന്ന് കൽപ്പറ്റ വെച്ചു ഓൺ ആയിരുന്നു… SP ഇന്ന് കൽപ്പറ്റ ഉണ്ടായിരുന്നു… പക്ഷെ ഒറപ്പിക്കാൻ വയ്യ….”

“അതിനിപ്പോ എന്താ… മിനിസ്റ്ററുടെ നമ്പർ ട്രാക്ക് ചെയ്ത പോലെ ഇതും ചെയ്യലോ…. SP യുടെ ഒറിജിനൽ നമ്പർ നിനക്കു അറിയാവുന്നതല്ലേ….”

“അത് നടക്കില്ല എട്ടാ…. SP യുടെ നമ്പറിന്റെ കാൾ ഡാറ്റ എടുക്കുമ്പോ തന്നെ അയാൾ അറിയില്ലെ…. ഞാൻ പിന്നെ അയാളുടെ നോട്ട പുള്ളി ആകും….”

“അതും ശെരിയാ… നിങ്ങള് പോലീസ്‌കാർക്ക് അല്ലാതെ വേറെ ആർക്കേലും ഈ കാൾ ഡാറ്റ കിട്ടുമോ…. അല്ല അങ്ങനെ വല്ലോം ഉണ്ടേൽ അവർ മുഖേന നോക്കാരുന്നു…”

മറിയത്തിന് മുന്നിൽ അടഞ്ഞ ഒരു വാതിൽ കൂടി തുറക്കപ്പെട്ടു …

************************************************