🔺🔻ജോക്കർ 5️⃣ [𝓢𝓪𝓲 𝓥 𝓐𝓼𝓱𝓪𝓷] 3288

“ഒരു ചായ അടിക്കുന്ന അത്ര വല്യ കാര്യം ഒന്നും അല്ലാലോ നിന്റെ ഈ കേസ്….. നീ എന്നെ അങ്ങനെ അണ്ടർ എസ്റ്റിമേറ്റ് ചെയ്യാതെ…”

“അയ്യോ.. ഒരു അണ്ടർ എസ്റ്റിമേറ്റും ഇല്ലേ …  നിങ്ങടെ അത്രേം കുരുട്ട് ബുദ്ധി വേറെ ആർക്കും ഞാൻ കണ്ടില്ലാ… പിന്നെ ഇത് ഞങ്ങള് പോലീസുകാരുടെ പണി ആണല്ലോ… വെറുതെ എന്തിനാ ചേട്ടനെ ബുദ്ധിമുട്ടിക്കണേ എന്ന് കരുതിയ….”

“അയ്യ്… ആ പറഞ്ഞത് നമുക്ക് ഈശ്ശി ബോധിച്ചിരിക്കുണു..…..”

“എന്തോന്ന്….”

“കുന്തം…. നീ കാര്യം പറ പെണ്ണെ….”

“ഏട്ടൻ പറഞ്ഞ കാര്യം ഞാൻ ഇന്നലെ ചെക്ക് ചെയ്ത്… ഏട്ടന്റെ ഊഹം ശരിയായിരുന്നു… ആ നമ്പർ മിനിസ്റ്ററുടെ ലൊക്കേഷനുമായിട് എക്സാക്ട് മാച്ച് ആണ്…”

“എന്നിട്….??”

കാൾ ലിസ്റ്റിൽ SP യുടെ നമ്പർ കണ്ടതും SP യുടെ സംശയം തോന്നിക്കുന്ന പെരുമാറ്റവും ഒടുക്കം എല്ലാ നമ്പർസും ടാപ്പ് ചെയ്യാൻ നിർദ്ദേശിച്ചതും ഒക്കെ മറിയം വിജയേട്ടനോട് പറഞ്ഞു…

“ഇത്രേ ഉള്ളു….എന്തായാലും കാൾ ടാപ്പ് ചെയ്യുന്നുണ്ടല്ലോ…. അപ്പൊ അറിയാലോ… നിന്റെ സംശയം ശെരിയാണോ എന്ന്….”

“കുറച്ചു മുൻപ് വരെ സംശയമേ ഉണ്ടായിരുന്നുള്ളു… ഇപ്പൊ എനിക്ക് ഉറപ്പാണ്…  അത് അയാള് തന്നെയാ….”

“ഏഹ്ഹ്…..???”