??ജോക്കർ 5️⃣ [??? ? ?????] 3288

പുൽപള്ളി പോലീസ് സ്റ്റേഷൻ

 

ഹർഷന്റെ ഫോൺ റിങ് ചെയ്തു..….

‘Rishika calling….’

“എന്തായി ഋഷിക….???”

“സർ കാർ കണ്ടെത്തിയിട്ടുണ്ട്… പക്ഷേ അഡ്വക്കേറ്റിനെ കുറിച്ചോ ഡ്രൈവറെ കുറിച്ചോ യാതൊരു വിവരവും ഇല്ല….”

“കാർ ലോക്ക്ഡ് ആണോ…”

“അതേ സർ..”

“ഋഷിക അവിടെ തന്നെ ഉണ്ടാവണം… ഞാൻ ഉടനെ എത്താം… അപ്പോഴേക്കും ചുറ്റുവട്ടത്തുള്ള cctv ക്യാമറാസ് ഒക്കെ ഒന്ന് ചെക്ക് ചെയ്യു….”

“ഓക്കേ സർ…”

 

കാർ കണ്ടെത്തിയ വിവരം ഹർഷൻ ഉടൻ തന്നെ റിപ്പോർട്ട് ചെയ്ത്…

SP സച്ചിൻ ASP കാർത്തിക്, കൽപ്പറ്റ ASP അഞ്ജന തുടങ്ങി ജോക്കർ കേസിൽ ഉൾപ്പെട്ട പോലീസിലെ ഉന്നത ഉദ്യോഗസ്ഥരുടെ വൻ നിര തന്നെ പുൽപ്പള്ളി സ്റ്റേഷൻ ലക്ഷ്യമാക്കി തിരിച്ചു…..

************************************************

Unknown location

റൂമിലെ ഭാരമേറിയ ഇരുമ്പ് വാതിൽ തുറക്കുന്ന ശബ്ദം കെട്ടാണ് അരുന്ധത്തി തല ഉയർത്തിയത് ….

മുപ്പത്തിനോട് അടുപ്പിച്ചു പ്രായം തോന്നിക്കുന്ന ഒരു ചെറുപ്പക്കാരൻ…. കണ്ണിൽ കുസൃതിയും ചുണ്ടിൽ ചെറു ചിരിയുമായി മുന്നിൽ ….

 

“എന്താ വക്കീലേ പേടിച്ചു പോയോ…..”

“നീ നീ ആരാ …. എന്തിനാ എന്നെ…..”

“ധൃതിപ്പെടാതെ വക്കീലേ…. നമുക്ക് പരിചയപ്പെടാൻ ഒരുപാടു സമയം ഉണ്ട്…. അതല്ല വിളിക്കാൻ ഒരു പേരു നിർബന്ധം ആണെങ്കിൽ ജോക്കർ എന്ന് വിളിച്ചോളൂ…..”

“ജോക്കർ….” അരുന്ധത്തിയുടെ കണ്ണുകളിൽ ഭയം…..

“അതേ… ജോക്കർ… ഈ നാട് ഇപ്പൊ എന്നെ അങ്ങനെയാ വിളിക്കുന്നത്….വക്കീലിന് വിശക്കുന്നില്ലേ….. നേരം ഉച്ചയായി… ഇത് കഴിക്ക്…”

 

കയ്യിലിരുന്ന പത്രത്തിൽ ചൂട് പുലാവ്….

 

“എനിക്ക് വേണ്ട… എന്നെ.. എന്നെ വെറുതെ വിട്ടാൽ മതി….”

“അതെന്ത് വർത്താനാ..… ഇത്രടം വരെ വന്നിട്ട് ഇത്ര പെട്ടെന്ന് പോകുവാന്നു പറഞ്ഞാൽ…. വക്കീലിന് തിരക്ക് ആയോ പോവാൻ….… രണ്ടീസം ഇവിടെ നിന്നിട്ട് പോകാം….

വക്കീലിന് എന്താ വേണ്ടതെന്നു വെച്ചാൽ പറഞ്ഞാൽ മതി… അടുത്ത സെക്കൻഡിൽ ഇവിടെ എത്തും…… ഇവിടുന്നു പുറത്തു കടക്കുന്നതൊഴിച്ചു…..” അയാളുടെ കണ്ണുകളിൽ ചുകപ്പ് നിറഞ്ഞു…. അരുന്ധതിയുടെ ഉള്ളിൽ കൊള്ളിയാൻ മിന്നി….

************************************************