🔺🔻ജോക്കർ 5️⃣ [𝓢𝓪𝓲 𝓥 𝓐𝓼𝓱𝓪𝓷] 3288

ബാൽക്കണിൽ നിന്ന് പ്രഭാത സൂര്യനു പുഞ്ചിരി സമ്മാനിച്ചു കൊണ്ട് അവൾ പതിയെ കോഫി കുടിച്ചു….

റെസ്‌റ്റോറന്റിൽ നിന്നും ബ്രേക്ക് ഫാസ്റ്റ് കഴിച്ചു തിരിച്ചു റൂമിലേക്ക് പോകുമ്പോൾ അരുന്ധത്തിയുടെ ഫോൺ റിങ് ചെയ്തു….…..

 

”ഹലോ ആരാ ….”

“വക്കീലേ ഇത് ഞാനാ ബ്രോക്കർ സണ്ണി…… സ്ഥിരം വിളിക്കുന്ന നമ്പർ റീചാർജ് ചെയ്യാൻ വിട്ടു പോയി. ഞാൻ ഇവിടെ എസ്റ്റേറ്റ് എത്തുന്നതിനു തൊട്ടു മുൻപുള്ള ജംഗ്ഷനിൽ നില്ക്കുവാ…. വക്കീൽ എത്താറായോ….”

“ഇല്ല… ഞാൻ എഴുന്നേൽക്കാൻ കുറച്ചു ലേറ്റ് ആയി.. ഒരു 10 മിനിറ്റ് കൊണ്ട് ഹോട്ടലിന് ഇറങ്ങും.. ”

“ആണോ…. അത് കൊഴപ്പുല്ല ഞാൻ വെയിറ്റ് ചെയ്യാം…..”

“മ്മ്…… സണ്ണി… ഞാൻ ഇന്നലെ പറഞ്ഞ കാര്യം…..???”

“50 ലക്ഷത്തിൽ കുറയും എന്ന് എനിക്ക് തോന്നുന്നില്ല മാഡം… ഇത് തന്നെ മാർക്കറ്റ് വിലയെക്കാൾ കുറവാണു… ”

“സണ്ണി വിചാരിച്ചാൽ നടക്കും… 50 ലക്ഷത്തിൽ നിന്ന് എത്ര കുറയുന്നോ അതിന്റെ 20 ശതമാനം സണ്ണിക്ക് ഞാൻ തരും….”

“ഏഹ്…. നമ്മക് വഴി ഉണ്ടാക്കാം മാഡം”

“മ്മ്….”

 

“വക്കീലേ ഒരു കാര്യം… വക്കീൽ എങ്ങനാ വരുന്നേ… കാറിൽ ആണോ….”

“ആ അതേ… എന്താ???”

“ഇവിടെ ഇന്നലെ തൊട്ടു നല്ല മഴയ…. എസ്റ്റേറ്റിലേക്കുള്ള റോഡ് മുഴുവൻ കൊളം ആയി കിടക്കുവാ… കാർ പോവും എന്ന് തോന്നുന്നില്ല…. ” ശക്തമായ മഴയുടെ ശബ്ദം ഫോണിലൂടെ കേൾക്കാമായിരുന്നു….

“അയ്യോ ഇനിയിപ്പോ എന്താ ചെയ്യാ…..???”

“മാഡത്തിന് എസ്റ്റേറ്റ് നേരിട് കാണണം എന്ന് പറഞോണ്ട അല്ലെങ്കിൽ വേറെ എവിടെയെങ്കിലും വെച് കൂടാമായിരുന്നു….”

“എനിക്ക് എന്തായാലും പ്രോപ്പർട്ടി കാണണം…”

“മാഡം ഒരു കാര്യം ചെയ്യു… പുൽപള്ളി ടൗണിൽ എത്തുമ്പോ ഒന്ന് വിളിക്കു… ഞാൻ എസ്റ്റേറ്റ് ലെ വണ്ടി കിട്ടുവോ എന്ന് നോക്കട്ടെ…..”