🔺🔻ജോക്കർ 5️⃣ [𝓢𝓪𝓲 𝓥 𝓐𝓼𝓱𝓪𝓷] 3288

ഹോട്ടൽ മഹാരാജ, കോഴിക്കോട്…

“സർ… കൌണ്ടർ ക്ലോസ് ചെയ്യാറായി…..” അറ്റെൻഡർ രാഹുലിനെ തട്ടി വിളിച്ചു….

“One more rum please…..”

ആടിക്കുഴഞ്ഞു കൊണ്ട് അടുത്ത പെഗ് കൂടി കയറ്റി ബില്ലും പേ ചെയ്ത് പുറത്തു പാർക്കിങ്ങിലുള്ള കാറിനു നേരെ നടന്ന രാഹുൽ കാൽ തെറ്റി നിലത്തേക്ക് വീണു…. നിലം തൊടുന്നതിനു മുന്നേ രാഹുലിന്റെ ഡ്രൈവർ രാഹുലിനെ താങ്ങി പിടിച്ചു….

“സർ… സൂക്ഷിച്ചു…..”

“അത് തന്നെയാ ഞാനും പറയുന്നേ…. സൂക്ഷിച്ചു നടക്കണം…..”

ഡ്രൈവർ രാഹുലിനെ കാറിന്റെ ഡോർ തുറന്ന് പുറകിലെ സീറ്റിലേക്ക് ഇരുത്തി….

 

“ടോ… താൻ ഓക്കേ ആണോ…. ഞാൻ ഓടിക്കണോ????”

“വേണ്ട സർ…..”

“ആമ്മ്മ്…….”

 

കാർ ഹോട്ടലിന്റെ ഗേറ്റ് കടക്കുമ്പോഴേക്കും ഒരു പോലീസ് ജീപ്പ് കാറിനു വട്ടം വന്നു നിർത്തി….

************************************************

12.00 am

മെഡിക്കൽ കോളേജ് പോലീസ് സ്റ്റേഷൻ….

സച്ചിൻ ദേഷ്യം കൊണ്ട് അടിമുടി വിറക്കുകയാണ്….

 

“ഇത്ര ചെറിയ ഒരു കാര്യം പോലും നേരാംവണ്ണം ചെയ്യാൻ കഴിയില്ലെങ്കിൽ പിന്നെ നിങ്ങളൊക്കെ എന്തിനാ കാക്കിയും ഇട്ടോണ്ട് നടക്കുന്നെ….. ഇത്തിരി ഇല്ലാത്ത ഒരു ചെറിയ പെണ്ണിന്റെ മുന്നിൽ പോയി നാണം കേട്ട് വന്നിരിക്കുന്നു….”

 

“സർ… പാതി രാത്രി ലേഡീസ് ഹോസ്റ്റലിൽ ചെന്നു ഒരു പെൺകുട്ടിയെ സംശയത്തിന്റെ പേരിൽ ബലമായി പിടിച്ചു കൊണ്ട് വരിക എന്ന് പറഞ്ഞാൽ പ്രാക്ടിക്കലി പോസ്സിബിൾ അല്ല സർ…. അശ്രിത മെഡിക്കൽ കോളേജ് യൂണിയൻ ചെയർപേഴ്സൺ ആണ്… സ്റുഡന്റ്‌സ് മൊത്തം ഇളകും… പിന്നെ മീഡിയ വെറുതെ ഇരിക്കില്ല…. ആ സ്ഥിതിക്ക്….”

 

“മ്മ്….. ബുൾഷിറ്റ്….”

 

“പിന്നെ Dr രാഹുൽ ഞങ്ങൾ എത്തുമ്പോഴേ കുടിച്ചു ബോധം ഇല്ലായിരുന്നു…. ആ അവസ്ഥയിൽ മറ്റൊന്നും ചെയ്യാൻ കഴിയില്ലായിരിന്നു… ഡോക്ടർനെ ഫ്ലാറ്റിൽ ആക്കിയിട്ടുണ്ട്… രണ്ടു പോലീസുകാരെ അവിടെ പോസ്റ്റ് ചെയ്തിട്ടുണ്ട്….”

ASP കാർത്തിക്കിന്റെ എക്സ്പ്ലനേഷൻ സച്ചിന് സ്വീകാര്യം അല്ലെങ്കിലും മറ്റൊരു വഴിയും ഇല്ലാത്തതിനാൽ സച്ചിൻ അടങ്ങി….

************************************************