യൂട്യൂബ് വ്ലോഗിങ് കില്ലർ [Elsa2244] 78

ഇതിൽ ഏത് വിവരണമാണ് യാഥാർത്ഥ്യം എന്ന് കണ്ടുപിടിക്കുക പ്രയാസമാണ്. ഷോപ്പിലെ സെക്യൂരിറ്റി ക്യാമറകളിൽ നിന്നുള്ള വിഷ്വലുകൽ പോലീസ് സീസ് ചെയ്തതിനാൽ ഇനി അവ ആർക്കും കാണാൻ സാധിക്കില്ല.

വലതു വശത്തെ നിരയിൽ വച്ച് റാണ്ടി ബ്രയാനെ ഷൂട്ട് ചെയ്തു. അദ്ദേഹത്തിൻ്റെ തലയിലും, മുതുകിലും, കൈകളിലും, നെഞ്ചിലും ബുള്ളറ്റുകൾ തറച്ചു. ഓടാൻ ശ്രമിക്കുന്നതിനു ഇടയിൽ റാണ്ടി തൻ്റെ മുതിർന്ന സഹ പ്രവർത്തകൻ ആയ ടെറിയെ പുറകിൽ നിന്ന് വെടിവെച്ചു.

കൃസ്റ്റൻ പറയുന്നത് പ്രകാരം ഇതെല്ലാം നടക്കുമ്പോഴും അവൾക്ക് നിന്ന സ്ഥലത്ത് നിന്ന് അനങ്ങാൻ സാധിച്ചിരുന്നില്ല. അവളുടെ ശരീരം മരവിച്ച് പോയിരുന്നു. സ്വബോധം വീണ്ടെടുത്ത ശേഷം അവള് വിക്ടോറിയയുടെ അടുത്തേക്ക് ഓടി ചെന്നു. ശരീരത്തിൽ മാരകമായ മുറിവുകൾ ഉണ്ടായിട്ടും വളരെ വീക്ക് ആയ നിലയിൽ വിക്ടോറിയക്ക് പൾസ് ഉണ്ടെന്ന് കൃസ്റ്റൻ കണ്ടെത്തി. അവള് തൻ്റെ ഫോണിൽ നിന്ന് എമർജൻസി നമ്പറിലേക്ക് കോൾ ചെയ്ത് തൻ്റെ അപകട നില വിവരിച്ചു.

തുടർന്ന് അവള് ഷോപ്പിലെ സെൽഫ് സ്കാനറുകൾ വച്ച ഇടത്തേക്ക് പോയി. ഇതിനിടയിൽ കൂടുതൽ വെടിയൊച്ചകൾ അവൾക്ക് കേൾക്കാമായിരുന്നു. സ്‌കാനറുകൾ ഉള്ള സ്ഥലത്ത് നിന്ന് റാണ്ടി എവിടെയാണ് എന്നതിൻ്റെ ഏകദേശ രൂപം അവൾക്ക് മനസിലായി. അവള് ഒന്നുകൂടി വ്യക്തമായി കാണാൻ മുന്നോട്ട് പോയപ്പോൾ റാണ്ടി തനിക്ക് എതിർവശം തിരിഞ്ഞ് നിൽക്കുന്നതായി അവള് കണ്ടു. തൻ്റെ എല്ലാ ധൈര്യവും സംഭരിച്ച് അവള് ഷോപ്പിൻ്റെ പ്രധാന വാതിലിന് നേരെ ഓടി. ജീവൻ രക്ഷിക്കാൻ ഉള്ള അവസാന ശ്രമം എന്ന നിലയിൽ വാതിലിന് മുന്നിൽ വച്ചിരുന്ന പാലറ്റ്കൾ ഒരു വിധം അവള് തള്ളി മാറ്റി. പക്ഷേ അവളെ ഞെട്ടിച്ച് കൊണ്ട് ആ വാതിലുകൾ പൂട്ടിയിരുന്നു എന്ന സത്യം അവള് മനസ്സിലാക്കി. തോറ്റ് കൊടുക്കാൻ മനസ്സ് വരാതെ കൃസ്റ്റൻ തൻ്റെ സർവ്വ ശക്തിയും എടുത്ത് തോളുകൊണ്ട് വാതിൽ തള്ളി തുറന്ന് പുറത്തെ പാർക്കിംഗ് ലോട്ടിലേക്ക് ഓടി. പുറത്ത് എത്തിയിട്ടും താൻ സുരക്ഷിതയല്ല എന്ന് അവൾക്ക് അറിയാമായിരുന്നു. പുറത്ത് പാർക്ക് ചെയ്ത റാണ്ടിയുടെ കാറും മറികടന്ന് അവള് ഓടി. തുടർന്ന് ലോട്ടിൻ്റെ പുറകിലായി ഉള്ള കുറ്റി ചെടികൾക്ക് പിറകിൽ പോലീസുകാർ വരുന്നത് വരെ ഒളിച്ചിരുന്നു.

ഷോപ്പിനുള്ളിൽ റാണ്ടി തൻ്റെ പദ്ധതി പൂർത്തിയാകുന്ന തിരക്കിൽ ആയിരുന്നു. കൃസ്റ്റൻ ഒഴിച്ച് തൻ്റെ സഹപ്രവർത്തകരെ മുഴുവൻ കൊലപ്പെടുത്തിയ ശേഷം അവൻ ഉള്ളിലെ ഷെൽഫുകളിലും മറ്റ് സാധങ്ങളിലും വെടിയുതിർത്തു. ഷോപ്പിനുള്ളിലെ ചെറിയ പ്രോപ്പൈൻ ടാങ്കുകൾ പൊട്ടി തെറിക്കും എന്നും ഷോപ്പ് നശിക്കുകയും താനും അതിൽ ഉൾപ്പെട്ട് മരിക്കും എന്ന പ്രതീക്ഷയോടെ അവൻ അവക്ക് നേരെ വെടിവച്ചു. പക്ഷേ അവ പൊട്ടി തെറിച്ചില്ല. തുടർന്ന് തൻ്റെ ദേഹം വെടിയാൻ സമയമായി എന്ന് സ്വയം തീരുമാനിച്ച റാണ്ടി വളരെ ശാന്തനായി തൻ്റെ തലയിലേക്ക് വെടിയുതിർത്ത് ആത്മഹത്യ ചെയ്തു. ഈ കുറഞ്ഞ സമയത്തിനുള്ളിൽ ഒരേ ഒരു തോക്കിൽ നിന്ന് 59 ബുള്ളറ്റുകൾ ആണ് റാണ്ടി ഫയർ ചെയ്തത്.