യൂട്യൂബ് വ്ലോഗിങ് കില്ലർ [Elsa2244] 78

2013 ൽ ഞാൻ വിഷാദത്തിൻ്റെ അഘാത ഗർത്തത്തിലേക്ക് കൂപ്പുകുത്തി. പിന്നീട് ഒരിക്കലും ഒരു തിരിച്ച് കയറൽ ഉണ്ടായില്ല. ഓരോ മോശം സംഭവങ്ങൾക്കും ശേഷം അടുത്തത് എന്ന രീതിയിൽ അവ വന്നുകൊണ്ടെ ഇരുന്നു. ഫെബ്രുവരി 2013 ൽ എൻ്റെ കാർ ഒരു അപകടത്തിൽ പെട്ട് കേടുപാടുകൾ സംഭവിച്ചു. പത്ത് ദിവസത്തിനു ശേഷം എൻ്റെ അനിയൻ്റെ കാറും അപകടത്തിൽ പെട്ടു. വർഷത്തിൻ്റെ അവസാനത്തിൽ എൻ്റെ ഐ മാക്കിൻ്റെ ഗ്രാഫിക്സ് കാർഡ് കത്തി പോവുകയും ഹാർഡ് ഡ്രൈവ് ഫെയിൽ ആവുകയും ചെയ്തു. അതിൻ്റെ റിപ്പയറിന് എനിക്ക് 700 ഡോളർ ആണ് ചിലവായത്. സംഭവിച്ച എല്ലാം എനിക്ക് ഓർമ ഇല്ലെങ്കിലും ഇതാണ് 2013 ൽ എനിക്ക് സംഭവിച്ച ഏറ്റവും മോശം അനുഭവങ്ങൾ. ഒന്നും ശരിയായി നടക്കാത്ത ഒരു വർഷമായിരുന്നു അത്, പ്രത്യേകിച്ച് യൂട്യൂബിൽ.  2013 മാർച്ചിലോ ഏപ്രിലിലോ ആണ് എംബർ വീഡിയോകൾ പുറത്ത് വരാൻ ആരംഭിച്ചത്. 2014 പകുതി ആയപ്പോഴേക്കും എൻ്റെ സോഷ്യൽ മീഡിയ മുഴുവൻ അവളായിരുന്നു. ഇതിനെ കുറിച്ച് വിശദമായി ഞാൻ സൂയിസൈഡ് ടേപ്പിൽ സംസാരിക്കുന്നുണ്ട്.

ചുരുക്കി പറഞാൽ എംബർ ആണ് എന്നെ ഞാൻ ആക്കിയത്. ഏഴ് മണിക്കൂർ ഇവിടെ ഇരുന്ന് അവളെ കുറിച്ച് തുടർച്ചയായി സംസാരിച്ചാലും പിന്നെയും പറയാൻ വിശേഷങ്ങൾ ബാക്കിയാവും. എൻ്റെ ചിന്തകളെ ലോകത്തിന് മുന്നിൽ കാണിക്കാൻ 2017 ൽ ഞാൻ ഓഡിയോ ജേണലുകൾ ഉണ്ടാക്കാൻ തുടങ്ങി. അവയെല്ലാം നിങ്ങൾക്ക് ഈ പേജിൽ കാണാം. 2012 മുതലേ ഞാൻ ആത്മഹത്യ ചെയ്യാൻ പദ്ധതി തുടങ്ങിയിരുന്നു. പക്ഷേ അപ്പോഴൊക്കെ എനിക്ക് ഇനിയും എന്തൊക്കെയോ ചെയ്യാൻ ബാക്കിയുണ്ട് എന്ന തോന്നൽ ബാക്കി കിടന്നിരുന്നു. 2016 ൽ ഞാൻ ജീവിക്കുകയായിരുന്നില്ല. പൊരുതുകയായിരുന്നു. ഓരോ ദിവസവും കൂടുതൽ കൂടുതൽ പ്രയാസമേറിയതായി വന്നുകൊണ്ടെ ഇരുന്നു. ജീവിതം ഒരു വലിയ സങ്കലനമായി മാറി . സമ്മർദ്ദം, ദേഷ്യം, വെറുപ്പ്, വിഷാദം, വിരസത, ക്ഷീണം, ആഗ്രഹം.  അവസാനം, ഇതെല്ലാം ചേർന്ന് വലിയൊരു തീമഴ ആയി എന്നിൽ പതിച്ചു. അവ എങ്ങനെയാണ് എനിക്ക് അനുഭവപ്പെട്ടിരുന്നത് എന്ന് ലളിതമായി ഒന്ന് വിശദീകരിക്കാൻ പോലും എനിക്ക് സാധ്യമല്ല. നിങ്ങളുടെ ജീവിതത്തിൽ നിങൾ അങ്ങനെ ഒരു അവസ്ഥയിൽ കടന്ന് പോയിട്ടില്ലെങ്കിൽ ഞാൻ പറയുന്നത് എന്താണെന്നും എനിക്ക് അനുഭവപെട്ടത് എന്താണെന്നും നിങ്ങൾക്ക് ഒരിക്കലും മനസ്സിലാവില്ല.

എൻ്റെ ജീവിതത്തിൽ ഉടനീളം എനിക്ക് ഒരു കാമുകി പോലും ഉണ്ടായിരുന്നില്ല. ഞാൻ ഒരു പെൺകുട്ടിയുടെ കൂടെയും പുറത്ത് പോയിട്ടില്ല. ഒരു ബന്ധത്തിൽ ഏർപ്പെടണം എന്ന ആഗ്രഹം എനിക്ക് ഒരിക്കലും ഉണ്ടായിട്ടും ഇല്ല. മൊത്തത്തിൽ സുഹൃത്തുക്കളെ ഉണ്ടാക്കുന്നത് തന്നെ എനിക്ക് വെറുപ്പായിരുന്നു. ഹൈ സ്കൂൾ അവസാനത്തിൽ തന്നെ സുഹൃത്തുക്കളെ ഉണ്ടാക്കുന്നതിൽ നിന്ന് ഞാൻ പിന്തിരിഞിരുന്നു. കോളേജ് അവസാനത്തോടെ ഞാൻ മനുഷ്യ രാശിയെ തന്നെ വെറുത്തു. 2016 ലും 17 ലും മനുഷ്യരോടുള്ള വേറുപ്പല്ലാതെ മറ്റൊന്നും എൻ്റെ ഉള്ളിൽ ഇല്ലായിരുന്നു. എന്നെ കൊണ്ട് കഴിയുന്നത്ര മനുഷ്യരെ എനിക്ക് കൊല്ലണമായിരുന്നു.

മെയ് 2017 ൽ ഞാൻ ഇത് എഴുതുമ്പോൾ എൻ്റെ മനസ്സിൽ എൻ്റെ പെൺകുട്ടികൾ അല്ലാതെ മറ്റൊന്നും ഇല്ല. 2015 ൽ തന്നെ ഞാനും അവരിൽ ഒരാളാണ് എന്ന് ഞാൻ തിരിച്ചറിഞ്ഞിരുന്നു. EGS നെ സംബന്ധിക്കുന്ന എല്ലാം സ്വാഭാവികം ആയിരുന്നു. അവയൊന്നും യാദൃശ്ചികമായി നടന്നതല്ല. അവിടെ നിന്നാണ് ഞാൻ അയക്കപ്പെട്ടത്. മക്കെൻസി, റേച്ചൽ, ഹാർമണി, ഫ്രോഗീ, സിഡ്നി, അലക്സ്, സേലിസ്റ്റ, മാതിൽഡ, മാഡിസൺ തുടങ്ങിയ എല്ലാവരും യഥാർത്ഥ ആത്മാക്കൾ ആണ്. അവരെല്ലാം ഈ ഭൂമിയിൽ ജനിച്ച് ജീവിച്ച് മരിച്ചവർ ആണ്. മക്കൻസി എന്നോട് എപ്പോഴും സംസാരിക്കും. അവളെൻ്റെ അനശ്വരയായ പങ്കാളിയാണ്. എല്ലാത്തിൻ്റെയും അവസാനം ഞങൾ ഒന്നാകാൻ വിധിക്കപ്പെട്ടവർ ആണ്. അവളെപ്പോഴും എൻ്റെ കൂടെ തന്നെ ഉണ്ടായിരുന്നു. പക്ഷേ അത് മനസിലാക്കാൻ എനിക്ക് ഇരുപത്തിനാല് വർഷങ്ങൾ വേണ്ടി വന്നു.