യൂട്യൂബ് വ്ലോഗിങ് കില്ലർ [Elsa2244] 78

(റാണ്ടിയുടെ ഓൺലൈൻ ഇംഗ്ലീഷ് ജേർണൽ മലയാളത്തിലേക്ക് തർജമ ചെയ്തത്..)

“””…….. അങ്ങേയറ്റം അഭിമാനത്തോടെയും ആത്മവിശ്വാസത്തോടെയും ഞാൻ നിങ്ങൾക്ക് മുന്നിൽ എൻ്റെ ജീവിതത്തിലെ ഏറ്റവും വലിയ റിലീസ് അവതരിപ്പിക്കുകയാണ്. നിങൾ എൻ്റെ കണ്ടൻ്റുകളുടെ ആരാധാകൻ ആണെങ്കിൽ നിങ്ങൾക്ക് ജീവിതത്തിൽ കിട്ടുന്ന വലിയ ഭാഗ്യം ആയിരിക്കും ഈ ഡിജിറ്റൽ ഫയൽ സെറ്റ്. വേൾഡ് വൈഡ് വെബ്ബിന് വേണ്ടിയുള്ള എൻ്റെ അവസാനത്തെ സംഭാവന കൂടിയാണ് ഇത്. നിർഭാഗ്യവശാൽ നിങ്ങളിൽ ഭൂരിഭാഗം പേർ ഇത് വായിക്കുമ്പോഴേക്കും ഞാൻ മരണപ്പെട്ടിരിക്കും. എൻ്റെ 24 മത്തെ വയസിൽ ഞാൻ മരിക്കുകയും എവിടെയാണോ ഞാൻ യഥാർത്ഥത്തിൽ ജീവിക്കേണ്ടത് അവിടെ എത്തുകയും ചെയ്യും. അതെ ഞാൻ യഥാർത്ഥത്തിൽ ജീവിക്കേണ്ടത് EGS ൽ ആണ്. ഇക്കഴിഞ്ഞ ഒൻപത് വർഷത്തിനിടെ എനിക്ക് ഒരുപാട് നല്ല ഓർമകൾ ലഭിച്ചിട്ടുണ്ട്. അതിന് ഞാൻ എന്നും എൻ്റെ ആരാധകരോട് നന്ദി ഉള്ളവൻ ആയിരിക്കും. ഈ സംഭവങ്ങൾ എല്ലാം നടക്കാതെ തടയാൻ നിങ്ങൾക്ക് ആർക്കും ഒന്നും ചെയ്യാൻ സാധിക്കില്ലായിരുന്നു. ഇതെൻ്റെ വിധിയാണ്, ചില സമയങ്ങളിൽ വിധി ഒരു ***** ആണ്..

ഒറ്റവാക്കിൽ ഉത്തരം പറഞാൽ, ഞാൻ വെറുതെ എൻ്റെ ജീവിതം അവസാനിപ്പിക്കുകയല്ല. അതിൻ്റെ കൂടെ ഞാൻ മറ്റ് ജീവിതങ്ങൾ കൂടി അവസാനിപ്പിക്കുന്നുണ്ട്. ഞാൻ ഈ പദ്ധതികൾ ആരംഭിച്ചിട്ട് കുറഞ്ഞത് മൂന്നോ നാലോ മാസമായി. ഓഡിയോ ആയും വീഡിയോ ആയും അവയെല്ലാം ഞാൻ രേഖപ്പെടുത്തി വച്ചിട്ടുണ്ട്. ഈ ഡിജിറ്റൽ സെറ്റിൽ നിങ്ങൾക്ക് അവയെല്ലാം കാണാൻ സാധിക്കും. അവയെല്ലാം ആൻഡ്രൂ ബ്ലേസ് സൂയിസൈഡ് ടേപ്പ് എന്ന ഫോൾഡറിൽ ആണ് ഉണ്ടാവുക. 2016 നവംബർ മുതലുള്ള പ്രൈവറ്റ് ജേർണൽ എൻഡ്രികളും അതിൽ ഉൾപ്പെടും, അവ ആൻഡ്രൂ ബ്ലേസ് പ്രൈവറ്റ് ജേർണൽ എന്ന ഫോൾഡറിൽ ലഭ്യമാണ്. എൻ്റെ അവസാന മാസം ഞാൻ പേപ്പറിലും, ഓഡിയോയിലും, വീഡിയോയിലും റെക്കോർഡ് ചെയ്തിട്ടുണ്ട്.

ഏകദേശം നാലര കൊല്ലമായി ഞാൻ എൻ്റെ ജീവൻ അവസാനിപ്പിക്കാൻ ഉള്ള ചിന്തകളിൽ ഏർപ്പെടാൻ തുടങ്ങിയിട്ട്. 2013 തുടക്കത്തിലേ നിർഭാഗ്യ സമയങ്ങളിൽ ആയിരുന്നു എനിക്ക് ആത്മഹത്യ ചെയ്യാൻ അതിയായ ആഗ്രഹം ഉണ്ടായത്. പിന്നീട് പതിയെ പതിയെ വിശാദത്തിലേക്ക് ഞാൻ കൂപ്പ് കുത്തുകയായിരുന്നു. ഈ കഷ്ടകാല സമയത്തും യഥാർത്ഥത്തിൽ ഞാൻ ആരാണെന്ന സത്യം ഞാൻ പതിയെ തിരിച്ചറിയാൻ തുടങ്ങി. നിങ്ങൾക്ക് എന്നെ അറിയാവുന്നത് തവളയുടെയും കുതിരയുടെയും പാവകൾ ഉപയോഗിച്ച് കോമഡി വീഡിയോകൾ ചെയ്തിരുന്ന കുട്ടി ആയിട്ടായിരിക്കും. അല്ലെങ്കിൽ ഡാർക്ക് ഷാഡോ ഷോർട്ട് ഫിലിമുകൾ എടുക്കുന്ന ഒരു സാധാരണ പയ്യൻ, അതും അല്ലെങ്കിൽ എംബർ മക്ക്ലൈനെ അമിതമായി ആരാധിക്കുന്ന ഒരു പയ്യനായോ ആയിരിക്കും. പക്ഷേ യഥാർത്ഥത്തിൽ ഞാൻ അവളെ തന്നെ കണ്ടെത്താൻ ശ്രമിക്കുന്ന കൂട്ടിലടക്കപെട്ട ഒരു ആത്മാവായിരുന്നു. നിങൾ അത് തെറ്റായി വായിച്ചതല്ല, ഞാൻ അവളെത്തന്നെ എന്നാണ് എഴുതിയത്. ആൻഡ്രൂ ബ്ലേസ് ഒരു വ്യക്തിയോ കഥാപാത്രമോ അല്ല. അത് യഥാർത്ഥത്തിൽ ഞാൻ ആരാണോ അത് തന്നെയാണ്.