മഹാനദി 9 (ജ്വാല ) 1445

” ഡാ… ഞാൻ എവിടെ നിന്നാണ് തുടങ്ങേണ്ടത് എന്നെനിക്കറിയില്ല, 

അന്ന് സ്നേഹ വീട്ടിൽ നിന്ന് ഇറങ്ങി പോയില്ലേ, അന്ന് രാത്രിയിൽ അമ്മ എന്നെ വിളിച്ചു ഈ കാര്യം പറഞ്ഞു, പിന്നെ എന്നെ കൂട്ടി അവളുടെ വീട്ടിലും പോയി, ഞങ്ങളെ അപമാനിച്ചാണ് തിരികെ വിട്ടത്, 

നിന്നെ ഇനി പറയാൻ ഒന്നുമില്ല, സ്ത്രീകളെ വീടിന്റെ അടുക്കളയിൽ അടച്ചിടുന്ന കോന്തൻ അത്രേ, 

വിദ്യാസമ്പന്നയായ, തൊഴില്‍ ചെയ്തു ജീവിക്കാന്‍ പ്രാപ്തീയുള്ള എന്നെ അഭിപ്രായം  പോലും പറയാന്‍ അനുവദിക്കാതെ ഭർത്താവിനെയും, കുടുംബക്കാരെയും  സേവിച്ചുകൊണ്ട് ജീവിക്കാന്‍ കുടുംബത്തിനുള്ളില്‍ തളച്ചിടുന്ന നിങ്ങളുടെ മകനെ എന്ത് പേരിട്ടാണ് ഞാൻ വിളിക്കുക, 

അമ്മ അവളുടെയും, കുടുംബക്കാരുടെയും കാലുപിടിച്ച് വരാൻ, അവർക്ക് ഒരു താല്പര്യമില്ലായ്മ പോലെ, 

” നീ പിന്നെ എന്താ എന്നോട് ഇത് പറയാതിരുന്നത്? 

” ഡാ അമ്മ പറഞ്ഞിട്ടാണ്, എന്റെ കുട്ടി കുടുംബത്തിനായി എത്ര കഷ്ടപ്പെട്ടതാ ഒന്ന് ജീവിക്കാൻ തുടങ്ങിയില്ല അതിനു മുൻപേ ഇങ്ങനെ ഒക്കെ ആണെന്നറിഞ്ഞാൽ അവനു മാനസികമായി വല്ലതും വന്നാൽ പിന്നെ എന്ത് ചെയ്യും അതു കൊണ്ട് മോൻ അവനോട് ഒന്നും പറയണ്ട എന്ന് പറഞ്ഞത് കൊണ്ട് മാത്രമാണ് ഞാൻ നിന്നോട് ഈ വിഷയം പറയാതിരുന്നത്, 

” ഹമ്.,.,.

” ഡാ… അവർ നമ്മൾ വിചാരിച്ച പോലത്തെ ഒരു കുടുംബം ഒന്നുമല്ല, തനി ഫ്രോഡുകൾ ആണ്, ആ വീടിന്റെ പച്ച മാത്രമേ ഉള്ളൂ, 

അവൾ കല്യാണത്തിന് ഇട്ടിരുന്ന മിക്ക സ്വർണങ്ങളും മുക്ക് പണ്ടം ആയിരുന്നു, ഒരു ഗ്രാം തങ്കത്തിൽ പൊതിഞ്ഞത്, ഇതൊക്കെ നമ്മൾ അറിഞ്ഞതിന്റെ ചൊരുക്ക് ആണ് കേസായി തീർത്തത്.