പതിനാറാം 👹 തീയാട്ട് {Sajith} 1512

പുന്നയ്ക്കൽ

*★*

 

അപ്പു ഇന്ന് നേരത്തെ അത്താഴം കഴിച്ചിരുന്നു. തൻ്റെ മുറിയിൽ വന്ന് മരുന്ന് കഴിച്ച് ഫോണുമെടുത്ത് കട്ടിലിൻ്റെ ചാരുഭിത്തിയിൽ ഒരു തലേണയും വച്ച് അതിൽ ചാരി ഇരുന്ന് മൊബൈൽ ഓണാക്കി. 

 

ഡിസ്പ്ലേയിൽ അപ്പുവും കുഞ്ഞൂട്ടനും ഇന്ദിരാമ്മയുടെ ഓരോ കവിളിലും ഉമ്മ കൊടുക്കുന്ന ചിത്രം തെളിഞ്ഞ് വന്നു. അപ്പു തൻ്റെ ചാറ്റ് ലിസ്റ്റ് എടുത്ത് നോക്കി. വൈകുംനേരം പുറത്ത് പോവുന്നെന്ന് പറഞ്ഞ് ഒരു മെസേജ് വന്നതാ. ദുഷ്ടൻ പിന്നെ ഒരു മെസേജ് പോലും തന്നില്ല. എല്ലാത്തിനും ഞാൻ അങ്ങോട്ട് അയച്ച് ചോയിച്ചോണം.. എനിക്ക് സൗകര്യില്ല ഇങ്ങനേം ഇണ്ടോ ജാഡ..

 

അപ്പു ഫോൺ കട്ടിലിലേക്ക് എറിഞ്ഞ് കൈയ്യും കെട്ടി ചുണ്ട് കൂർപ്പിച്ച് ചാരി ഇരുന്നു.

 

കുഞ്ഞൂട്ടനോട് അപ്പു ഉള്ളാലെ പിണങ്ങി. അവൻ ഇന്ന് വിളിക്ക കൂടി ചെയ്യാഞ്ഞതിൽ അവൾക്ക് നിരാശ തോന്നി. അവന് അപ്പൂനെ കുറിച്ച് ഒരു ചിന്തയുമില്ല എന്ന് തോന്നി കാണും. 

 

പെട്ടന്നായിരുന്നു അപ്പൂൻ്റെ ഫോൺ ബെൽമുഴക്കിയത്. അവള് ധൃതിയിൽ ഫോണെടുത്ത് നോക്കി. അവൻ തന്നെയാണ് വിളിക്കുന്നത്…, അപ്പൂൻ്റെ കുഞ്ഞൂട്ടൻ…

 

“”ഹലോ….””,

 

അവൾ വേഗം കോൾ റിസീവ് ചെയ്തു. 

 

“”നീ ഇത് കൈയ്യീന്ന് താഴെ വക്കലില്ലേ അപ്പൂ….””,

 

ഒറ്റ റിംഗിൽ തന്നെ ഫോണെടുത്തപ്പൊ അപ്പു ഏതു സമയവും ഫോണ് കൊണ്ട് നടക്കായിരിക്കും എന്ന് കുഞ്ഞൂട്ടൻ വിചാരിച് കാണും.

 

“”ഞാൻ ഇപ്പൊ ഭക്ഷണം കഴിച്ച് വന്നേ ഉള്ളു…””,””വല്ല മെസേജും ഇണ്ടോന്നറിയാൻ എട്ത്ത് നോക്കിയതാ…””,””നിനക്ക് വിളിക്കണംന്നും ഒന്നും ഇല്ലല്ലോ ഭാക്കി ഇള്ളോർക്കാ ഇവടെ ആവശ്യം…””,

 

“”ഇപ്പൊ ഞാൻ അങ്ങട്ട് വിളിച്ചതല്ലേ…””,

 

“”ഞാൻ ഇന്ന് എത്ര വട്ടം നിന്നെ വിളിച്ചെടാ…””,

 

“”ഓഹ് ചേച്ചി ചൂടിലാണല്ലോ…””,””വിളിക്കാൻ ഒഴിവ് കിട്ടീല അപ്പുവോ…””,””കല്ല്യാണ തെരക്കായോണ്ട്…””,

 

“”ഓഹ് ഞാനാ കാര്യം മറന്നു…””,””നീ കഴിച്ചോ…””,

 

കല്ല്യാണകാര്യം എടുത്തിട്ടത് കൊണ്ട് തൽക്കാലം അപ്പു അവനോട് ക്ഷമിച്ചിരുന്നു. അവിടെ ഒരുപാട് ജോലികളുണ്ടാവുംന്ന് അപ്പൂനറിയാം അത് കുഞ്ഞൂട്ടനെ കൊണ്ടായിരിക്കും ചെയ്യിക്കാന്നും അവൾക്കറിയാം.

 

“”ആഹ് ഇപ്പൊ കഴിച്ചേയുള്ളു….””,

 

“”നീ എപ്പഴാ വരാ കുഞ്ഞൂട്ടാ…””,

 

ഒരു കാമുകിയുടെ ഈണത്തോടെ അപ്പു ഫോണിലൂടെ കുഞ്ഞൂട്ടനോട് കൊഞ്ചിക്കൊണ്ട് ചോദിച്ചു. 

 

“”എന്തേ അപ്പു കാണാൻ പൂതി ആവ്ണ്ടോ…””,

 

തിരിച്ച് കുഞ്ഞൂട്ടൻ്റെ ഒരു ചോദ്യം.

 

“”വന്നിട്ട് നിൻ്റെ കൂടെ ഒന്ന് അമ്പലത്തില് പോവാനാടാ…””,

 

“”ഓഹ് അതിനാണോ..””,””രണ്ട് ദിവസത്തെ ജോലികൂടി ഇണ്ട് അത് കഴിഞ്ഞാൽ ഞാൻ ഒടനേ എറങ്ങും…””,

 

“”വേഗം തീർത്ത് വാ…””,””കാണാനും തോന്ന്ണ്ട് നിന്നെ…””,

 

അപ്പു കുഞ്ഞൂട്ടനോട് സംസാരിക്കുമ്പൊ മനസാലെ പഴയ അഞ്ചുവയസുള്ള പാവാടക്കാരിയായി മാറി. അവനത് ആസ്വദിച്ച് അപ്പൂന് മറുപടികൊടുത്തു കൊണ്ടിരുന്നു. അൽപ നേരം അവരുടെ ഫോൺ സിം ഓൾ നീണ്ടു. അവസാനം അപ്പൂന് ഉറക്കം വരുന്നെന്ന് കുഞ്ഞൂട്ടന് തോന്നിയപ്പോൾ അവൻ തന്നെ സംസാരം അവസാനിപ്പിക്കാൻ മുൻകൈ എടുത്തു. 

 

കുഞ്ഞൂട്ടൻ അപ്പുറത്ത് കോൾ കട്ടാക്കി. ആകെ കുറച്ച് നേരമേ കുഞ്ഞൂട്ടൻ സംസാരിച്ചൊള്ളു. അതിലും അപ്പൂന് ചെറിയ സങ്കടം തോന്നി. അവൻ പോയിട്ട് കുറച്ച് ദിവസമേ ആവുന്നുള്ളു എങ്കിലും വല്ലാത്തൊരു മിസ്സിംഗ് പോലെ. അപ്പു ഫോണിൽ നിന്ന് കുഞ്ഞൂട്ടൻ്റെ ചിരിച്ചു നിൽക്കുന്ന ഒരു ചിത്രം തിരഞ്ഞെടുത്തു. അത് സൂമ് ചെയ്ത് അൽപനേരം ചിത്രത്തിലെ അവൻ്റെ കണ്ണുകളിലേക്ക് തന്നെ നോക്കി കൊണ്ടവൾ നിന്നു. ഫോൺ സംഭാഷണത്തിൽ പറയാൻ മറന്നത് അപ്പു ആഹ് ചിത്രത്തിൽ നോക്കി കൊണ്ട് പറഞ്ഞു. അവസാനം ഒരു ചിരിയോടെ ഫോണിൽ കുഞ്ഞൂട്ടൻ്റെ ചിത്രം അത് പോലെ തന്നെ തുറന്ന് വച്ച് ഫോൺ തനിക്കരുകിൽ കട്ടിലിൽ ഇട്ടു. അപ്പു അതിന് നേരെ ചരിഞ്ഞു കിടന്നു. കുഞ്ഞൂട്ടൻ ഉണ്ടായിരുന്നങ്കിൽ ഇപ്പൊ ഒരു കൈ അവൻ്റെ കഴുത്തിലൂടെയും ഒരു കാല് കുഞ്ഞൂട്ടൻ്റെ അരയിലൂടെയും കയറ്റി വച്ച് ചുറ്റി വരിഞ്ഞ് കിടന്നേനെയെന്ന് അപ്പു ആലോചിച്ചു. കുഞ്ഞൂട്ടൻ അടുത്ത് കിടക്കുന്നുണ്ടെന്നൊരു സങ്കൽപ്പത്തോടെ തന്നെ അവൾ കണ്ണുകൾ അടച്ചു.

 

***★***