ദി ഡാർക്ക് ഹവർ 8 {Rambo} 1704

“”സൂക്ഷിക്കണേ മോനെ…””

“”ഓ..എന്നെ രക്ഷിക്കാൻ എനിക്കറിയാം””
അവൾ ചാടിക്കയറി പറഞ്ഞു…

“”നിന്നെ രക്ഷിക്കാനല്ല…
നിന്നില്നിന്ന് അവനെസൂക്ഷിക്കാനാ ഞാൻ പറഞ്ഞേ…””
അമ്മയും അതേ നാണയത്തിൽ തിരിച്ചടിച്ചപ്പോൾ അവളാകെ ചൂളിപ്പോയി..

എങ്കിലും സമർത്ഥമായതിനെയും അവൾ ഒളിപ്പിച്ചു…

യാത്ര തുടങ്ങിയിട്ടിപ്പോൾ ഏകദേശം ഒന്നരമണിക്കൂറോളം ആയിട്ടുണ്ട്…
നിത്യേയുടെ വാതോരാതെയുള്ള സംസാരത്തിൽ മുഴുകി..അവൻ വണ്ടിയോടിച്ചുകൊണ്ടേയിരുന്നു..

ഇടക്കൊന്ന് മൂളിക്കൊടുക്കുയേ വേണ്ടുള്ളൂ….

ഇന്നലെ നടന്ന സംഭവമൊന്നും അവൻ അവളോട് പറയാൻ നിന്നില്ല..
തുടർന്നും…വല്ലതുമുണ്ടാവുകയാണെങ്കിൽ നോക്കാമെന്നെരീതിയിൽ അവനും നിന്നു..

വയർ..കലശലായി മുറവിളി കൂട്ടിയപ്പോൾ കഴിക്കാൻവേണ്ടി നല്ലൊരു ഹോട്ടലിന്റെ മുന്നിൽ അവർ കാർ ഒതുക്കി…

ഇറങ്ങുവാനായി ഡോർ തുറന്നപ്പോഴാണ് നിത്യയുടെ ഫോൺ ശബ്‌ധിച്ചത്..

“”ഐജി എന്താ ഈ നേരത്ത്….??””
അവനെ നോക്കിക്കൊണ്ടവൾ പറഞ്ഞ് അറ്റൻഡ് ചെയ്തു…