ഒന്നും ഉരിയാടാതെ 42 [നൗഫു] 5992

കുത്തേറ്റു തിരിഞ്ഞ  ബാവു കൈയിൽ ചോരയൊലിക്കുന്ന കമ്പിയുമായി നിൽക്കുന്ന എന്നെ നോക്കി പുഞ്ചിരിച്ചു കൊണ്ട് പതിയെ താഴെക്കു  വീഴുമ്പോൾ ഞാൻ ബാവുവിനെ എന്റെ കൈകളിൽ കൈകളിൽ കോരിയെടുത്തിരുന്നു… അവനെയും കൊണ്ട് ഞാൻ നിലത്ത് അവന്റെ അരികിലായി ഇരുന്നു… പതിയെ  മറഞ്ഞു പോകുന്ന ബോധമറിയാതെ…

❤❤❤

““എടാ എനിക്ക് അവളെ ഒന്നു കാണണമല്ലോ…””

അരികേ നിൽക്കുന്ന ആഷികിനോടായി ഞാൻ പറഞ്ഞു…

““എന്തിനാടാ ഇനിയും .. അവളെ ഒഴിവാക്കാൻ നോക്ക്.. ഇനിയും പഞ്ചാര ഒലിപ്പിച്ചു അവളുടെ പിറകെ നടക്കാൻ നിനക്ക് നാണമില്ലേ..”” 

കുറച്ചു ഗൗരവത്തോടെയും പുച്ഛത്തോടെയുമായി ആഷിക് പറഞ്ഞു..

എനിക്ക് അതിന് യാതൊരു മറുപടിയും ഇല്ലായിരുന്നു.. അവൻ പറഞ്ഞത് സത്യമാണ്.. ഇത്രയും ദിവസങ്ങളിൽ എന്നെ ഒരുപാട് പൊട്ടൻ കളിപ്പിച്ചു അവൾ.. എന്നെ ഇടക്ക് ഒരു കുരങ്ങിനെ പോലെയാക്കി … സമൂഹത്തിൽ ഒന്നിനും കൊള്ളാത്തവനെ പോലെ..

അങ്ങോട്ട്‌ പറഞ്ഞാൽ അങ്ങോട്ടും ഇങ്ങോട്ട് പറഞ്ഞാൽ ഇങ്ങോട്ടും കോപ്രായങ്ങൾ കാട്ടി ചാടി കളിക്കുന്ന സർക്കസ് കുരങ്ങിനെ പോലെ…

എല്ലാം ആലോചിച്ചു നോക്കുമ്പോൾ മനസ് വേണ്ട വേണ്ട എന്ന് ഇടക്കിടെ ഓർമ്മപെടുത്തുന്നുണ്ട്.. പക്ഷെ എവിടെയോ ഒരു നീറ്റൽ… മനസറിഞ്ഞു സ്നേഹിച്ചാൽ എങ്ങനെയാ ഇട്ടെറിഞ്ഞു പോകുവാൻ കഴിയുക…