എനിക്കായ് ???

Enikkay 

Auther : നൗഫു

ഇന്നത്തെ ദിവസം ഒരു കഥ വിടാതെ എങ്ങനെ അല്ലെ…

ഏതായലും ഒരു ദിവസം കൊണ്ട് ഒന്ന് തട്ടി കൂട്ടി..

വല്ല ഗുണമെന്നും ഉണ്ടാവില്ല, ഒരു അനുഭവ കുറിപ്പ് പോലെ എഴുതുന്നു…

എന്നാൽ തുടങ്ങല്ലേ….

വായിക്കുക്ക അഭിപ്രായം അറിയിക്കുക…

അന്ന് ഞാൻ പ്രവാസത്തിലേക് പ്രവേശിച്ചിട്ട് രണ്ടു കൊല്ലമായ സമയം ..

നാട്ടിൽ പോകുവാനുള്ള പൂതിയോടെ ഞാൻ ഒരുങ്ങാൻ തുടങ്ങുന്ന സമയം…

കുറച്ചു ദിവസങ്ങളായി ദിനചര്യ പോലെ ജിദ്ദ മാർകറ്റിൽ കറങ്ങി തിരിഞ്ഞു നടക്കുകയാണ്. കണ്ണിൽ കാണുന്നതെല്ലാം മേടിക്കുകയും വേണം എന്നാൽ അതിനു മാത്രമുള്ള പൈസയും കയ്യിലില്ല. വാങ്ങിക്കൂട്ടിയത് മുഴുവനായി വിമാനക്കമ്പനി ഫ്‌ളൈറ്റിൽ കേറ്റുകയോ ഇല്ല എന്നുള്ള ചിന്തയിൽ ഓരോ മുക്കിലും മൂലയിലും കറങ്ങി തിരിഞ്ഞു നടക്കുന്ന സമയത്താണ് ഒരു വാട്ട്സാപ്പ് മെസ്സേജ് എന്നെ തേടി വരുന്നത്..

ഹായ്.. അറിയുമോ…

ഞാൻ ഒരു പ്രാവശ്യം ഫോണെടുത്തു നോക്കി പോക്കറ്റിൽ തന്നെ വെച്ചു..

നാട്ടിൽ നിന്നുള്ള ഏതോ നമ്പർ ആണ്..

മിക്കവാറും ഞാൻ നാട്ടിൽ വരുന്നത് അറിഞ്ഞ ഏതോ തെണ്ടീയാവും…

അന്നൊക്കെ ഓരോ പാക്കറ്റ് മലബോറോ അല്ലെങ്കിൽ റോത്മാൻ സിഗരറ്റ് വാങ്ങി കൊണ്ട് പോകുന്നവർ കൂടുതലായിരുന്നു..

ഞാൻ പതിവ് പർച്ചേസ് കഴിഞ്ഞു റൂമിൽ എത്തി..

മറ്റുള്ള കലാപരിപാടികൾ കഴിഞ്ഞപ്പോൾ തന്നെ സമയം ഏതാണ്ട് ഒരുമണി ആയിട്ടുണ്ട്..

മൊബൈൽ എടുത്ത് നോക്കിയപ്പോൾ ആദ്യം തന്നെ ഈ മെസ്സേജാണ് കാണുന്നത്..

ഇക്കാ… എന്നെ അറിയുമോ…

ഹലോ, ഹായ്..

ഇങ്ങനെ അഞ്ചോളം മെസ്സേജുണ്ടതിൽ…

ഞാൻ പ്രൊഫൈൽ നോക്കിയപ്പോൾ ആരുടേയും ഫോട്ടോ ഇല്ല അതിൽ..

അവസാനത്തെ മെസ്സേജ് കണ്ടപ്പോൾ എനിക്ക് തോന്നി ഇത് എന്റെ കൂട്ടുകാരൻ അല്ല.. ഏതോ പെൺകുട്ടിയാണ്..